Month: September 2024

ബെംഗളൂരു: റിട്ട. അധ്യാപിക വീട്ടിലെ ശുചിമുറിയില്‍ വീണ് മരിച്ച നിലയില്‍. റിട്ട. അധ്യാപികയും പരേതനായ അഡ്വ.ശിർത്താഡി വില്യം പിന്റോയുടെ ഭാര്യയുമായ റോസി പിന്റോ (72) ആണ് മരിച്ചത്. ഉഡുപ്പി നിട്ടൂരില്‍ തനിച്ച്‌ താമസിക്കുകയായിരുന്നു. വ്യാഴാഴ്ച വീട്ടിലെ ശുചിമുറിയില്‍ വീണ് മരിച്ച നിലയില്‍ കണ്ടെത്തുകയായിരുന്നു . മക്കള്‍ നിരന്തരം വിളിച്ചിട്ടും ഫോണ്‍ അറ്റൻഡ് ചെയ്യാത്തതിനെത്തുടർന്ന് എത്തിയപ്പോള്‍ മരിച്ചു കിടക്കുന്നതാണ് കണ്ടത്. പോലീസ് വീട്ടില്‍ പരിശോധന നടത്തി.

ബെംഗളൂരു: കലബുറഗി അഫ്സല്‍പുരയില്‍ സ്കൂള്‍ വാഹനമിടിച്ച്‌ നാലു വയസ്സുകാരി മരിച്ചു. രാജശേഖർ ബന്നട്ടിയുടെ മകള്‍ ഖുശി ആണ് മരിച്ചത്. അശ്രദ്ധമായി വാഹനം പിന്നോട്ടെടുത്തതാണ് അപകട കാരണം. ഡ്രൈവർ ശ്രീശൈലനെ പോലീസ് അറസ്റ്റ് ചെയ്തു. സ്കൂള്‍ വാഹനത്തില്‍ വീടിനു മുന്നിലിറങ്ങിയ കുട്ടി വാഹനത്തിന് പിന്നിലൂടെ ഗേറ്റിനടുത്ത് നിന്ന പിതാവിനടുത്തേക്ക് ഓടുകയായിരുന്നു. ഇതിനിടെ പിന്നോട്ടെടുത്ത വാഹനം കുട്ടിയുടെ മുകളിലൂടെ കയറിയിറങ്ങുകയായിരുന്നു. ഡ്രൈവറുടെ അശ്രദ്ധമൂലമാണ് കുട്ടി കൊല്ലപ്പെട്ടതെന്ന രക്ഷിതാക്കളുടെ പരാതിയിലാണ് അഫ്സല്‍പുര പോലീസ് ഡ്രൈവറെ കസ്റ്റഡിയിലെടുത്തത്.

ബെംഗളൂരു : മാണ്ഡ്യയിലെ നാഗമംഗലയിൽ ഗണേശോത്സവത്തിന്റെ ഭാഗമായി നടന്ന വിഗ്രഹനിമജ്ജന ഘോഷയാത്രയ്ക്കിടെ അക്രമം. ഘോഷയാത്രയുടെ നേർക്ക് കല്ലേറുണ്ടായി. ആളുകളെ പിരിച്ചുവിടാൻ പോലീസ് ലാത്തിച്ചാർജ് നടത്തി. 25-ഓളം കടകൾക്കും വാഹനങ്ങൾക്കും അക്രമികൾ തീയിട്ടു. ഒട്ടേറെപ്പേർക്ക് പരിക്കേറ്റു. പ്രദേശത്ത് പോലീസ് നിരോധനാജ്ഞ പ്രഖ്യാപിച്ചു. സ്കൂളുകൾക്ക് അവധി നൽകി. ബുധനാഴ്ച രാത്രി ഒൻപതു മണിയോടെ മൈസൂരു-നെലമംഗല റോഡിൽ നടന്ന ഘോഷയാത്രയ്ക്കിടെയാണ് അക്രമമുണ്ടായത്. പ്രദേശത്തെ ദർഗയുടെ മുൻപിൽ ഘോഷയാത്രയെത്തിയപ്പോൾ ഇരുവിഭാഗങ്ങൾ തമ്മിൽ സംഘർഷമുണ്ടാകുകയായിരുന്നു. ഇതിനിടെയാണ് കല്ലേറുണ്ടായത്. തുടർന്ന് ഘോഷയാത്രയിലുണ്ടായിരുന്നവർ നാഗമംഗല പോലീസ് സ്റ്റേഷനുമുൻപിൽ പ്രതിഷേധിച്ചു. ഇതിനിടെയാണ് കടകൾക്കും വാഹനങ്ങൾക്കും തീയിട്ടത്.…

ബെംഗളൂരു : ബെംഗളൂരുവിൽ മയക്കുമരുന്ന് ഉപയോഗിച്ചതായി കണ്ടെത്തിയ നിശാപാർട്ടി നടത്തിയെന്ന കേസിൽ തെലുഗുനടി ഹേമ ഉൾപ്പെടെയുള്ളവരുടെ പേരിൽ ബെംഗളൂരു സെൻട്രൽ ക്രൈം ബ്രാഞ്ച് പോലീസ് കുറ്റപത്രം സമർപ്പിച്ചു. 1,086 പേജുള്ള കുറ്റപത്രമാണ് ബെംഗളൂരു റൂറൽ അഡീഷണൽ ജില്ലാ സെഷൻസ് കോടതിയിൽ സമർപ്പിച്ചത്. ഹേമ ഉൾപ്പെടെ 76 പേർ മയക്കുമരുന്ന് ഉപയോഗിച്ചതായി കുറ്റപത്രത്തിൽ ആരോപിച്ചു. മയക്കുമരുന്ന് ഉപയോഗിച്ചതായി കണ്ടെത്തിയതിന്റെ പരിശോധനാ റിപ്പോർട്ടുകളും ഇതോടൊപ്പം നൽകി. മേയ് 15-ന് ബെംഗളൂരു ഇലക്ട്രോണിക്സ് സിറ്റിയിലെ ഒരു ഫാം ഹൗസിലാണ് നിശാപാർട്ടി നടന്നത്. നടികളും മോഡലുകളും ഐ.ടി.രംഗത്തുള്ളവരുമുൾപ്പെടെ 103 പേർ…

ബെംഗളൂരു : വിമാനത്താവളം റോഡിൽ ബൈക്ക് ചരക്കു വാഹനത്തിന്റെ പിന്നിലിടിച്ച് മൂന്നു കോളേജ് വിദ്യാർഥികൾ മരിച്ചു. വ്യാഴാഴ്ച പുലർച്ചെ ചിക്കജാല മേൽപ്പാലത്തിലായിരുന്നു അപകടം. ജി.കെ.വി.കെ. കാംപസിലെ ബി.എസ്‌സി. അഗ്രിക്കൾച്ചർ നാലാംവർഷ വിദ്യാർഥികളായ സുചിത്ത്, രോഹിത്ത്, ഹർഷ എന്നിവരാണ് മരിച്ചത്. ബെംഗളൂരു ഭാഗത്തേക്ക് വരുകയായിരുന്ന ബൈക്കാണ് ചരക്കുവാഹനത്തിന്റെ പുറകിൽ ഇടിച്ചതെന്ന് പോലീസ് പറഞ്ഞു. അമിതവേഗത്തിലായിരുന്ന ബൈക്ക് പെട്ടെന്ന് ലൈൻ മാറിയപ്പോൾ ചരക്കു വാഹനത്തിലിടിക്കുകയായിരുന്നുവെന്നാണ് നിഗമനം.

ബെംഗളൂരു : സി.പി.എം. ജനറൽ സെക്രട്ടറി സീതാറാം യെച്ചൂരിയുടെ നിര്യാണത്തിൽ അനുശോചിച്ച് മുഖ്യമന്ത്രി സിദ്ധരാമയ്യ. ബഹുഭാഷാ പണ്ഡിതനായിരുന്ന യെച്ചൂരി വിവേകവും ബുദ്ധിശക്തിയും അചഞ്ചലമായ തീരുമാനങ്ങളും കൊണ്ട് പൊതുജീവിതത്തെ സമ്പന്നമാക്കിയെന്ന് സിദ്ധരാമയ്യ അനുസ്മരിച്ചു. ഒന്നാം യു.പി.എ. സർക്കാർ രൂപപ്പെടുന്നതിൽ അദ്ദേഹം കാരണമായിട്ടുണ്ടെന്നും സർക്കാരിന്റെ പൊതുമിനിമം പരിപാടികൾ തയ്യാറാക്കുന്നതിൽ നേതൃത്വം നൽകിയെന്നും പറഞ്ഞു. രാജ്യസഭയിൽ അദ്ദേഹം നടത്തിയ ഇടപെടലുകൾ രാഷ്ട്രീയത്തിൽ അദ്ദേഹത്തിന് ബഹുമാനം നേടിക്കൊടുത്തു. 2023-ൽ മുഖ്യമന്ത്രിയായി സത്യപ്രതിജ്ഞ ചെയ്യുമ്പോൾ യെച്ചൂരിയുടെ സാന്നിധ്യമുണ്ടായിരുന്ന കാര്യവും സിദ്ധരാമയ്യ അനുസ്മരിച്ചു.