Month: July 2020

ബെംഗളൂരു : കോവിഡ് രോഗബാധയെ തുടർന്നുള്ള സാമ്പത്തിക ഞെരുക്കത്തിൽ നിന്ന് കരകയറാനുള്ള പദ്ധതികളുമായി കർണാടക സർക്കാർ. സർക്കാർ സ്ഥലങ്ങൾ സംഘടനകൾക്ക് ആവശ്യമെങ്കിൽ പാട്ടത്തിന് നൽകും. ബെംഗളൂരു നഗര ജില്ലയിൽ നിന്ന് ഈ രീതിയിൽ 2250 കോടി രൂപ ലഭിക്കുമെന്ന് റവന്യൂ വകുപ്പ് പ്രതീക്ഷിക്കുന്നു. സന്നദ്ധ, സാമൂഹിക, മത സംഘടനകൾ വിദ്യാഭ്യാസ സ്ഥാപനങ്ങൾ എന്നിവക്കാണ് ഭൂമി ലഭിക്കുക. 921 ഏക്കർ ഭൂമി ഇതിനായി കണ്ടെത്തിയിട്ടുണ്ടെന്ന് റവന്യു പ്രിൻസിപ്പൽ സെക്രട്ടറി അറിയിച്ചു. 1969 ലെ കർണാടക ഗ്രാൻറ് റൂൾസ് പ്രകാരം ഭൂമി പാട്ടത്തിന് നൽകുന്നതിന് തടസമില്ല.

ബെംഗളൂരു: കോവിഡ് 19 വ്യാപനം രൂക്ഷമായ സാഹചര്യത്തില്‍ കൂടുതല്‍ സ്ഥലങ്ങള്‍ കോവിഡ് കെയര്‍ സെന്ററുകളാക്കി മാറ്റുന്നു. പ്രസിദ്ധമായ ചിന്നസ്വാമി ക്രിക്കറ്റ് സ്റ്റേഡിയമാണ് ഇതില്‍ പ്രധാനപ്പെട്ടത്. ചിന്നസ്വാമി സ്റ്റേഡിയത്തിന് പുറമേ, ബാംഗ്ലൂര്‍ പാലസും കോവിഡ് സെന്ററാക്കാനുള്ള തയ്യാറെടുപ്പിലാണ് കര്‍ണാടക സര്‍ക്കാര്‍. നേരത്തേ, ബാംഗ്ലൂര്‍ ഇന്റര്‍നാഷണല്‍ എക്സിബിഷന്‍ സെന്ററും കോവിഡ് 19 കെയര്‍ സെന്ററാക്കിയിരുന്നു. ജനങ്ങള്‍ ആശങ്കപ്പെടേണ്ട സാഹചര്യമില്ലെന്നും സര്‍ക്കാര്‍ എല്ലാവിധ മുന്‍കരുതലുകളും സ്വീകരിച്ചതായും കോവിഡ് 19 ചുമതലയുള്ള ആര്‍ അശോക അറിയിച്ചു. കേന്ദ്ര ആരോഗ്യമന്ത്രാലയത്തിന്റെ കണക്കനുസരിച്ച്‌, കര്‍ണാടകയിലെ കോവിഡ് ബാധിതരുടെ എണ്ണം 28,877 ആണ്.

ബെംഗളൂരു : കേന്ദ്ര പൊതുമേഖല സ്ഥാപനമായ ഹിന്ദുസ്ഥാൻ എയറനോട്ടിക്കൽ ലിമിറ്റഡിൽ (എച്ച്.എ.എൽ) ഒരു മാസത്തിനിടെ 12 പേർക്ക് കോവിഡ് സ്ഥിരീകരിച്ചു. ഒരാൾ മരണപ്പെടുകയും ചെയ്തു.45 കാരനായ ജീവനക്കാരനാണ് മരിച്ചത്. മറ്റ് രോഗങ്ങൾക്ക് ചികിൽസ തേടിയ ഇദ്ദേഹം മരിച്ചതിന് ശേഷമാണ് കോവിഡ് സ്ഥിരീകരിച്ചത്. ലോക്ക് ഡൗണിനെ തുടർന്ന് മാർച്ച് 22 ന് അടച്ച എച്ച്.എ.എൽ നിർമ്മാണ യൂണിറ്റ് ഏപ്രിൽ 28 നാണ് വീണ്ടും തുറന്ന് പ്രവർത്തനമാരംഭിച്ചത്. ജൂൺ 1 മുതലാണ് ഇത്രയധികം പേർക്ക് രോഗം സ്ഥിരീകരിച്ചത് എന്ന് എച്ച്.എ.എൽ വക്താവ് അറിയിച്ചു.