Month: July 2024

ബെംഗളൂരു : ബെംഗളൂരുവിൽ രണ്ടാമത്തെ അന്താരാഷ്ട്ര വിമാനത്താവളത്തിനുള്ള സ്ഥലംനിശ്ചയിക്കുന്നതിനായുള്ള യോഗം ഉടൻചേരുമെന്ന് മന്ത്രി എം.ബി. പാട്ടീൽ അറിയിച്ചു. സ്ഥലം സംബന്ധിച്ച അന്തിമതീരുമാനം എടുക്കുന്നതിനുമുൻപ്‌ സർക്കാർ പ്രധാനമായും രണ്ടുകാര്യങ്ങൾ പരിഗണിക്കും. യാത്രക്കാരുടെ തിരക്കും നിലവിലുള്ള കെംപെഗൗഡ അന്താരാഷ്ട്ര വിമാനത്താവളത്തിലേക്കെത്താനുള്ള സൗകര്യവുമാണ് പരിഗണിക്കുക. യാത്രക്കാരുടെ തിരക്കിനാണ് പ്രാധാന്യംകൊടുക്കുന്നതെങ്കിൽ സർജാപുര, കനകപുര റോഡ് എന്നിവിടങ്ങളിൽ വിമാനത്താവളം നിർമിക്കുന്നതിനാകും പരിഗണന. അതേസമയം, കെംപെഗൗഡ അന്താരാഷ്ട്ര വിമാനത്താവളത്തിലേക്കെത്താനുള്ള സൗകര്യമാണ് നോക്കുന്നതെങ്കിൽ തുമകൂരു, ദബസ്‌പേട്ട് തുടങ്ങിയ സ്ഥലങ്ങൾക്കാകും പരിഗണനയെന്നും മന്ത്രി പറഞ്ഞു. ഇക്കാര്യങ്ങളെല്ലാം അടുത്തയോഗത്തിൽ ചർച്ചചെയ്യും. വിഷയം മന്ത്രിസഭായോഗത്തിലും ചർച്ചചെയ്യും. ഭൂമി ഏറ്റെടുക്കുന്നതിനും…

ബെംഗളൂരു: ഫോണ്‍ ചാർജിംഗിന് ഇടുമ്പോള്‍ വൈദ്യുത ഷോക്കേറ്റ 24-കാരനായ വിദ്യാർത്ഥി മരിച്ചു. ബെംഗളൂരുവിലെ മഞ്ജുനാഥ് നഗറിലാണ് സംഭവം. ബിദാറില്‍ നിന്നുള്ള ശ്രീനിവാസാണ് മരിച്ചത്. കമ്പ്യൂട്ടർ സയൻസ് വിദ്യാർത്ഥിയായിരുന്നു. പെയിംഗ് ഗസ്റ്റായി താമസിക്കുന്ന ശ്രീനിവാസ് ഫോണ്‍ ചാർജിംഗിന് പ്ലഗ് ചെയ്യാൻ ശ്രമിക്കുമ്പോഴാണ് വൈദ്യുത ഷോക്കേല്‍ക്കുന്നത്. ഈ സമയം ശ്രീനിവാസിന്റെ കൈ നനഞ്ഞിരുന്നുവെന്നാണ് സൂചന. ഈ സമയം ശ്രീനിവാസിന്റെ സുഹൃത്തുക്കള്‍ മുറിയിലുണ്ടായിരുന്നു. ഉടനെ ഇവർ സുഹൃത്തിനെ ആശുപത്രിയിലെത്തിച്ചെങ്കിലും ഡോക്ടർമാർ മരണം സ്ഥിരീകരിക്കുകയായിരുന്നു. ബസവേശ്വര പോലീസ് അന്വേഷണം ആരംഭിച്ചിട്ടുണ്ട്. ചാർജർ കേബിളിന്റെയോ ഇലക്‌ട്രിക് സോക്കറ്റിന്റെയോ തകരാറാകും അപകടത്തിന് കാരണമെന്നാണ്…

ബെംഗളൂരു: കർണാടക പിസിസി ജനറൽ സെക്രട്ടറി ബസനഗൗഡ ബദർലിയെ എംഎൽസി യായി എതിരില്ലാതെ തെരഞ്ഞെടുത്തു. നിയമനിർമാണ കൗൺസിലിലെ കോൺഗ്രസ്‌ അംഗത്വം രാജിവച്ച് മുൻ മുഖ്യമന്ത്രി ജഗദീഷ് ഷെട്ടാർ ബെളഗാവിയിൽ നിന്നുള്ള ബിജെപി എംപി യായതിനെ തുടർന്നുള്ള ഒഴിവിൽ ആണിത്. 12 ന് ഉപതെരഞ്ഞെടുപ്പ് നടക്കാനിരിക്കെ മറ്റാരും പത്രിക നൽകാത്ത സാഹചര്യത്തിലാണ് ബസനഗൗഡയെ തെരഞ്ഞെടുത്തതായി നിയമസഭാ സെക്രട്ടറി എംകെ വിജയലക്ഷ്മി പ്രഖ്യാപിച്ചത്.