Month: July 2020

ബെംഗളൂരു: വൈറ്റ്ഫീൽഡിലെ ഇന്റർനാഷനൽ ടെക് പാർക്കിൽ എൻജിനിയറായിരുന്ന മലയാളി യുവാവ് ബൈക്കപകടത്തിൽ മരിച്ചു. വടകര തോടന്നൂർ പള്ളിക്കുന്ന് മനയ്ക്കൽമീത്തൽ ചന്ദ്രന്റെയും ബീനയുടെയും മകൻ നിധിൻ (27) ആണ് മരിച്ചത്. താമസസ്ഥലത്തുനിന്ന് സുഹൃത്തിന്റെ വീട്ടിലേക്ക് പോകുന്നതിനിടെ ബൈക്കിൽ ലോറിയിടിക്കുകയായിരുന്നെന്ന് പോലീസ് പറഞ്ഞു. ഡിവൈഡറിൽ തലയിടിച്ചുവീണ നിധിൻ സംഭവസ്ഥലത്തുതന്നെ മരിച്ചു. വ്യാഴാഴ്ച രാത്രി പത്തരയോടെ ചന്നസാന്ദ്രയ്ക്ക് സമീപമാണ് അപകടമുണ്ടായത്. വൈദേഹി ആശുപത്രിയിലെത്തിച്ച് മൃതദേഹപരിശോധന നടത്തിയതിനുശേഷം നാട്ടിലേക്ക് കൊണ്ടുപോയി. സംഭവത്തിൽ വൈറ്റ്ഫീൽഡ് ട്രാഫിക് പോലീസ് കേസെടുത്തു.

ബെം​ഗളുരു : അമേരിക്ക ആസ്ഥാനമായ ടെക് കമ്പനിയായ കോഗ്നിസന്റ്റ് 18000 ആളുകളെ ബെഞ്ചിലേക്ക് മാറ്റി പിരിച്ചു വിടാന്‍ ശ്രമം തുടങ്ങിയതായി കര്‍ണാടകയിലെ ഐ ടി യുണിയന്‍. ഈ വിഷയവുമായി ബന്ധപ്പെട്ട് തൊഴില്‍ വകുപ്പിനെ സമീപിക്കാന്‍ ഇരിക്കുകയാണ് എന്നും അവര്‍ അറിയിച്ചു. പ്രൊജക്റ്റ്‌കള്‍ ഒന്നും ഇല്ലാതെ ഇരിക്കുന്ന അവസ്ഥയെയാണ് ഐ ടി മേഖലയില്‍ ബെഞ്ച്‌ എന്നതുകൊണ്ട്‌ ഉദ്ദേശിക്കുന്നത്.ഇത്രയും ആള്‍ക്കാരേ ആദ്യം ബെഞ്ചിലേക്ക് മാറ്റുകയും പിന്നീട് രാജിവച്ചു പോകാന്‍ നിര്‍ബന്ധിക്കുകയുമാണ് കമ്പനി ചെയ്യുന്നത് എന്നാണ് യുണിയന്‍ ആരോപിക്കുന്നത്. 100 ല്‍ അധികം ജീവനക്കാര്‍ ഉള്ള കമ്പനി ലെഓഫ്…

ബെം​ഗളുരു : കര്‍ണാടകയിലെ സ്വകാര്യ ആശുപത്രികളിലെ 50% കിടക്കകള്‍ സര്‍ക്കാര്‍ റിസര്‍വ് ചെയ്തു,ഇവിടങ്ങളില്‍ ഉള്ള ചികിത്സ സൌജന്യമായിരിക്കും. എന്നാല്‍ രോഗിയുടെ ലക്ഷണങ്ങളും മറ്റു സാഹചര്യങ്ങളും പരിശോധിച്ചതിന് ശേഷം സെന്‍ട്രല്‍ ബെഡ് അലോട്ട്മെന്റ് സംവിധാനം വഴിയായിരിക്കും കിടക്കകള്‍ അനുവദിക്കുക. കോവിഡ് രോഗികള്‍ക്ക് നേരിട്ടും ഈ ആശുപത്രികളെ സമീപിക്കാം ,കിടക്കയുടെ ലഭ്യതയ്ക്ക് അനുസരിച്ച് അവര്‍ രോഗികളെ പ്രവേശിപ്പിക്കും. ലാബ്‌ റിപ്പോര്‍ട്ട്‌ ലഭ്യമല്ലെങ്കിലും കൂടുതല്‍ ബുദ്ധിമുട്ടുന്ന രോഗികള്‍ക്ക് ഇവര്‍ ചികിത്സ നല്‍കും, കോവിഡ് രോഗികള്‍ക്ക് നേരിട്ട് ഈ ആശുപത്രികളെ ബന്ധപ്പെടാം,ബുദ്ധിമുട്ട് നേരിടുന്ന ഘട്ടത്തില്‍ നോഡല്‍ ഓഫീസറിനെ വിവരമറിയിക്കണം എന്നും…