Day: 28 September 2021

ബെംഗളൂരു : കോവിഡ് പ്രതിരോധ കുത്തിവെപ്പുകളുടെ എണ്ണത്തിൽ വലിയ ഒരു നാഴികക്കല്ല് പിന്നിട്ട് സംസ്ഥാനം. ഇന്നത്തോടെ 5.5 കോടി ഡോസുകൾ കുത്തി വച്ചു കഴിഞ്ഞു കർണാടക. ഈ വാർത്ത സ്വന്തം സോഷ്യൽ മീഡിയ അക്കൗണ്ടുകളിലൂടെയാണ് സംസ്ഥാന ആരോഗ്യ മന്ത്രി അറിയിച്ചത്. ഈ ലക്ഷ്യത്തിലെത്താൻ കഴിഞ്ഞ 8 മാസമായി പ്രവർത്തിക്കുന്ന എല്ലാ ആരോഗ്യ പ്രവർത്തകർക്കും പിൻതുണ നൽകിയ പ്രധാന മന്ത്രി നരേന്ദ്ര മോഡിക്കും അദ്ദേഹം നന്ദി പറഞ്ഞു. ഈ വർഷം ഡിസംബറോടെ പൂർണമായും പ്രതിരോധ കുത്തിവെപ്പ് എടുത്ത സംസ്ഥാനമായി മാറാനാണ് ലക്ഷ്യം വക്കുന്നത് എന്നും അദ്ദേഹം…

ബെംഗളൂരു: മേൽപ്പാലങ്ങളിൽ അമിത വേഗത്തിൽ യാത്ര ചെയ്യുന്നവരുടെ എണ്ണവും അതിനാനുപാതികമായി അമിത വേഗം മൂലമുള്ള അപകടങ്ങളും വർദ്ധിച്ചപ്പോൾ നിരീക്ഷണത്തിനായി പുതിയ സംവിധാനം ഏർപ്പെടുത്തുന്നു. വാഹനങ്ങളുടെ നമ്പർ പ്ലേറ്റ് തിരിച്ചറിയാൻ കഴിയുന്ന നിർമിത ബുദ്ധിയിൽ പ്രവർത്തിക്കുന്ന നവീനമായ ക്യാമറകൾ മേൽപ്പാലങ്ങളിൽ സ്ഥാപിക്കാൻ ഒരുങ്ങുകയാണ് അധികൃതർ. ഇലക്ട്രോണിക് സിറ്റി, യെലഹങ്ക, ഹെബ്ബാൾ മേൽപ്പാലങ്ങളിലാണ് ആദ്യഘട്ടങ്ങളിൽ ക്യാമറകൾ സ്ഥാപിക്കുന്നത്. പലപ്പോഴും അപകടം സൃഷ്ടിച്ച് കടന്നു കളയുന്ന വാഹനങ്ങളുടെ നമ്പർ കണ്ടെത്താൻ കഴിയാത്തത് അന്വേഷണത്തിന് വിലങ്ങുതടി ആകാറുണ്ട്, ഈ പ്രശ്നം പരിഹരിക്കാൻ പുതിയ ക്യാമറകൾ സഹായകമാകും എന്ന് പ്രതീക്ഷിക്കപ്പെടുന്നു.