Day: 15 March 2021

ബെംഗളൂരു: ചൗഡേശ്വരി നഗറിലെ ലാഗരെ നിവാസിയായ ശശികല എന്ന 35 കാരി, അംഗപരിമിത കൂടിയായ സ്വന്തം സഹോദരിയുടെ വീട്ടിൽ നിന്ന് ഏകദേശം ഒൻപത് ലക്ഷം രൂപ വിലമതിക്കുന്ന 220 ഗ്രാം മോഷ്ടിച്ചതിന് പോലീസ് പിടിയിലായി. സഹോദരി താമസിക്കുന്ന അതേ കെട്ടിടത്തിൽ തന്നെ മറ്റൊരു വീട്ടിൽ ശശികല ഒറ്റയ്ക്ക് താമസിച്ചുവരികയായിരുന്നു. ബധിരയും മൂകയുമായ സഹോദരിയുടെ വീട്ടിൽ നിരന്തര സന്ദർശനം നടത്തിയിരുന്ന ശശികല പല തവണകളിലായി സ്വർണം മോഷ്ടിക്കുകയായിരുന്നു. സഹോദരിയുടെ മകൻ വിജയകുമാർ നൽകിയ പരാതിയുടെ അടിസ്ഥാനത്തിൽ പൊലീസ് അന്വേഷണത്തിലാണ് ശശികല പിടിയിലാകുന്നത്. പരാതിയുടെ അടിസ്ഥാനത്തിൽ വിശദമായ…

ബെംഗളൂരു : നഗരത്തിൽ വ്യാജ ഫാസ്ടാഗുകളുടെ വിൽപന തകൃതിയായി നടക്കുന്നു. കഴിഞ്ഞ രണ്ടാഴ്ചയിൽ വിവിധ ടോൾ ബൂത്തുകളിൽ വ്യാജ ഫാസ്ടാഗുമായി എത്തിയവരുടെ എണ്ണം ആയിരം കടന്നതായി അധികൃതർ അറിയിച്ചു. ഓൺലൈൻ വഴി കുറഞ്ഞ വിലക്കു നൽകുന്ന ഫാസ് ടാഗുകളുമായി ടോൾ പ്ലാസകളിലെ സ്കാനറിൽ എത്തുമ്പോൾ കാർഡ് റീഡ് ചെയ്യപ്പെടാതെ ഇരിക്കുന്നതോടെയാണ് വഞ്ചിക്കപ്പെട്ടതായി വാഹന ഉടമകൾ തിരിച്ചറിയുന്നത്. സോഷ്യൽ മീഡിയ പേജുകൾ വഴിയാണ് ഇവയുടെ മാർക്കറ്റിംഗ് നടക്കുന്നത്, ഒരാഴ്ചക്ക് ഉള്ളിൽ വ്യാജ ഫാസ് ടാഗ് ലഭിക്കുകയും ചെയ്യും. വിലയും കുറവായിരിക്കും.

ബെംഗളൂരു: കഴിഞ്ഞ മാർച്ച് പത്താം തീയതി മുതൽ നഗരത്തിലെ കോവിഡ് രോഗികളുടെ എണ്ണത്തിൽ വർദ്ധന ഉണ്ടാകുന്നതായി ഏറ്റവും പുതിയ കണക്കുകൾ രേഖപ്പെടുത്തുന്നു. 4231 രോഗബാധിതരെ കണ്ടെത്തിയതിൽ 2764 രോഗികളും ബെംഗളൂരു നഗരത്തിൽ നിന്നുള്ളവരാണ്. ഏകദേശം 65 ശതമാനത്തിനു മുകളിൽ. വിശദമായ നടത്തിയ പഠനത്തിൽ അന്തർസംസ്ഥാന യാത്രികർ ആയിരിക്കാം വർദ്ധന ഉണ്ടാക്കുന്നതിൽ പ്രധാന കാരണം എന്ന് അനുമാനിക്കപ്പെടുന്നു. ഇതോടൊപ്പം സ്വയം ജനിതകമാറ്റം സംഭവിച്ചതും കാരണമായേക്കാം എന്നാണ് പഠനം സൂചിപ്പിക്കുന്നത്. മുഖാവരണം ഉപയോഗിക്കുന്നതിൽ കാണിക്കുന്ന അലംഭാവവും കുറഞ്ഞ ദൂരപരിധി ലംഘനങ്ങളും വ്യാപനത്തെ ഗണ്യമായി സ്വാധീനിച്ചിട്ടുണ്ട് എന്നും പഠനത്തിൽ…