Month: June 2025

ബെംഗളൂരു : നാഗർഹോളെ കടുവസംരക്ഷണകേന്ദ്രത്തിലെ സഫാരി സമയവും ഫീസ് നിരക്കും വനംവകുപ്പ് ജൂൺ ഒന്നുമുതൽ പരിഷ്കരിച്ചു. എച്ച്ഡി കോട്ടെ താലൂക്കിലെ അന്തരസന്തേ റേഞ്ചിനുകീഴിലുള്ള കാക്കനകോട്ട്, ഹുൻസൂർ താലൂക്കിലെ വീരനഹോസഹള്ളി, കുടകിലെ നാനാച്ചി ഗേറ്റ് എന്നീ സഫാരികേന്ദ്രം സന്ദർശിക്കുന്നവരുടെ എണ്ണം ദിനംപ്രതി വർധിക്കുകയാണ്. തമിഴ്‌നാട്, കേരളം എന്നീ സംസ്ഥാനങ്ങളിൽനിന്നടക്കം വരുന്ന ഒട്ടേറെപ്പേർക്ക് സമയക്കുറവുമൂലം സഫാരി ആസ്വദിക്കാൻ കഴിയാതെ നിരാശരായി മടങ്ങേണ്ടി വരുന്നു. അതിനാലാണ് സമയക്രമത്തിൽ മാറ്റംവരുത്താൻ വനംവകുപ്പ് തീരുമാനിച്ചത്. മാറ്റത്തോടെ, പലർക്കും വന്യജീവി സഫാരിക്ക് കൂടുതൽ അവസരം ലഭിക്കുമെന്ന് ഉദ്യോഗസ്ഥർ പറയുന്നു. സഫാരി സെന്ററുകളിൽ നിലവിൽ…

ബെംഗളൂരു: കെഎസ്ആർ ബെംഗളൂരു സ്റ്റേഷനിൽ യാർഡ് നവീകരണ പ്രവൃത്തികൾ നടക്കുന്നതിന്റെ ഭാഗമായി കേരളത്തിലേക്കുള്ള ട്രെയിൻ സർവീസുകളില്‍ ഉൾപ്പെടെ പുന:ക്രമീകരണം ഏര്‍പ്പെടുത്തി ദക്ഷിണ പശ്ചിമ റെയില്‍വേ. എറണാകുളം ഇന്റർ സിറ്റി, കണ്ണൂർ എക്സ്പ്രസ് എന്നീ രണ്ട്  ട്രെയിനുകൾ അടക്കം പുറപ്പെടുന്നതും എത്തിച്ചെരുന്നതുമായ സ്റ്റേഷനുകളിലാണ് താത്കാലികമായി മാറ്റം വരുത്തിയിരിക്കുന്നത്. ഈ ട്രെയിനുകള്‍  ഓഗസ്റ്റ് 15 മുതൽ 2026 ജനുവരി 16 വരെ 153 ദിവസം ബൈയ്യപ്പനള്ളി എസ്എംവിടി ടെർമിനലിൽ നിന്നായിരിക്കും പുറപ്പെടുകയെന്ന് ദക്ഷിണ റെയിൽവേ അറിയിച്ചു. ഈ രണ്ടു ട്രെയിനുകളുടെ സർവീസ് അവസാനിപ്പിക്കുന്നതും ബൈയ്യപ്പനള്ളി എസ്എംവിടി ടെർമിനലിൽ…

ബെംഗളൂരു : ബന്ദിപുർ വന്യജീവിസങ്കേതത്തിൽ അനധികൃതമായി പ്രവേശിച്ച് ഫോട്ടോ ഷൂട്ട് നടത്തിയതിന് വനംവകുപ്പ് രണ്ടുപേർക്ക് പിഴ ചുമത്തി. തിങ്കളാഴ്‌ച രാവിലെയാണ് സംഭവം.ബെംഗളൂരുവിൽനിന്നുള്ള പല്ലവി, ഘോഷ് എന്നിവരിൽനിന്നാണ് 25,000 രൂപ പിഴചുമത്തിയത്. ഇരുവരും സങ്കേതത്തിലെ നിയന്ത്രിതമേഖലയായ മംഗളവനത്തിൽ കാറിൽ അനധികൃതമായി പ്രവേശിച്ചത് വനംവകുപ്പ് ഉദ്യോഗസ്ഥരുടെ ശ്രദ്ധയിൽപ്പെട്ടു. ഉടൻ ഉദ്യോഗസ്ഥരെത്തി താക്കീതുനൽകുകയും ഇവരിൽനിന്ന് പിഴചുമത്തുകയുമായിരുന്നു. മേലിൽ പ്രവൃത്തി ആവർത്തിക്കില്ലെന്ന് ഇവരിൽനിന്ന് എഴുതിവാങ്ങിച്ചതായും അസി. ഫോറസ്റ്റ് കൺസർവേറ്റർ നവീൻ കുമാർ അറിയിച്ചു.