Month: September 2024

ബംഗളൂരു, സെപ്റ്റംബർ 25: വിവിധ ആവശ്യങ്ങൾ ഉന്നയിച്ച് കർണാടക സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷനുകളുടെ ജോയിൻ്റ് ആക്ഷൻ കമ്മിറ്റി ഉൾപ്പെടെ ആറ് ട്രാൻസ്‌പോർട്ട് സംഘടനകൾ സമരത്തിലേക്ക്. ഈ മാസം 26നകം ട്രാൻസ്‌പോർട്ട് ജീവനക്കാരുടെ ആവശ്യങ്ങൾ സർക്കാർ അംഗീകരിച്ചില്ലെങ്കിൽ 27ന് യോഗം ചേർന്ന് പണിമുടക്ക് തീയതി പ്രഖ്യാപിക്കുമെന്ന് സംഘം സർക്കാരിന് മുന്നറിയിപ്പ് നൽകിയിട്ടുണ്ട്. കെഎസ്ആർടിസിയും ബിഎംടിസിയും ഉൾപ്പെടെ നാല് കോർപ്പറേഷനുകളിലായി ആകെ 23,978 ബസുകളാണുള്ളത്, ഇതിൽ 1,04,450 ജീവനക്കാരാണുള്ളത്.

ബെംഗളൂരു : ഹുബ്ബള്ളി മണ്ടൂര റോഡിലെ ശ്മശാന ഭൂമിയിലെ ഇന്ദിരാ കാൻ്റീന് നിർമാണം സംബന്ധിച്ച വിവാദം ഒടുവിൽ കെട്ടടങ്ങി. എം.എൽ.എ പ്രസാദ് അബ്ബയ്യയോട് ശ്മശാനത്തിൽ ഇന്ദിരാ കാൻ്റീൻ നിർമിക്കുന്നതിനെതിരെ ഹിന്ദു അനുകൂല സംഘടനകൾ എതിർപ്പ് പ്രകടിപ്പിച്ചിരുന്നു. ഇതേതുടർന്ന് സംഘർഷമുണ്ടാകുകയും സ്ഥിതി ഗുരുതരമാവുകയും ചെയ്തു. മഹാനഗര കോർപ്പറേഷൻ ഒടുവിൽ നാട്ടുകാരുടെയും ഹൈന്ദവ സംഘടനകളുടെയും ശക്തമായ എതിർപ്പിനെ തുടർന്ന് ശ്മശാനത്തിലെ ഇന്ദിരാ കാൻ്റീൻ നിർമാണത്തിൽ നിന്ന് പിന്മാറി. ഹുബ്ബള്ളിയിലെ ഇന്ദിരാ കാൻ്റീനായിരുന്നു കഴിഞ്ഞ ഒരാഴ്ചത്തെ ചർച്ചാ വിഷയം. ഇത് പ്രസാദ് അബ്ബയ്യ എംഎൽഎയ്ക്ക് കനത്ത തിരിച്ചടിയായി മാറിയിരിക്കുകയാണ്.…

ബെംഗളൂരു : ചന്ദ്രയാൻ മൂന്നിലെ റോവർ ചന്ദ്രനിൽ 160 കിലോമീറ്റർ വീതിയുള്ള പുരാതന ഗർത്തത്തിന്റെ തെളിവുകൾ കണ്ടെത്തി. അഹമ്മദാബാദ് ഫിസിക്കൽ റിസർച്ച് ലബോറട്ടറിയിലെ ശാസ്ത്രജ്ഞർ പുറത്തിറക്കിയ ‘സയൻസ് ഡയറക്ടി’ന്റെ ഏറ്റവും പുതിയ പതിപ്പിലാണ് ഈ വിവരങ്ങളുള്ളത്. റോവറിലെ ഒപ്റ്റിക്കൽ ഹൈ റെസലൂഷൻ ക്യാമറകളെടുത്ത ചിത്രങ്ങളാണ് ഗർത്തത്തിന്റെ ഘടന വെളിപ്പെടുത്തിയത്. ഇത് ചന്ദ്രനെക്കുറിച്ച് സുപ്രധാന സൂചനകൾ നൽകുന്നതാണ്. 2023 ഓഗസ്റ്റ് 23-നാണ് ലാൻഡർ ചന്ദ്രോപരിതലത്തിൽ സോഫ്റ്റ് ലാൻഡിങ് നടത്തിയത്. 14 ദിവസത്തെ പ്രവർത്തനത്തിനുശേഷം ലാൻഡറിനെയും റോവറിനെയും ‘സ്ലീപ്പ് മോഡി’ലേക്ക് മാറ്റിയിരിക്കയാണ്.