Day: 9 October 2020

ബെംഗളൂരു: കോവിഡ് പരിശോധന നടത്താൻ വിസമ്മതിച്ചാൽ ഇനി മൂന്നുവർഷംവരെ തടവ്. തീർന്നില്ല, ആരെങ്കിലും പരിശോധന നടത്താൻ വിസമ്മതിക്കുകയാണെങ്കിൽ 50,000 രൂപ പിഴയും അനുഭവിക്കാൻ ബാധ്യസ്ഥരാണെന്നും സർക്കാർ ഇറാക്കിയ ഉത്തരവിൽ പറയുന്നു. കോവിഡ് വ്യാപനം രൂക്ഷമായ സാഹചര്യത്തിൽ പരിശോധന നിരസിക്കുന്നത് തടയാനാണ് സർക്കാരിന്റെ ഈ പുതിയ നീക്കം. കോവിഡ് പരിശോധനയ്ക്ക് വിധേയമാകാൻ സർക്കാർ കണ്ടെത്തിയിട്ടുള്ള എല്ലാവരും നിർബന്ധമായും പരിശോധന നടത്തണമെന്ന് സർക്കാർ ഉത്തരവിൽ പറഞ്ഞു. കോവിഡ് രോഗികളുമായി സമ്പർക്കത്തിൽ വന്നവർ പരിശോധന നടത്താത്തത് രോഗ വ്യാപനത്തിനിടയാക്കുന്നുവെന്ന് കണ്ടെത്തിയതിനെത്തുടർന്നാണ് നടപടി.

ബെംഗളൂരു: 37 വർഷത്തെ നീണ്ട കാത്തിരിപ്പിനൊടുവിൽ സബർബൻ റെയിൽവേ പദ്ധതിക്ക് കേന്ദ്രാനുമതി. പദ്ധതിക്ക് 18,000 കോടി രൂപയാണ് ചെലവ് പ്രതീക്ഷിക്കുന്നത്. ഇതിൽ 20 ശതമാനം തുക കേന്ദ്രവും 20 ശതമാനം തുക സംസ്ഥാനസർക്കാരും വഹിക്കും. ബാക്കിയുള്ള 60 ശതമാനം തുക പുറമേനിന്നുള്ള മറ്റു ഏജൻസികളിൽ നിന്ന് കണ്ടെത്തും. പൊതു-സ്വകാര്യ പങ്കാളിത്തത്തോടെയായിരിക്കും പദ്ധതി നടപ്പാക്കുക. കർണാടക റെയിൽ ഇൻഫ്രാസ്ട്രക്ചർ ഡെവലപ്‌മെന്റ് കമ്പനി ലിമിറ്റഡിനാണ് പദ്ധതിയുടെ നടത്തിപ്പുചുമതല. പദ്ധതിക്ക് കേന്ദ്രാനുമതി ലഭിച്ചതിനാൽ പ്രാരംഭപ്രവൃത്തികൾക്കായുള്ള ടെൻഡർ നടപടികൾ ഉടൻ ആരംഭിക്കുമെന്ന് ദക്ഷിണ പശ്ചിമ റെയിൽവേ അറിയിച്ചു. 148 കിലോമീറ്ററിലായുള്ള…

ബെംഗളൂരു: ആയിരക്കണക്കിന് മലയാളികൾക്ക് ആശ്വാസം തരുന്നതാണ് ദക്ഷിണ പശ്ചിമ റെയിൽവേയുടെ പുതിയ അറിയിപ്പ്. കേരളത്തിലേക്ക് മൈസൂരു – കൊച്ചുവേളി തീവണ്ടി ഓടിക്കാൻ ശ്രമം നടത്തുമെന്നാണ് ദക്ഷിണ പശ്ചിമ റെയിൽവേ അറിയിച്ചത്. ഇതുകൂടാതെ കണ്ണൂരിലേക്കും സർവീസ് പുനരാരംഭിക്കാൻ ശ്രമം നടക്കുന്നുണ്ട്. കഴിഞ്ഞ ദിവസം കർണാടക കേരള ട്രാവലേഴ്‌സ് ഫോറം (കെ.കെ.ടി.എഫ്.) ഭാരവാഹികൾ ബെംഗളൂരു ഡിവിഷണൽ റെയിൽവേ മാനേജർ അശോക് കുമാറുമായി നടത്തിയ കൂടിക്കാഴ്ചയിലാണ് തീവണ്ടി ആരംഭിക്കാനുള്ള സാധ്യത അറിയിച്ചത്. മാർച്ചിൽ ലോക്ഡൗൺ വന്നതോടെ കേരളത്തിലേക്കുള്ള തീവണ്ടി സർവീസുകൾ നിർത്തിവെക്കുകയായിരുന്നു. പിന്നീട് മേയിൽ ലോക്ഡൗൺ ഇളവുവന്ന സമയത്ത്…

ബെംഗളൂരു: നാട്ടിലേക്കും തിരിച്ചുമുള്ള യാത്രക്കാരുടെ എണ്ണം കൂടിവരുന്ന സാഹചര്യത്തിൽ മഹാനവമിയോടനുബന്ധിച്ച് കേരളത്തിലേക്ക് പ്രത്യേക സർവീസ് നടത്താനൊരുങ്ങി കേരള ആർ.ടി.സി. ഈ മാസം 22 മുതൽ നവംബർ മൂന്നു വരെ പ്രത്യേക സർവീസുകൾ നടത്താനാണ് കേരള ആർ.ടി.സി. ഒരുങ്ങുന്നത്. നിലവിൽ സർവീസ് പുനരാരംഭിക്കാത്ത പയ്യന്നൂർ, കാസർകോട് തുടങ്ങിയ സ്ഥലങ്ങളിലേക്കും പ്രത്യേക സർവീസുകളുണ്ടാകാം. ബസുകളുടെ സമയം ഉൾപ്പെടെയുള്ള റൂട്ട്ലിസ്റ്റ് വരുംദിവസങ്ങളിൽ പ്രഖ്യാപിക്കും. മുൻ വർഷങ്ങളിൽ മഹാനവമി അവധിയോടനുബന്ധിച്ച് കേരള, കർണാടക ആർ.ടി.സി.കൾ അമ്പതോളം പ്രത്യേക സർവീസുകൾ നടത്തിയിരുന്നു. കർണാടക ആർ.ടി.സി.യും മഹാനവമിയോടനുബന്ധിച്ച് പ്രത്യേക സർവീസുകൾ നടത്തുന്നതോടെ മലയാളികൾക്ക് ആശ്വാസമാകും. ലോക്ഡൗണിനുശേഷം ആർ.ടി.സി. ബസുകൾ…