Year: 2024

ബെംഗളൂരു: ദളിതര്‍ക്ക് ക്ഷേത്രപ്രവേശനം അനുവദിച്ചതിനെത്തുടര്‍ന്ന് മണ്ഡ്യയിലെ ഗ്രാമത്തില്‍ സംഘര്‍ഷം. ദളിതര്‍ക്ക് ഹനകെരെ ഗ്രാമത്തിലെ കാലഭൈരവേശ്വര ക്ഷേത്രത്തില്‍ പ്രവേശിക്കാന്‍ ജില്ലാ അധികാരികള്‍ അനുമതി നല്‍കിയതിന് പിന്നാലെയാണ് സംഘര്‍ഷം ആരംഭിച്ചത്. ഇതേത്തുടര്‍ന്ന് മേല്‍ജാതിക്കാരായ വൊക്കലിഗ സമുദായത്തിലുള്ളവര്‍ എതിര്‍പ്പുമായി രംഗത്തെത്തി. തുടര്‍ന്ന് ക്ഷേത്രത്തിലെ വിഗ്രഹത്തെ മേല്‍ജാതിക്കാര്‍ നീക്കം ചെയ്തതായും റിപ്പോര്‍ട്ടുണ്ട്. സംഘര്‍ഷാവസ്ഥ കണക്കിലെടുത്ത് ഹനകെരെ ഗ്രാമത്തില്‍ പോലീസ് സേനയെ വിന്യസിച്ചിരിക്കുകയാണ്. പണ്ടുമുതലെ ഗ്രാമത്തിലെ കാലഭൈരവേശ്വര ക്ഷേത്രത്തില്‍ ദളിതര്‍ക്ക് പ്രവേശനം നിഷേധിക്കപ്പെട്ടിരുന്നു. ജീര്‍ണാവസ്ഥയിലായ ക്ഷേത്രം മൂന്ന് വര്‍ഷം മുമ്പാണ് പുതുക്കിപ്പണിതത്. അടുത്തിടെ ക്ഷേത്രം സംസ്ഥാന റീലിജിയസ് എന്‍ഡോവ്‌മെന്റ് വകുപ്പിന്റെ നിയന്ത്രണത്തിലാകുകയും…

ബെംഗളൂരു: ബനാർഗട്ടയിലുണ്ടായ ബൈക്കപകടത്തില്‍ കണ്ണൂർ സ്വദേശിയായ വിദ്യാർഥി മരിച്ചു. കണ്ണൂർ പേരാവൂരിനടുത്ത പെരുന്തോടിയിലെ കെ.എസ് മുഹമ്മദ് സഹദ് (20)ആണ് മരിച്ചത്. കൂടെ യാത്ര ചെയ്‌ത തോലമ്പ്ര തൃക്കടാരിപ്പൊയില്‍ നാരായണീയത്തില്‍ റിഷ്‌ ശശീന്ദ്രനെ (23) ഗുരുതര പരിക്കുകളോടെ ബെനാർഗട്ട ഫോർട്ടീസ് ആശുപത്രിയില്‍ പ്രവേശിപ്പിച്ചു. തിങ്കളാഴ്‌ച പുലർച്ചെ മൂന്നു മണിയോടെയാണ് അപകടം. പെരുന്തോടി അത്തൂരിലെ കല്ലംപറമ്പില്‍ ഷംസുദ്ധീന്റെയും ഹസീനയുടെയും മകനാണ് സഹദ്. തൃക്കടാരിപ്പൊയില്‍ നാരായണീയത്തില്‍ പരേതനായ ശശീന്ദ്രന്റെയും ഷാജിയുടെയും മകനാണ് പരിക്കേറ്റ റിഷ്ണു.

ബെംഗളൂരു: ഭാര്യയുടെ വിവാഹേതരബന്ധംമൂലം ഭർത്താവ് ആത്മഹത്യ ചെയ്താല്‍ പ്രേരണക്കുറ്റം ചുമത്താനാവില്ലെന്ന് കർണാടക ഹൈക്കോടതി. ഭർത്താവിന്റെ ആത്മഹത്യയില്‍ യുവതിക്കും അവരുടെ സുഹൃത്തിനുംമേല്‍ പ്രേരണാക്കുറ്റം ചുമത്തിയ കീഴ്കോടതി വിധി ജസ്റ്റിസ് ശിവശങ്കർ അമരന്നവർ റദ്ദാക്കി. ഇന്ത്യൻ ശിക്ഷാ നിയമത്തിലെ 306-ാം വകുപ്പ് അനുശാസിക്കുന്ന ആത്മഹത്യാ പ്രേരണക്കുറ്റത്തിന്റെ പരിധിയില്‍ വിവാഹേതരബന്ധം ഉള്‍പ്പെടില്ലെന്ന് കോടതി വ്യക്തമാക്കി. ഭർത്താവ് ആത്മഹത്യ ചെയ്യുന്നതിന് ദിവസങ്ങള്‍ക്കുമുമ്പ് ഭാര്യ പ്രേമയും സുഹൃത്ത് ബസവലിംഗ ഗൗഡയും അദ്ദേഹത്തോട് “പോയി മരിക്കാൻ’ പറഞ്ഞിരുന്നു. ആ പ്രതികരണം ഒന്നുകൊണ്ടുമാത്രം പ്രതികള്‍ക്കുമേല്‍ പ്രേരണക്കുറ്റം നിലനില്‍ക്കില്ല. ഭാര്യയുടെ വിവാഹേതരബന്ധത്തില്‍ മനംനൊന്താകാം ഭർത്താവ് ആത്മഹത്യ…

ബെംഗളൂരു: മണിക്കൂറുകൾ നീണ്ട ട്രാഫിക് ജാമിൽ അര്‍പിത് അറോറ എന്ന യുവാവ് പങ്കുവച്ച ഒരു കുറിപ്പാണ് ശ്രദ്ധ നേടുന്നത്. സിറ്റിയിലെ യാത്രയ്ക്കിടയില്‍ രണ്ട് മണിക്കൂറോളം ട്രാഫിക്കില്‍ കുടുങ്ങി. ധാരാള സമയം ട്രാഫിക്കില്‍ കുടുങ്ങുമെന്ന് അറിയാവുന്ന അര്‍പിത്, ഓണ്‍ലൈനില്‍ ഭക്ഷണം ഓര്‍ഡര്‍ ചെയ്യാന്‍ തീരുമാനിച്ചു, പക്ഷേ സിറ്റിയിലെ ട്രാഫിക് സ്തംഭിച്ചിരിക്കെ വെറും 10 മിനിറ്റിനുള്ളില്‍ ഓര്‍ഡര്‍ ചെയ്ത ഭക്ഷണം ഡെലിവറി ചെയ്തു. പോസ്റ്റിന്റെ അടിക്കുറിപ്പ് ഇങ്ങനെയാണ്. ”ബെംഗളുരുവിലെ ഏറ്റവും തിരക്കുള്ള നിമിഷം. നിങ്ങള്‍ ഏകദേശം രണ്ട് മണിക്കൂറോളം ട്രാഫിക്കില്‍ കുടുങ്ങിക്കിടക്കുമ്പോഴാണ് നിങ്ങളുടെ കാറില്‍ നിന്ന് അത്താഴം…

ബെംഗളൂരു: നഗരത്തില്‍ ഒറ്റദിവസം അഞ്ചുമണിക്കൂറിനിടെ ഗതാഗത നിയമലംഘനത്തിന് ട്രാഫിക് പോലീസ് 1757 കേസുകള്‍ രജിസ്റ്റർ ചെയ്ത് 88.60 ലക്ഷം രൂപ പിഴ ഈടാക്കി. വെള്ളിയാഴ്ച രാവിലെ 11 മുതല്‍ വൈകീട്ട് നാലുവരെ നടത്തിയ പ്രത്യേക പരിശോധന വിവരമാണ് പോലീസ് പുറത്തുവിട്ടത്. തെറ്റായ ദിശയില്‍ വാഹനമോടിച്ചതിനാണ് കൂടുതല്‍പേരും പിടിയിലായത്. ഇത്തരത്തില്‍ 730 കേസുകളും, ഹെല്‍മറ്റില്ലാതെ ഇരുചക്ര വാഹനമോടിച്ചതിന് 718 കേസുകളുമാണ് രജിസ്റ്റർ ചെയ്തത്.

ബെംഗളൂരു : ലൈംഗികപീഡനക്കേസിൽ കർണാടക ഹൈക്കോടതി ജാമ്യം നിഷേധിച്ചതോടെ സുപ്രീംകോടതിയെ സമീപിച്ച് ജെ.ഡി.എസ്. മുൻ എം.പി. പ്രജ്ജ്വൽ രേവണ്ണ. അഭിഭാഷകനായ ബാലാജി ശ്രീനിവാസൻ വഴി സമർപ്പിച്ച ഹർജി തിങ്കളാഴ്ച ജസ്റ്റിസ് ബേല എം. ത്രിവേദി, സതീഷ് ചന്ദ്ര ശർമ എന്നിവരുടെ ബെഞ്ച് പരിഗണിക്കും. മൂന്നാഴ്ച മുൻപാണ് കർണാടക ഹൈക്കോടതി ജഡ്ജി ജസ്റ്റിസ് എം. നാഗപ്രസന്ന പ്രജ്ജ്വലിന്റെ ജാമ്യാപേക്ഷ തള്ളിയത്. കഴിഞ്ഞ 31-നാണ് പ്രജ്ജ്വലിനെ പ്രത്യേക അന്വേഷണസംഘം അറസ്റ്റുചെയ്തത്.