ന്യൂഡല്ഹി: ഇന്ത്യയുടെ പരമോന്നത നീതിപീഠമായ സുപ്രീം കോടതിയെ കേന്ദ്ര സര്ക്കാര് അടിച്ചമര്ത്തുന്നുവെന്ന് ആരോപിച്ച് കോണ്ഗ്രസ് അദ്ധ്യക്ഷന് രാഹുല് ഗാന്ധി. ബിജെപിയുടെ നേതൃത്വത്തിലുള്ള കേന്ദ്ര സര്ക്കാര് ജുഡീഷ്യല് സ്ഥാപനങ്ങളെ ദുര്ബലപ്പെടുത്തിയെന്നും അദ്ദേഹം വിമര്ശിച്ചു.
ചീഫ് ജസ്റ്റിസ് ദീപക് മിശ്രയ്ക്കെതിരായ പ്രതിപക്ഷത്തിന്റെ ഇംപീച്ച്മെന്റ് നോട്ടീസ് ഉപരാഷ്ട്രപതി തള്ളിയ സാഹചര്യവും സുപ്രീം കോടതിയുടെ പ്രവര്ത്തനത്തില് ആശങ്ക പ്രകടിപ്പിച്ച് മുതിര്ന്ന ജഡ്ജിമാര് നേരത്തെ രംഗത്തെത്തിയ സംഭവവും ചൂണ്ടിക്കാട്ടിയാണ് രാഹുല് കേന്ദ്ര സര്ക്കാരിനെതിരെ രൂക്ഷ വിമര്ശനം ഉന്നയിച്ചിരിക്കുന്നത്.
ദളിതരെ പ്രധാനമന്ത്രി അപമാനിക്കുകയാണെന്നും സമൂഹത്തില് ദളിതര് അവഗണിക്കപ്പെടുകയാണെന്നും രാഹുല് കൂട്ടിച്ചേര്ത്തു. ന്യൂഡല്ഹിയില് ചേരുന്ന ഭരണഘടനാ സംരക്ഷണ ക്യാമ്പയിനിലാണ് (സേവ് ദി കോണ്സ്റ്റിറ്റ്യൂഷന്) രാഹുല് ഗാന്ധി ആരോപണങ്ങള് ഉന്നയിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
