Month: November 2020

ബെംഗളൂരു: കോവിഡ് രോഗികൾക്കായി സ്വകാര്യ ആശുപത്രികൾ 50% കിടക്കകൾ മാറ്റിവെക്കണമെന്ന നിർദേശം ബി.ബി.എം.പി. പിൻവലിച്ചു. കോവിഡ് രോഗികളുടെ എണ്ണം ഗണ്യമായി കുറഞ്ഞതിനാലാണ് ഈ നീക്കം. നിലവിൽ സ്വകാര്യ ആശുപത്രികളിൽ കോവിഡ് രോഗികൾക്ക് മാറ്റിവെച്ച കിടക്കകളിൽ 20 ശതമാനത്തിൽ മാത്രമാണ് രോഗികളുള്ളത്. കോവിഡ് കേസുകളുടെ എണ്ണം കുറയുന്ന സാഹചര്യത്തിൽ വരുംദിവസങ്ങളിൽ ആശുപത്രികളിൽ കഴിയുന്നവരുടെ എണ്ണം വീണ്ടും കുറയും. നിലവിൽ മുഴുവൻ രോഗികളെയും പ്രവേശിപ്പിക്കാനുള്ള സൗകര്യം നഗരത്തിലെ സർക്കാർ ആശുപത്രികൾക്കുണ്ടെന്ന് ബി.ബി.എം.പി. കമ്മിഷണർ എൻ. മഞ്ജുനാഥ് പ്രസാദ് പറഞ്ഞു. സർക്കാർ ആശുപത്രികളിലെ കോവിഡ് കിടക്കകളിൽ 90 ശതമാനമെങ്കിലും…

ബെംഗളൂരു : മരങ്ങൾ മുറിക്കുന്നതിനുള്ള അനുമതി നൽകുന്നതിൽ കൂടുതൽ സുതാര്യത കൊണ്ടുവരുന്നതിനുള്ള ചില നടപടികൾ നിർദ്ദേശിച്ച കർണാടക ഹൈക്കോടതി. മരങ്ങൾ മുറിക്കാൻ അനുമതി തേടുന്ന അപേക്ഷയുടെ വിശദാംശങ്ങൾ പ്രത്യേക വെബ്സൈറ്റിൽ ബന്ധപ്പെട്ട ഓഫീസർ അപ്‌ലോഡ് ചെയ്യണമെന്നും അനുമതിയുടെ വിശദാംശങ്ങൾ ലഭ്യമാക്കേണ്ടതുണ്ട് എന്നും നിർദ്ദേശിച്ചു. അനുമതി നൽകിയാൽ ഉടനെ ആ വിവരങ്ങൾ പൊതുജനങ്ങളുടെ അറിവിലേക്ക് എത്തിക്കുന്നതിന് ഇത് ഉപകാരപ്പെടും എന്ന് കോടതി അഭിപ്രായപ്പെട്ടു. ചീഫ് ജസ്റ്റിസ് അഭയ് ശ്രീനിവാസ്, ജസ്റ്റിസ് വിശ്വജിത്ത് ഷെട്ടി എന്നിവരടങ്ങുന്ന ഡിവിഷൻ ബെഞ്ച്, ബംഗളൂരു നഗരത്തിൽ മരങ്ങൾ വെട്ടി മാറ്റുന്നതിനുള്ള അപേക്ഷകൾ…

ബെംഗളൂരു :ലഹരിമരുന്ന് കടത്തുമായി ബന്ധപ്പെട്ട പണമിടപാട് കേസിൽ ബിനീഷ് കോടിയേരി സമർപ്പിച്ച  മുൻ‌കൂർ ജാമ്യാപേക്ഷ പരിഗണിക്കുന്നത് കർ‌ണ്ണാടക ഹൈക്കോടതി ചൊവ്വാഴ്ചത്തേക്ക് മാറ്റി. ബിനീഷിന്റെ അഭിഭാഷകർ ഹാജരാകാഞ്ഞതിനാലാണ് തീരുമാനം. നിലവില്‍ നാർക്കോട്ടിക് കണ്ട്രോൾ ബ്യൂറോയുടെ കസ്റ്റഡിയിലുള്ള ബിനീഷിനെ ചോദ്യം ചെയ്യുന്നത് തുടരുകയാണ്. അടുത്ത വെള്ളിയാഴ്ച വരെയാണ് ബിനീഷിനെ നാർക്കോട്ടിക്സ് കൺട്രോൾ ബ്യൂറോയുടെ കസ്റ്റഡിയില്‍ വിട്ടത്. തനിക്കെതിരായ കേന്ദ്ര അന്വേഷണ ഏജൻസികളുടെ നടപടിക്കെതിരെ ബിനീഷ് ഹൈക്കോടതിയില്‍ രണ്ട് ഹർജികളാണ് നല്‍കിയത്. മുൻകൂർ ജാമ്യാപേക്ഷയ്ക്ക് പുറമേ, ഇഡി അറസ്റ്റ് അന്യായമാണെന്നു കാട്ടി നല്‍കിയ ഹ‍ർജിയും ഹൈക്കോടതി ഫയലില്‍ സ്വീകരിച്ചിട്ടുണ്ട്

ബെംഗളൂരു :ആന്ധ്രയിലെ ഒരു ഹോൾസെയിൽ വ്യാപാരിയിൽ നിന്ന് ഇരുന്നൂറോളം സാരികൾ തട്ടിയെടുത്തതിന് 45 കാരി അറസ്റ്റിൽ. ഇന്ദിരാനഗർ നിവാസിയായ എച്ച് ശശികല ആണ് സാമ്പഗേഹള്ളി പോലീസിന്റെ പിടിയിലായത്. വസ്ത്ര വ്യാപാരി ആണെന്ന് തെറ്റിദ്ധരിപ്പിച്ചാണ് ശശികല തട്ടിപ്പുകൾ നടത്തിയിരുന്നത്. ബംഗളൂരുവിലെ ഒരു ജഡ്ജിയുടെ കുടുംബത്തിലെ വിവാഹച്ചടങ്ങിന് സാരികൾ നൽകാനുള്ള ഓർഡർ ലഭിച്ചതായി നെല്ലൂരിൽ ഉള്ള വെങ്കിടേശ്വരലുവിനെ ബോധ്യപ്പെടുത്തി കൊണ്ടായിരുന്നു തട്ടിപ്പ്. ബാക്കിവന്ന120 സാരികൾ പോലീസ് കണ്ടെടുത്തു. ശശികല മറ്റുപല ഡീലർമാരും ആയി ബന്ധപ്പെട്ടിരുന്നതായി സംശയിക്കുന്നു.