Day: 5 April 2024

ബെംഗളൂരു: രാമേശ്വരം കഫേ സ്‌ഫോടനവുമായി ബന്ധപ്പെട്ട് ഒരാളെ കൂടി കസ്റ്റഡിയിലെടുത്ത് ചോദ്യം ചെയ്തതായി എന്‍ഐ വൃത്തങ്ങള്‍ അറിയിച്ചു. കഴിഞ്ഞ ദിവസം രണ്ട് മൊബൈല്‍ കടയിലെ ജീവനക്കാരെ ചോദ്യം ചെയ്തപ്പോഴാണ് സായ് നാഥിനെ കുറിച്ച് നിര്‍ണായക വിവരം ലഭിച്ചതെന്നാണ് റിപ്പോര്‍ട്ടുകള്‍. രാമേശ്വരം കഫേ ബോംബ് സ്ഫോടനക്കേസുമായി ബന്ധപ്പെട്ട് 10 ദിവസം മുമ്പ് നിരവധി വീടുകളിലും കടകളിലും എന്‍ഐഎ റെയ്ഡ് നടത്തി രേഖകള്‍ പിടിച്ചെടുത്തിരുന്നു. ഇതിന് പിന്നാലെയാണ് എന്‍ഐഎയുടെ നടപടി. സായിനാഥിനെ കസ്റ്റഡിയിലെടുത്തതിന് പിന്നാലെ ബിജെപിക്കെതിരെ രൂക്ഷവിമര്‍ശനവുമായി കോണ്‍ഗ്രസ് നേതാക്കള്‍ രംഗത്തെത്തി. പ്രവര്‍ത്തകനെ കസ്റ്റഡിയിലെടുത്തതോടെ സ്‌ഫോടനത്തിലെ ബിജെപി…

ബംഗളൂരു: കര്‍ണാടക മുന്‍ മുഖ്യമന്ത്രി എച്ച്ഡി കുമാരസ്വാമിക്കും ഭാര്യക്കും 217.21 കോടിയുടെ സ്വത്തുണ്ടെന്ന് നാമനിര്‍ദേശ പത്രികയ്‌ക്കൊപ്പം സമര്‍പ്പിച്ച സത്യവാങ്മൂലത്തില്‍ വെളിപ്പെടുത്തല്‍. ഇരുവര്‍ക്കും 82.17 കോടിയുടെ കടബാധ്യതയുണ്ടെന്നും സത്യവാങ്മൂലത്തില്‍ പറയുന്നു. മുന്‍ പ്രധാനമന്ത്രി എച്ച്ഡി ദേവഗൗഡയുടെ മകന്‍ എച്ച്ഡി കുമാരസ്വാമിയെക്കാള്‍ ആസ്തിയുണ്ട് ഭാര്യയായ മുന്‍ എംഎല്‍എ കൂടിയായ അനിതയ്ക്ക്. മൊത്തം ആസ്തി 154. 39 കോടി രൂപയാണ്. കുമാരസ്വാമിയുടെ ആസ്തി 54.65 കോടിയാണ്. കുമാരസ്വാമിയ്‌ക്കെതിരെ മൂന്ന് ക്രിമിനല്‍ കേസുകള്‍ ഉണ്ട്. ബിഎസ്‌സി ബിരുദധാരിയായ അദ്ദേഹത്തിന് സ്വന്തമായി കാറില്ല. എന്നാല്‍ 12.55 ലക്ഷം രൂപയുടെ ട്രാക്ടര്‍ ഉണ്ട്.…

ബെംഗളൂരു : ബെംഗളൂരുവിൽ മാമ്പഴം വീട്ടുപടിക്കൽ എത്തിക്കുന്ന പദ്ധതിയുമായി തപാൽവകുപ്പ്. കർഷകരിൽനിന്ന് നേരിട്ട് സ്വീകരിക്കുന്ന മാമ്പഴമാണ് തപാൽവകുപ്പ് വീടുകളിലെത്തിക്കുന്നത്. കർണാടക സ്റ്റേറ്റ് മാംഗോ ഡിവലപ്മെന്റ് ആൻഡ് മാർക്കറ്റിങ് കോർപ്പറേഷൻ ലിമിറ്റഡുമായും (കെ.എസ്.എം.ഡി.എം.സി.എൽ.) മാമ്പഴക്കർഷകരുമായും സഹകരിച്ചാണ് തപാൽവകുപ്പ് പദ്ധതി നടപ്പാക്കുന്നത്. ആവശ്യക്കാർക്ക് ഓൺലൈനായി ഓർഡർചെയ്യാം. മാമ്പഴം മൂന്നു കിലോഗ്രാംവീതമുള്ള പെട്ടികളിലാക്കി പോസ്റ്റ്മാൻ വഴി വീടുകളിലെത്തിക്കുകയാണ് ചെയ്യുന്നത്. ഓർഡർചെയ്യുന്ന അതേദിവസമോ അല്ലെങ്കിൽ പിറ്റേദിവസമോ മാമ്പഴം വീട്ടിലെത്തും. ആദ്യഘട്ടത്തിൽ ബെംഗളൂരു നഗരപരിധിയിലാകും ഈ സൗകര്യമുണ്ടാവുക. കഴിഞ്ഞവർഷം മാർച്ചിനും ഓഗസ്റ്റിനും ഇടയിൽ 16,060 മാമ്പഴ പാഴ്‌സൽ വിറ്റതായി തപാൽ വകുപ്പ്…

ബെംഗളൂരു : ഉച്ചഭക്ഷണം കഴിച്ച് മുപ്പതിലധികം കുട്ടികൾക്ക് ഭക്ഷ്യവിഷബാധയേറ്റു. കോപ്പൽ ജില്ലയിലെ ഗംഗാവതി താലൂക്കിലെ സംഗപൂർ ഗ്രാമത്തിലാണ് സംഭവം. അസുഖം ബാധിച്ച കുട്ടികളെ പ്രാദേശിക സർക്കാർ ആശുപത്രിയിൽ പ്രവേശിപ്പിച്ചു. ഉച്ചയ്ക്ക് ഭക്ഷണം കഴിച്ച 1 മുതൽ 5 വരെ ക്ലാസിലെ 32 കുട്ടികൾക്കാണ് ഛർദ്ദിയും തലവേദനയും ഉണ്ടായത് , ഒന്നിനു പുറകെ ഒന്നായി രോഗം പിടിപെട്ട് എല്ലാവരെയും ചികിത്സയ്ക്കായി ആശുപത്രിയിൽ പ്രവേശിപ്പിച്ചിരിക്കുകയായിരുന്നു. ആശുപത്രിയിലേക്ക് ഡിഎച്ച്ഒ ഡോ. ലിംഗരാജ, സബ് ഡിവിഷണൽ ഓഫീസർ ക്യാപ്റ്റൻ മഹേഷ് മാലഗിത്തി, തഹസിൽദാർ നാഗരാജ എന്നിവർ സന്ദർശിച്ച് കുട്ടികളുടെ ആരോഗ്യവിവരങ്ങൾ…