ബെംഗളൂരു: നഗരത്തിലെ ഡി.ജെ. ഹള്ളിയിൽ പട്ടാപ്പകൽ ഗുണ്ടാ നേതാവിനെ അയൽവാസികൾ ചേർന്ന് വെട്ടികൊലപ്പെടുത്തി. ഡി.ജെ. ഹള്ളിയിലെ അംബേദ്കർ നഗർ സ്വദേശി മസർഖാൻ (43) ആണ് മരിച്ചത്. ശനിയാഴ്ച രാവിലെയോടെയാണ് സംഭവം. സംഭവത്തിൽ ഒരു സ്ത്രീയടക്കം നാലുപേരെ ബെംഗളൂരു പോലീസ് കസ്റ്റഡിയിലെടുത്തിട്ടുണ്ട്.
രാവിലെ ഏകദേശം എട്ടുമണിയോടെ കൊല്ലപ്പെട്ട മസർഖാനും സമീപത്തെ കടയുടമയായ ഒരു സ്ത്രീയും തമ്മിൽ തർക്കമുണ്ടാവുകയായിന്നു. തുടർന്ന് ഈ സ്ത്രീ തന്റെ ബന്ധുക്കളെ വിവരമറിയിച്ചു. സ്ഥലത്തെത്തിയ ബന്ധുക്കളും മസർഖാനും തമ്മിലും വാക്കു തർക്കം ഉണ്ടായി, ഈ തർക്കം പരിഹരിക്കണമെന്ന രീതിയിൽ സ്ത്രീയുടെ ബന്ധുക്കൾ ഇയാളെ തൊട്ടടുത്ത ആളൊഴിഞ്ഞ സ്ഥലത്തേക്ക് കൊണ്ടുപോയതിനു ശേഷം ഏകദേശം ഒരു മണിക്കൂർ കഴിഞ്ഞു ഇയാളെ വെട്ടേറ്റ നിലയിൽ കണ്ടെത്തുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
