ബെംഗളൂരു: തിരക്കേറിയ സെൻട്രൽ ബിസിനസ് ഡിസ്ട്രിക്റ്റിലെ (സിബിഡി) കാമരാജ് റോഡിലെ താമസക്കാർ തുടർച്ചയായ ജലവിതരണ പ്രശ്നങ്ങൾ നേരിടുന്നതായ് റിപ്പോർട്ടുകൾ. കഴിഞ്ഞ മാസം 15 ദിവസത്തോളം സിവിൽ ജോലികൾ കാരണം പ്രദേശത്തെ ജലവിതരണത്തെ ബാധിച്ചിരുന്നു, എന്നാൽ ഇപ്പോൾ ഈ പ്രദോശത്ത് ലഭിക്കുന്ന വെള്ളം മലിനമാണെന്നാണ് പ്രദേശവാസികൾ പരാതിപ്പെടുന്നത്.
കഴിഞ്ഞ മാസം ജലവിതരണ പ്രശ്നങ്ങൾ ചൂണ്ടിക്കാണിച്ച് പ്രദേശവാസികൾ നടത്തിയ, ഒന്നിലധികം അഭ്യർത്ഥനകൾക്കും പരാതികൾക്കും പ്രതിഷേധങ്ങൾക്കും ശേഷം, ബെംഗളൂരു വാട്ടർ സപ്ലൈ ആൻഡ് മലിനജല ബോർഡ് (BWSSB) ഉദ്യോഗസ്ഥർ പ്രദേശം സന്ദർശിച്ച് പൈപ്പ് ലൈനുകൾ പരിശോധിച്ചിരുന്നു. അതിന് ശേഷം ജലം ലഭിച്ചുതുടങ്ങി എങ്കിലും, കഴിഞ്ഞ അഞ്ച് ദിവസമായി, ഇവിടെ ലഭുക്കുന്നത് മലിന ജലമാണ് എന്നാണ് പ്രദേശവാസികൾ പറയുന്നത്.
മലിനമായ വെള്ളം കാരണം ഒരാളെ ആശുപത്രിയിൽ പ്രവേശിപ്പിച്ചതായും പലർക്കും വയറിളക്കം ഉണ്ടെന്നും താമസക്കാർ അവകാശപ്പെട്ടു. ബിഡബ്ല്യുഎസ്എസ്ബി ഉദ്യോഗസ്ഥർ, ശനിയാഴ്ച സ്ഥലം സന്ദർശിച്ച് രണ്ട് പൈപ്പ് ലൈനുകൾ വൃത്തിയാക്കിയിരുന്നു. പഴയ പൈപ്പ് ലൈൻ ആയതിനാൽ തന്നെ ചെറിയ തകരാർ ഉണ്ടായിട്ടുണ്ടെന്നും അടുത്ത രണ്ടോ മൂന്നോ ദിവസത്തിനുള്ളിൽ ഞങ്ങൾ മുഴുവൻ സിസ്റ്റവും ശരിയാക്കുമെന്നും, പൗരന്മാർക്ക് അസൗകര്യമില്ലെന്ന് ഉറപ്പാക്കാൻ വെള്ളം വിതരണം ചെയ്യാൻ ടാങ്കറുകൾ വിന്യസിച്ചിട്ടുണ്ടെന്നും ഉദ്യോഗസ്ഥർ പറഞ്ഞു.
പ്രദേശത്തേക്കുള്ള ജലവിതരണം നിർത്തുകയും സംഭരിച്ച വെള്ളം ഉപയോഗിക്കുന്നത് നിർത്താൻ പ്രദേശവാസികളോട് നിർദ്ദേശിച്ചട്ടുമുണ്ണ്ടെന്നും ഒരു എഞ്ചിനീയർ വ്യക്തമാക്കി. ഇപ്പോൾ, ടാങ്കറുകൾ വഴിയാണ് വെള്ളം വിതരണം ചെയ്യുന്നത്
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
