ബെംഗളൂരു: മീൻപിടിത്തത്തിനിടയിൽ കുടുങ്ങിയ പരിക്കേറ്റ മൂർഖൻ പാമ്പിനെ വിദഗ്ധരായ സംരക്ഷകരുടെയും പാമ്പ് രക്ഷാപ്രവർത്തകന്റെയും ശ്രമങ്ങളെ തുടർന്ന് രക്ഷപ്പെടുത്തി പുനരധിവസിപ്പിച്ചു. കുടകിലെ കുശാൽനഗർ താലൂക്കിലെ ഹാരംഗി പരിധിയിലാണ് സംഭവം.
ഏകദേശം ഒരു മാസം മുമ്പ് ഹാരംഗി നിവാസിയായ മെഹബൂബ് ഹാരംഗി കായലിൽ മീൻ പിടിക്കാൻ പോയിരുന്നു. മത്സ്യബന്ധനത്തിനിടയിൽ ഒരു തവളയെ ചൂണ്ടയിൽ കെട്ടിയിരുന്നു. എന്നിരുന്നാലും, ആ ദിവസം മീൻ ഒന്നും ചൂണ്ടയിൽ കൊത്താത്തതിനാൽ അദ്ദേഹം വീട്ടിലേക്ക് മടങ്ങി. തവളയെ മീൻപിടിത്ത വടിയിൽ കെട്ടിയിട്ട് വടി അയാളുടെ വീടിന് പുറത്ത് സൂക്ഷിച്ചിരിക്കുകയായിരുന്നു. നിർഭാഗ്യവശാൽ, വീടിനടുത്ത് ഉണ്ടായിരുന്ന മൂർഖൻ ചൂണ്ടയിലെ തവളയെ കടിക്കാൻ ശ്രമിക്കുന്നതിനിടയിൽ ചൂണ്ടയിൽ കോളത്തി. പാമ്പ് മീൻപിടിത്ത വടിയിൽ തൂങ്ങിക്കിടക്കുന്നതുകണ്ട മെഹബൂബ് ഉടൻ തന്നെ പ്രദേശത്തെ പാമ്പ് രക്ഷാപ്രവർത്തകനായ എം എ അബ്ദുൾ ഗഫാറിനെ വിവരം അറിയിച്ചു.
പാമ്പിനെ വടിയിൽ നിന്ന് അഴിക്കാൻ ശ്രമിസിച്ചെങ്കിലും കൊളുത്ത് മൂർഖൻ പാമ്പിനുള്ളിൽ ആഴത്തിൽ കുടുങ്ങിയിരുന്നു. തുടർന്ന് കോളത്തിൽ ണെന്നും പാമ്പിനെ രക്ഷിക്കാൻ വ്യത്യസ്ത രീതികൾ ഉപയോഗിസിച്ചെങ്കിലും എല്ലാം പരാജയപ്പെട്ടു. പിന്നീട് ജില്ലയിലെ നിരവധി വെറ്ററിനറി ഡോക്ടർമാരുമായി ബന്ധപ്പെട്ടു, എന്നാൽ ഈ മേഖലയിലെ സൗകര്യങ്ങളുടെയും വൈദഗ്ധ്യത്തിന്റെയും അഭാവം കാരണം അവർക്ക് സഹായിക്കാനായില്ല. പിന്നീടാണ് സ്‌നേക്ക് ശ്യാമിന്റെ മകൻ സൂര്യ കീർത്തിയുമായി സോഷ്യൽ മീഡിയയിൽ ബന്ധപ്പെട്ട് നമ്പർ ശേഖരിച്ചത്.
തുടർന്ന് അബ്ദുൾ മൂർഖനെ സുഷിരങ്ങളുള്ള പ്ലാസ്റ്റിക് പാത്രത്തിലേക്ക് മാറ്റുകയും നിരവധി ബസ് ഡ്രൈവർമാരുടെ സഹായം തേടിയ ശേഷം ഐരാവത് ബസിൽ മൈസൂരുവിലേക്ക് മൂർഖനെ മാറ്റുകയും ചെയ്തു. സംരക്ഷക സൂര്യ കീർത്തി ഡോക്ടർ അഭിലാഷുമായി ബന്ധപ്പെടുകയും പാമ്പിന്റെ ഉള്ളിലെ മത്സ്യബന്ധന കൊളുത്തുകൾ ശാസ്ത്രീയമായി നീക്കം ചെയ്യുകയും ചെയ്തു.
തുടർന്ന് സൂര്യകീർത്തി മൂർഖൻ പാമ്പുമായി ജില്ലയിലെത്തി ചികിത്സ നൽകി ആരോഗ്യമുള്ളതാക്കി മാറ്റിയ ശേഷം അതിനെ ഇപ്പോൾ ജില്ലയിലെ വനമേഖലയിൽ പുനരധിവസിപ്പിച്ചിരിക്കുകയാണ്
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
