ബെംഗളൂരു നഗരത്തിലെ ഹോട്ടലുകളില് കുറഞ്ഞ ഓര്ഡര് നല്കുകയും ദീര്ഘനേരം ചെലവിടുകയും ചെയ്യുന്നവരില് നിന്ന് ‘പിഴ’ ഈടാക്കാന് ഹോട്ടല് ഉടമ കളുടെ അസോസിയേഷന് ആലോചിക്കുന്നു.
ബിസിനസ് നഷ്ടം ചൂണ്ടിക്കാട്ടിയാണ് നടപടി. ചായയും കടിയും മാത്രം ഓര്ഡര് ചെയ്ത് ദീര്ഘനേരം ഇരിപ്പിടടങ്ങള് ഉപയോഗിക്കുമ്പോള് മറ്റ് ഉപഭോക്താക്കള്ക്ക് സ്ഥലം കി ട്ടുന്നില്ലെന്നും തിരക്കേറിയ സമയത്തെ കച്ചവടത്തെ ബാധിക്കുന്നുവെന്നുമാണ് ആരോപണം.
ഇവരില് നിന്ന് പിഴയോ പാര്ക്കിങ് ചാര്ജിനു സമാനമായ രീതിയില് ടേബിള് ഫീസോ ഏര്പ്പെടുത്താനാണ് നീക്കം. ഇക്കാര്യം ചര്ച്ച ചെയ്തുവരികയാണന്നും അനുമതി തേടിയുള്ള കത്ത് ഉടന് സര്ക്കാരിന് സമര്പ്പിക്കുമെന്നും അസോസിയേഷന് വ്യക്തമാക്കി.
സര്ക്കാര് അംഗീകരിച്ചാല് നഗരത്തിലെ എല്ലാ ഹോട്ടലുകളിലും ഇതു നടപ്പാക്കും.
