കൊല്ക്കത്ത: സന്തോഷ് ട്രോഫി കിരീടത്തില് ബംഗാളിനെതിരെ പുതിയ ചരിത്രമെഴുതി കേരളം. പെനാള്ട്ടി ഷൂട്ടൗട്ടില് ബംഗാളിനെ രണ്ടിനെതിരെ നാല് ഗോളുകള്ക്കാണ് കേരളം തകര്ത്തത്. സന്തോഷ് ട്രോഫി ചരിത്രത്തില് ഇത് ആദ്യമായാണ് ബംഗാളിനെ അവരുടെ തട്ടകത്തില് ഒരു ടീം പരാജയപ്പെടുത്തുന്നത്.
കേരളം നേടുന്ന ആറാമത്തെ സന്തോഷ് ട്രോഫി കിരീടമാണിത്. നിശ്ചിത സമയത്തില് ഓരോ ഗോള് വീതം നേടി ഒപ്പത്തിനൊപ്പം നിന്ന കളി അധിക സമയത്തിലേക്ക് നീണ്ടു. എക്സ്ട്രാ ടൈമിലെ രണ്ടാം പകുതിയില് സമ്മര്ദ്ദത്തെ അതിജീവിച്ച് വിപിന് തോമസ് കേരളത്തിന് വേണ്ടി ആ സുവര്ണ ഗോള് നേടി. എന്നാല് എക്സ്ട്രാ ടൈമിലെ ഇന്ജുറി ടൈമില് ബംഗാള് നിര്ണായക ഗോള് നേടി ഒപ്പത്തിനൊപ്പമെത്തി. അതോടെ കളി അനിവാര്യ പെനാള്ട്ടി ഷൂട്ടൗട്ടിലേക്ക് നീണ്ടു. പെനാള്ട്ടി ഷൂട്ടൗട്ടില് കേരള ഗോള് കീപ്പര് മിഥുന്റെ മികച്ച സേവുകള് നിര്ണായകമായി. രണ്ടിനെതിരെ നാല് ഗോളുകള് നേടി കേരളം ആറാമത്തെ കിരീടത്തില് മുത്തമിട്ടു. ഇതാദ്യാമായാണ് പെനാള്ട്ടി ഷൂട്ടൗട്ടിലൂടെ ബംഗാളിനെ തകര്ക്കുന്നത്. കഴിഞ്ഞ രണ്ട് തവണ ബംഗാളിനെ ഫൈനലില് നേരിട്ടപ്പോള് കേരളം പെനാള്ട്ടി ഷൂട്ടൗട്ടില് വച്ച് കിരീടം നഷ്ടപ്പെടുത്തിയിരുന്നു. അതിന് മധുര പ്രതികാരമായി ചരിത്രത്തിലേക്ക് നടന്നു കയറിയ കേരള ടീമിന്റെ വിജയം.
Related posts
-
ബെംഗളൂരുവിനെ ഞെട്ടിച്ച് ‘മരണപ്പാച്ചിൽ’; ഒരു സ്കൂട്ടറിൽ ആറ് കുട്ടികൾ, വാഹനം ഓടിച്ചത് പത്ത് വയസ്സുകാരൻ
ബെംഗളൂരു: നഗരത്തിലെ റോഡ് സുരക്ഷാ നിയമങ്ങളെ വെല്ലുവിളിച്ചുകൊണ്ട് ഒരു സ്കൂട്ടറിൽ ആറ്... -
വാടകവീട്ടിൽ യുവതിയുടെ മരണം: മുറിയിൽ ചിതറിക്കിടക്കുന്ന കടലാസുകളും പാതിരാപ്പാട്ടും; മരണത്തിൽ ദുരൂഹതയേറുന്നു
ബെംഗളൂരു: അഡുഗോഡിയിലെ വാടകവീട്ടിൽ ജാർഖണ്ഡ് സ്വദേശിനി പൂജ ദത്തയെ (34) മരിച്ച... -
ശ്രദ്ധിക്കു!!! വാട്ടര് ബില്ല് മാസംതോറും അടച്ചിട്ടും ബില്ലിൽ കുടിശ്ശിക കോടികള് ; അപ്പാർട്മെന്റിലെ താമസക്കാർ ആശങ്കയിൽ
ബെംഗളൂരു: ഹലസൂരു തടാകത്തിന് സമീപമുള്ള കല്ലഹള്ളി ബി.ഡി.എ റെസിഡൻഷ്യൽ കോംപ്ലക്സിലെ താമസക്കാർ...