ചിന്നസ്വാമിയിൽ ഐപിഎൽ ആവേശം: ആർസിബി – ഡൽഹി പോരാട്ടം ഇന്ന്; ചിന്നസ്വാമി സ്റ്റേഡിയത്തിന് ചുറ്റുമുള്ള ഗതാഗതത്തിൽ ഇന്ന് മാറ്റം

ബെംഗളൂരു: ഐപിഎൽ 2026 സീസണിലെ ആവേശകരമായ പോരാട്ടത്തിൽ റോയൽ ചലഞ്ചേഴ്‌സ് ബാംഗ്ലൂർ ഇന്ന് ഡൽഹി ക്യാപിറ്റൽസിനെ നേരിടും. സിലിക്കൺ സിറ്റിയിലെ ചിന്നസ്വാമി സ്റ്റേഡിയത്തിൽ നടക്കാനിരിക്കുന്ന മത്സരത്തിന് മുന്നോടിയായി ബെംഗളൂരു ട്രാഫിക് പോലീസും നഗര ഭരണകൂടവും കർശനമായ സുരക്ഷാ ക്രമീകരണങ്ങളും ഗതാഗത നിയന്ത്രണങ്ങളുമാണ് ഏർപ്പെടുത്തിയിരിക്കുന്നത്.

മത്സരത്തിന്റെ സുരക്ഷ ഉറപ്പാക്കുന്നതിനായി ഏകദേശം രണ്ടായിരത്തോളം പോലീസുകാരെയാണ് സ്റ്റേഡിയത്തിലും പരിസരത്തുമായി വിന്യസിച്ചിട്ടുള്ളത്. അനിഷ്ട സംഭവങ്ങൾ ഒഴിവാക്കാൻ സ്റ്റേഡിയത്തിന് ചുറ്റും അതീവ ജാഗ്രത പ്രഖ്യാപിച്ചിട്ടുണ്ട്. ടിക്കറ്റുകൾ നിയമവിരുദ്ധമായി മറിച്ചുവിൽക്കുന്ന ബ്ലാക്ക് ടിക്കറ്റ് മാഫിയയെ തടയാനായി ഏഴ് പ്രത്യേക പോലീസ് ടീമുകളെ നിയോഗിച്ചു. ടിക്കറ്റില്ലാത്തവർ സ്റ്റേഡിയത്തിന് സമീപം ഒത്തുകൂടുന്നത് വിലക്കിയിട്ടുണ്ട്; ലംഘിക്കുന്നവർക്കെതിരെ നിയമനടപടി സ്വീകരിക്കും. കാണികൾ തങ്ങളുടെ മൊബൈൽ ഫോൺ, പഴ്‌സ്, ആഭരണങ്ങൾ എന്നിവയുടെ സുരക്ഷയിൽ പ്രത്യേക ശ്രദ്ധ പുലർത്തണമെന്ന് അധികൃതർ നിർദ്ദേശിച്ചു.

വാടകവീടുകൾ കേന്ദ്രീകരിച്ച് പെൺവാണിഭം; ബെംഗളൂരുവിൽ ഏഴ് സ്ത്രീകൾ പിടിയിൽ

ഗതാഗത നിയന്ത്രണത്തിന്റെ ഭാഗമായി നഗരത്തിലെ പ്രധാന റോഡുകളിൽ പാർക്കിംഗ് പൂർണ്ണമായും നിരോധിച്ചു. ക്വീൻസ് റോഡ്, എം.ജി. റോഡ് (അനിൽ കുംബ്ലെ സർക്കിൾ മുതൽ ക്വീൻസ് സർക്കിൾ വരെ), കബ്ബൺ റോഡ്, രാജ്ഭവൻ റോഡ്, മ്യൂസിയം റോഡ്, കസ്തൂർബ റോഡ്, ലാവെല്ലെ റോഡ്, വിറ്റൽ മല്യ റോഡ്, കബ്ബൺ പാർക്കിനുള്ളിലെ റോഡുകൾ എന്നിവിടങ്ങളിലാണ് നിരോധനം ഏർപ്പെടുത്തിയിരിക്കുന്നത്.

പാർക്കിംഗ് സ്ഥലങ്ങൾ

സെന്റ് ജോസഫ്സ് ഇന്ത്യൻ ഹൈസ്കൂൾ ഗ്രൗണ്ട്
സെന്റ് ജോസഫ്സ് യൂറോപ്യൻ സ്കൂൾ ഗ്രൗണ്ട്
ഫ്രീഡം പാർക്ക് (എം‌എൽ‌സി‌പി പാർക്കിംഗ്)
കണ്ഠീരവ സ്റ്റേഡിയം (പുതുതായി ചേർത്തത്)
യുബി സിറ്റിയിലും ഗരുഡ മാളിലും പാർക്കിംഗ് സൗകര്യം
ശിവാജിനഗർ ബസ് സ്റ്റാൻഡ് (ഒന്നാം നില)

ബെംഗളൂരുവിന്റെ കാൽപന്ത് ചരിത്രം: സ്റ്റാർട്ടപ്പുകൾക്കും ഐടി പാർക്കുകൾക്കും മുന്നേ പിറന്ന ഫുട്ബോൾ നഴ്സറി

സ്റ്റേഡിയത്തിലേക്കുള്ള പ്രവേശന കവാടങ്ങളുടെ വിവരങ്ങൾ താഴെ പറയുന്നവയാണ്: ഓല/ഉബർ/ഓട്ടോ പിക്ക്-അപ്പ് പോയിന്റ്

ലിങ്ക് റോഡ് വശത്ത് നിന്ന്: ഗേറ്റ് നമ്പർ 11 മുതൽ 17 വരെ പ്രവേശനം അനുവദനീയമാണ്.
കബ്ബൺ റോഡ് വശത്ത് നിന്ന്: ഗേറ്റ് നമ്പർ E-1 വഴി E-3 വരെയും E-18, 19, 22, 23 വരെയും പ്രവേശിക്കാം.
ക്വീൻസ് റോഡ് വശത്ത് നിന്ന്: ഗേറ്റ് നമ്പർ E-5 ഉം E-8 ഉം പ്രവേശനത്തിനായി നീക്കിവച്ചിരിക്കുന്നു. ഗേറ്റ് നമ്പർ 9 ഉം 9A ഉം പുറത്തുകടക്കാൻ മാത്രമായുള്ളതാണ്.
വിഐപി പ്രവേശനം: കളിക്കാർക്കും വിശിഷ്ട വ്യക്തികൾക്കും ഗേറ്റ് നമ്പർ E-10 വഴിയാണ് പ്രവേശനം ക്രമീകരിച്ചിരിക്കുന്നത്.

പൊതുജനങ്ങളുടെ താൽപ്പര്യവും ട്രാഫിക് സുഗമമാക്കുന്നതും പരിഗണിച്ചാണ് ഈ നടപടികളെന്ന് പോലീസ് അറിയിച്ചു.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.

ബിരിയാണിയിൽ ചത്ത പല്ലി: ഹോട്ടൽ പൂട്ടി; യുവതി ആശുപത്രിയിൽ

If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]