Day: 11 July 2024

ബെംഗളൂരു: കായിക പരിശീലനത്തിനെത്തിയ പെണ്‍കുട്ടികള്‍ വസ്ത്രം മാറുന്ന ചിത്രങ്ങളെടുത്ത് ഭീഷണിപ്പെടുത്തിയ പരിശീലകനെ അറസ്റ്റ് ചെയ്തു. ജക്കനഹള്ളിയിലെ കായികപരിശീലന കേന്ദ്രം ഉടമയും പരിശീലകനുമായ യോഗി (35)യെയാണ് പാണ്ഡവപുരം പോലീസ് അറസ്റ്റ് ചെയ്തത്. യോഗിയുടെ സ്ഥാപനത്തിലേക്ക് 15 മുതല്‍ 17 കുട്ടികള്‍ വരെയാണ് പരിശീലനത്തിന് എത്തുന്നത്. പരിശീലനത്തിന് മുമ്പ് വിദ്യാര്‍ഥിനികള്‍ വസ്ത്രം മാറുന്ന രംഗങ്ങള്‍ അതിവിദഗ്ധമായി കാമറയില്‍ പകര്‍ത്തുകയായിരുന്നു. പിന്നീട് ഫോട്ടോകള്‍ കാണിച്ച്‌ ഭീഷണിപ്പെടുത്തിയതായും പല വിദ്യാര്‍ഥിനികളെയും ലൈംഗികമായി പീഡിപ്പിച്ചതായും ചിത്രങ്ങള്‍ പരസ്യപ്പെടുത്തുമെന്ന് ഭീഷണിപ്പെടുത്തിയതായും പരാതിയുണ്ട്. പരിശീലകനെ കൊണ്ടുള്ള ശല്യം അസഹനീയമായതിനെ തുടര്‍ന്ന് പെണ്‍കുട്ടികളില്‍ ചിലര്‍ വിവരം…

ബെംഗളൂരു : കർണാടകത്തിൽ പ്രബലസമുദായങ്ങളിൽനിന്ന് എതിർപ്പുണ്ടായ ജാതിസെൻസസ് റിപ്പോർട്ട് സർക്കാർ ചർച്ചചെയ്യാനൊരുങ്ങുന്നു. റിപ്പോർട്ട് ഉടൻ മന്ത്രിസഭ പരിഗണിക്കുമെന്ന് മുഖ്യമന്ത്രി സിദ്ധരാമയ്യ പറഞ്ഞു. 2017-ൽ അന്നത്തെ പിന്നാക്കവിഭാഗകമ്മിഷൻ ചെയർമാൻ കെ. കാന്തരാജിന്റെ നേതൃത്വത്തിൽ പൂർത്തിയാക്കിയ ജാതിസെൻസസ് (സോഷ്യോ ഇക്കണോമിക് ആൻഡ് എജുക്കേഷണൽ സർവേ) റിപ്പോർട്ടാണിത്. ശരിയായ പ്രാതിനിധ്യം റിപ്പോർട്ടിലില്ലെന്നാരോപിച്ച് പ്രബല സമുദായങ്ങളായ ലിംഗായത്തും വൊക്കലിഗയുമാണ് റിപ്പോർട്ടിനെ എതിർത്ത് രംഗത്തുള്ളത്. ഇവരെക്കാൾ കൂടുതൽ പ്രാതിനിധ്യം പിന്നാക്കവിഭാഗങ്ങൾക്കാണെന്നാണ് സൂചന. റിപ്പോർട്ട് നടപ്പാക്കിയാൽ പിന്നാക്കവിഭാഗങ്ങൾക്ക് വലിയഗുണം ലഭിക്കും. അതിനാൽത്തന്നെ, റിപ്പോർട്ട് നടപ്പാക്കണമെന്നാവശ്യപ്പെട്ട് ഈ വിഭാഗങ്ങൾ സർക്കാരിൽ സമ്മർദംചെലുത്തുന്നുണ്ട്. പിന്നാക്കവിഭാഗങ്ങൾക്ക് അനുകൂലമായ…

  ഡൽഹി: ജനദാദൾ (എസ്) മുൻ എം പി പ്രാജ്വൽ രേവണ്ണയുടെ അമ്മ ഭവാനി രേവണ്ണയ്ക്ക് മുൻ‌കൂർ ജാമ്യം അനുവദിച്ചത്തിനെതിരെ കർണാടക പ്രത്യേകാന്വേഷണ സംഘം നൽകിയ ഹർജിയിൽ സുപ്രീം കോടതി നോട്ടിസ് അയച്ചു. ഹർജി പരിഗണിക്കാൻ ആദ്യം ബെഞ്ച് വൈമുഗ്യം അറിയിച്ചെങ്കിലും കർണാടക പോലീസിന് വേണ്ടി ഹാജരായ കപിൽ സിബൽ തുടർവാദം ഉന്നയിച്ചതോടെയാണ് നോട്ടിസ് അയച്ചത്. പ്രാജ്വൽ പീഡിപ്പിച്ചെന്ന് ആരോപണമുള്ള മൈസൂരു സ്വദേശിനിയെ തട്ടിക്കൊണ്ടുപോയി എന്ന കേസിലാണ് ഭവാനി അന്വേഷണം നേരിടുന്നത്.