Month: November 2020

ബെംഗളൂരു: ട്രാഫിക് നിയമങ്ങള്‍ തെറ്റിച്ചാല്‍ പിഴ അടച്ച് രക്ഷപ്പെടാം എന്നതാണല്ലോ നമ്മുടെ ഒക്കെ സൌകര്യം,എന്നാല്‍ പുതിയ നടപടികളുമായി നഗരത്തിലെ ട്രാഫിക്‌ പോലീസ് രംഗത്ത് വന്നിരിക്കുകയാണ്. തുടര്‍ച്ചയായി ഗതാഗത നിയമങ്ങള്‍ ലംഘിക്കുന്നവര്‍ക്ക് പിഴക്കു പുറമേ പരീക്ഷയും ഏര്‍പ്പെടുത്തുന്നു. ട്രാഫിക് നിയമങ്ങളെ കുറിച്ചുള്ള ചോദ്യങ്ങള്‍ അടങ്ങിയ പരീക്ഷയില്‍ 50 ശതമാനത്തില്‍ അധികം മാര്‍ക്ക് നേടിയാലേ പിടിച്ചെടുത്ത വാഹനം വിട്ടു കിട്ടുകയുള്ളൂ. മാര്‍ക്ക് കുറഞ്ഞാലോ ?അവര്‍ക്ക് ബോധവല്‍ക്കരണ ക്ലാസുകള്‍ ഏര്‍പ്പെടുത്താനും പരിപാടി ഉണ്ട്. പത്തിലേറെ തവണ ഗതാഗത ലംഘനം നടത്തുന്നവര്‍ക്കാന് ഈ ശിക്ഷാ രീതി എന്ന് ട്രാഫിക് ജോയിന്റ്…

ബെംഗളൂരു: ചിത്രദുര്‍ഗയ്ക്ക് സമീപം ദേശീയപാത 13 ല്‍ നടന്ന വാഹനാപകടത്തില്‍ 2 പേര്‍ മരിച്ചു. എസ്.യു.വില്‍ സഞ്ചരിക്കുകയായിരുന്ന ഒരു കുടുംബത്തിലെ രണ്ട് പേരാണ് അപകടത്തില്‍  മരിച്ചത്.ശംഭുലിംഗപ്പ (54) അപകട സ്ഥലത്ത് വച്ച് തന്നെ മരിച്ചു,ശോഭ റാണി (34) ചിത്ര ദുര്‍ഗ ജില്ല ആശുപത്രിയില്‍ വച്ചുമാണ് മരണത്തിന് കീഴടങ്ങിയത്.ഇവര്‍ സഞ്ചരിച്ചിരുന്ന വാഹനം ഓടിച്ചിരുന്നത് ബന്ധുവായ ലോഹിത് റെഡ്ഡി ആയിരുന്നു. ഇവരുടെ വാഹനം എതിര്‍ ദിശയില്‍ വരികയായിരുന്ന ഒരു ട്രക്കുമായി കൂട്ടിയിടിക്കുകയായിരുന്നു തുടര്‍ന്ന് ദിശമാറിയ എസ്.യു.വി എതിര്‍ ദിശയില്‍ വന്നിരുന്ന മറ്റൊരു ചെറു കാറുമായി കൂട്ടിയിടിച്ചു. ഇവര്‍…

ബെംഗളൂരു : സംസ്ഥാനത്തെ ജനസംഖ്യയുടെ 27.3% പേർക്ക് ഇതുവരെ കോവിഡ് ബാധിച്ചിരിക്കാമെന്ന് മന്ത്രി ഡോ.കെ.സുധാകർ. 1.93 കോടി ആളുകൾക്കാണ് കോവിഡ് ബാധിച്ചിരിക്കാം എന്ന് ആരോഗ്യവകുപ്പ് നടത്തിയ സർവേയിൽ പറയുന്നത്. ലക്ഷണങ്ങളില്ലാതെ ഒട്ടേറെപ്പേർക്കു കോവിഡ് വന്നു പോയിരിക്കാമെന്നു കണ്ടെത്തിയതാണ് ഇതിനാധാരം. സെപ്റ്റംബർ 3 മുതൽ 16 വരെ ആൾക്കൂട്ടങ്ങൾക്കിടയിൽ പ്രവർത്തിക്കുന്ന ആരോഗ്യ പ്രവർത്തകർ, ബസ് ജീവനക്കാർ, ഗർഭിണികൾ, കണ്ടയിൻമെൻറ് സോണകളിലുള്ളവർ തുടങ്ങിയവരെ കേന്ദ്രീകരിച്ചാണ് ആരോഗ്യ വകുപ്പ് പഠനം നടത്തിയത്. 16,000 പേരെ പരിശോധിച്ചതിൽ, ലക്ഷണമില്ലാത്ത 12.7% പേർക്കു കോവിഡ് ബാധിച്ചതായി കണ്ടെത്തി എന്നതാണ് നിഗമനത്തിന് ആധാരം.

ബെംഗളൂരു: ബി.എം.ടി.സി.യിൽ മാസ്‌കില്ലാതെ യാത്ര ചെയ്‌ത 950 പേർക്കെതിരെ കേസ്. ഇവരിൽ നിന്ന് 100 രൂപ വീതം പിഴ ചുമത്തി ആകെ 95,000 രൂപയും ഈടാക്കി. ബസിൽ കയറിയശേഷം മാസ്‌ക് ഊരിവെച്ചവരിൽനിന്നാണ് പിഴ ഈടാക്കുന്നത്. ബി.എം.ടി.സി.സ്ക്വാഡ് അംഗങ്ങളാണ് പരിശോധന നടത്തി പിഴ ഈടാക്കുന്നത്. കഴിഞ്ഞ ജൂൺ മുതലാണ് ബസിൽ മാസ്‌ക് ഇല്ലാതെ യാത്ര ചെയ്യുന്നവരിൽനിന്ന് ബി.എം.ടി.സി.പിഴ ഈടാക്കിത്തുടങ്ങിയത്. പൊതുസ്ഥലങ്ങളിൽ മാസ്‌ക് ധരിക്കാത്തവരിൽനിന്ന് ബി.ബി.എം.പി.യും പോലീസും പിഴയീടാക്കുന്നതിന് പുറമേയാണ് ബി.എം.ടി.സി.യും പിഴയീടാക്കുന്നത്.