ചെന്നൈ: ജില്ലയിൽ വോട്ടെടുപ്പ് സമാധാനപരമായി അവസാനിച്ചതിനെ തുടർന്ന് കനത്ത സുരക്ഷയിൽ ശനിയാഴ്ച രാത്രി തന്നെ ഇവിഎമ്മുകൾ പോളിംഗ് സ്റ്റേഷനുകളിൽ നിന്ന് ഉദ്യോഗസ്ഥർ നിശ്ചയിച്ച അതത് കൗണ്ടിംഗ് കേന്ദ്രങ്ങളിലേക്ക് മാറ്റി. ഫെബ്രുവരി 22ന് (ചൊവ്വാഴ്ച) വോട്ടെണ്ണൽ നടക്കുന്ന ജില്ലയിലെ ഒമ്പത് കേന്ദ്രങ്ങളിലും വിപുലമായ സുരക്ഷാ ക്രമീകരണങ്ങളാണ് ഏർപ്പെടുത്തിയട്ടുള്ളത്.
തൂത്തുക്കുടി കോർപ്പറേഷൻ വാർഡ് ഇവിഎമ്മുകൾ ചൊവ്വാഴ്ച വോട്ടെണ്ണൽ ആരംഭിക്കുന്ന വിഒസി ഗവൺമെന്റ് എഞ്ചിനീയറിംഗ് കോളേജി ലാണ് സൂക്ഷിച്ചിരിക്കുന്നത്. ജില്ലാ തിരഞ്ഞെടുപ്പ് ഓഫീസറും കളക്ടറുമായ കെ.സെന്തിൽ രാജ്, കോർപ്പറേഷൻ കമ്മീഷണർ ടി.ചാരുശ്രീ, തിരഞ്ഞെടുപ്പ് നിരീക്ഷകൻ അതുൽ ആനന്ദ്, മറ്റ് ഉദ്യോഗസ്ഥർ എന്നിവരാണ് ഇവിഎമ്മുകളുടെയും മറ്റ് പോളിംഗ് സാമഗ്രികളുടെയും സുരക്ഷിത നിക്ഷേപത്തിന് മേൽനോട്ടം വഹിച്ചത്. ഇവിഎമ്മുകൾ നിക്ഷേപിച്ച സ്ഥലങ്ങളിലെല്ലാം ത്രിതല സുരക്ഷ ഏർപ്പെടുത്തിയതായി പോലീസ് സൂപ്രണ്ട് എസ് ജയകുമാർ അറിയിച്ചു. തമിഴ്നാട് സ്പെഷ്യൽ പോലീസിന്റെ സായുധ പോലീസിന് പുറമെ ജില്ലാ പോലീസിനെയും നിരീക്ഷണത്തിനായി പരിസരത്തും പുറത്തും വിന്യസിച്ചിട്ടുണ്ട്. ഇതു കൂടാതെ സിസിടിവി ക്യാമറകൾ രാപ്പകലില്ലാതെ പ്രവർത്തിക്കുന്നുമുണ്ട്.
സുരക്ഷാ ഉദ്യോഗസ്ഥരിൽ ഒരു ഡിഎസ്പിയും ഇൻസ്പെക്ടർമാരും എസ്ഐമാരും പൊലീസുകാരും വനിതകളും ഉൾപ്പെടെ 450 മറ്റ് ഉദ്യോഗസ്ഥരും ഉൾപ്പെടുന്നു. വോട്ടെണ്ണൽ ദിവസം 1500 ഉദ്യോഗസ്ഥരെ വിന്യസിക്കുമെന്നും പോലീസ് സൂപ്രണ്ട് എസ് ജയകുമാർ കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
