Day: 9 August 2024

ബെംഗളൂരു: ഭണ്ട്വാള്‍ ബെഞ്ചനപ്പദവില്‍ എസ്.എസ്.എല്‍.സി വിദ്യാർഥിയെ വീട്ടിലെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തി. ഉദയ ആചാര്യയുടെ മകൻ ഭവ്യ ആചാര്യയാണ് (15) മരിച്ചത്. ബഡക്കബയിലു സെയ്ന്റ ഡോമനിക്സ് ഇംഗ്ലീഷ് മീഡിയം സ്കൂള്‍ വിദ്യാർഥിയാണ്. കുളിക്കാൻ കയറി ഏറെ നേരമായിട്ടും പുറത്തുവരാത്തതിനെത്തുടർന്ന് മാതാവ് വാതിലില്‍ മുട്ടിയെങ്കിലും തുറന്നില്ല. വാതില്‍ തകർത്ത് അകത്ത് കയറിയപ്പോഴാണ് തൂങ്ങിയ നിലയില്‍ കണ്ടത്. ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. പഠനവുമായി ബന്ധപ്പെട്ട സമ്മർദമാണ് കാരണമെന്ന് കരുതുന്നതായി രക്ഷിതാക്കള്‍ പറഞ്ഞു.

ബെംഗളൂരു : ലൈംഗിക പീഡനക്കേസിൽ അറസ്റ്റിലായ ഹാസൻ മുൻ എം.പി. പ്രജ്ജ്വൽ രേവണ്ണയുടെ ജാമ്യാപേക്ഷയിൽ വാദം കേൾക്കുന്നത് ഹൈക്കോടതി 29-ലേക്ക് നീട്ടി. സർക്കാരിന് എതിർവാദം സമർപ്പിക്കാനുള്ള സമയം അനുവദിച്ചാണ് ജസ്റ്റിസ് എം.നാഗപ്രസന്ന വാദം കേൾക്കുന്നത് നീട്ടിയത്. ജാമ്യാപേക്ഷ ബെംഗളൂരുവിലെ ജനപ്രതിനിധികളുടെ പ്രത്യേക കോടതി കഴിഞ്ഞമാസം തള്ളിയിരുന്നു. പ്രജ്ജ്വലിന്റെപേരിലുള്ള രണ്ടാമത്തെ പീഡനക്കേസിൽ നൽകിയ ജാമ്യഹർജിയാണ് തള്ളിയത്. നാല് ലൈംഗിക പീഡനക്കേസുകളാണ് പ്രജ്ജ്വലിന്റെ പേരിലുള്ളത്.പ്രജ്ജ്വൽ പരപ്പന അഗ്രഹാര സെൻട്രൽ ജയിലിലാണിപ്പോഴുള്ളത്. ഒട്ടേറെ സ്ത്രീകളെ ലൈംഗികമായി പീഡിപ്പിക്കുകയും അതിന്റെ ദൃശ്യങ്ങൾ മൊബൈൽ ഫോണിൽ പകർത്തുകയും ചെയ്തെന്നാണ് കേസ്. പീഡനദൃശ്യങ്ങൾ…

ബെംഗളൂരു : ബെംഗളൂരുവിൽ ട്രാഫിക് പോലീസ് ഒറ്റദിവസം നടത്തിയ പരിശോധനയിൽ 26 സ്കൂൾ ബസ് ഡ്രൈവർമാർ മദ്യപിച്ച് ബസ് ഓടിച്ചതായി കണ്ടെത്തി. ഇവരുടെ പേരിൽ കേസെടുത്തു. ഡ്രൈവർമാർ മദ്യപിച്ച് വാഹനമോടിക്കുന്നതിനെപ്പറ്റി വ്യാപകമായ പരാതികളുയർന്നതോടെയാണ് പോലീസ് തിങ്കളാഴ്ച പ്രത്യേക പരിശോധന നടത്തിയത്. സ്കൂളുകളിലേക്ക് കുട്ടികളെ കൊണ്ടുപോകുന്ന ബസുകളും വാനുകളുമായി 3,676 വാഹനങ്ങളുടെ ഡ്രൈവർമാരെയാണ് പരിശോധനയ്ക്ക് വിധേയമാക്കിയത്. കഴിഞ്ഞ മാസവും സ്‌കൂൾ വാഹനങ്ങളുടെ ഡ്രൈവർമാരെ പരിശോധനയ്ക്ക് വിധേയമാക്കിയിരുന്നു. അന്ന് 23 ഡ്രൈവർമാർ മദ്യലഹരിയിലായിരുന്നെന്ന് കണ്ടെത്തി ഇവരുടെപേരിൽ നടപടിയെടുത്തിരുന്നു.