ബെംഗളൂരു : സർക്കാർ ബസിൽ രാത്രി യാത്ര ചെയ്യുകയായിരുന്ന യുവതിയെ കണ്ടക്ടർ ലൈംഗികമായി പീഡിപ്പിച്ചതായി ആരോപണം.
റായ്ച്ചൂരിൽ നിന്ന് ബെംഗളൂരുവിലേക്ക് വരികയായിരുന്ന കെഎസ്ആർടിസി ബസിൽ വച്ച് കണ്ടക്ടർ തൻ്റെ അരയിൽ സ്പർശിക്കുകയും ലൈംഗികമായി പീഡിപ്പിക്കുകയും ചെയ്തതായി ഒരു സ്ത്രീ റെയ്ച്ചൂർ ഡിവിഷൻ ഉദ്യോഗസ്ഥർക്ക് പരാതി നൽകി.
കണ്ടക്ടർ ലക്ഷ്മികാന്ത് റെഡ്ഡിക്കെതിരെയാണ് പരാതി നൽകിയിരിക്കുന്നത്. എന്നാൽ ഇത് ഗൂഢാലോചനയാണെന്ന് പറഞ്ഞ് കണ്ടക്ടർ തള്ളിക്കളഞ്ഞു.
ഫെബ്രുവരി 18ന് രാത്രിയാണ് സംഭവം. സംഭവദിവസം കെഎ-36, എഫ്-1532 നമ്പർ ബസ് റായ്ച്ചൂരിൽ നിന്ന് പുറപ്പെട്ടു.
ഡ്രൈവറുടെ പിൻസീറ്റിൽ പരാതിക്കാരിയായ യുവതി തനിച്ചായിരുന്നു ഇരുന്നിരുന്നത്.
യുവതി തനിച്ചായതിനാൽ യുവതിക്ക് നേരെ കണ്ണുവെച്ച കണ്ടക്ടർ ബസിന്റെ ഹെഡ്ലൈറ്റ് അണയ്ക്കുന്നതിനിടയിൽ തന്നെ ഡ്രൈവർക്കും കണ്ടക്ടർക്കും റിസർവ് ചെയ്ത സീറ്റിൽ വന്നിരുന്നു.
അവിടെ നിന്ന് തൊട്ടടുത്ത് ഉറങ്ങുകയായിരുന്ന യുവതിയുടെ സ്വകാര്യ ഭാഗങ്ങളിൽ സ്പർശിക്കുകയും പീഡിപ്പിക്കുകയും ചെയ്തുവെന്നാണ് ആരോപണം.
സൗജന്യ ടിക്കറ്റ് കീറി പോക്കറ്റിൽ സൂക്ഷിച്ച്, ടിക്കറ്റ് വേണമെങ്കിൽ ലൈംഗികബന്ധത്തിൽ ഏർപ്പെടണമെന്നും അല്ലാത്തപക്ഷം പിഴ ഈടാക്കുമെന്നും പറഞ്ഞു. മാത്രവുമല്ല സഹകരിക്കണമെന്ന് ഇയാൾ വാശിപിടിച്ചതായും യുവതി പരാതിപ്പെട്ടു.
തനിക്ക് സുഖമില്ലെന്നും ഹൃദയത്തിന് പ്രശ്നമുണ്ടെന്നും പറഞ്ഞിട്ടും അയാൾ തന്നെ ശല്യം ചെയ്യുന്നത് തുടർന്നതായി യുവതി പരാതിയിൽ കൂട്ടിച്ചേർത്തു.
രാത്രി എട്ട് മുതൽ പുലർച്ചെ രണ്ട് വരെ ഇയാൾ തന്നെ ശല്യം ചെയ്തതായി യുവതി പരാതിയിൽ പറയുന്നു
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
