ബെംഗളൂരു: സംസ്ഥാനത്ത് കോണ്ഗ്രസിന് അനുകൂലമായി തിരഞ്ഞെടുപ്പ് മാറുന്നുവെന്ന് സൂചന. നിരവധി സാമുദായിക നേതാക്കള് കോണ്ഗ്രസിനൊപ്പം വന്നിരിക്കുകയാണ്.
ഇവര് കോണ്ഗ്രസ് നേതൃത്വത്തെ നേരിട്ട് സമീപിച്ചാണ് പിന്തുണ പ്രഖ്യാപിച്ചിരിക്കുന്നത്. സംസ്ഥാന നിയമസഭയില് ഇവരെല്ലാം ഉയര്ന്ന പ്രാതിനിധ്യം ആവശ്യപ്പെട്ടിരിക്കുകയാണ്. ലിംഗായത്തുകളുടെ പിന്തുണയും ഇക്കൂട്ടത്തിലുണ്ട്.
വീരശൈവ മഹാസഭ കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയെ നേരിട്ട് കണ്ടിരിക്കുകയാണ്. സ്ഥാനാര്ഥി പട്ടിക ഇന്ന് തീരുമാനിക്കുമെന്നാണ് സൂചന. ഇന്നലെ വൈകീട്ട് വീരശൈവ വിഭാഗം കോണ്ഗ്രസ് അധ്യക്ഷനെ കണ്ടത്.
അഖിലേന്ത്യാ വീരശൈവ മഹാസഭാ ചെയര്മാന് ഷമാനൂര് ശിവശങ്കരപ്പയാണ് ദില്ലിയിലെത്തി മല്ലികാര്ജുന് ഖാര്ഗെയെ കണ്ടത്. അദ്ദേഹത്തിനൊപ്പം ലിംഗായത്ത് നേതാക്കളുമുണ്ടായിരുന്നു. കോണ്ഗ്രസിന്റെ സുപ്രധാന ലിംഗായത്ത് നേതാക്കളിലൊരാളാണ് ഷമാനൂര് ശിവശങ്കരപ്പ. 52 മുതല് 60 സീറ്റുകള് വീരശൈവ ലിംഗായത്ത് വിഭാഗങ്ങള്ക്ക് വേണമെന്നാണ് പ്രതിനിധി സംഘം ആവശ്യപ്പെട്ടിരിക്കുന്നത്.
കോണ്ഗ്രസ് ഇവര്ക്ക് ഇത്രയും സീറ്റ് നല്കുമെന്നാണ് സൂചന. സംസ്ഥാനത്തെ 90 സീറ്റുകളില് വരെ ഇവര്ക്ക് സാധ്യതയുണ്ട്. 25 ശതമാനം സീറ്റുകളില് വരെ വിജയം നേടി തരാന് ലിംഗായത്തുകള്ക്ക് സാധിക്കാറുണ്ട്. ബിജെപിയുടെ കോര് വോട്ടിംഗ് ബാങ്കാണിത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
