Month: July 2020

ബെംഗളൂരു : പ്രതിദിനമുള്ള കോവിഡ് സ്രവവപരിശോധന ഇരട്ടിയാക്കാൻ ഒരുങ്ങി കർണാടക. നിലവിൽ 20,000-24,000 സ്രവ സാമ്പിളുകൾ ആണ് പരിശോധന നടത്തുന്നത് അടുത്ത 10 ദിവസത്തിനു ള്ളിൽ 50,000 ആയി ഉയർത്തുമെന്നു മെഡിക്കൽ വിദ്യാഭ്യാസ വകുപ്പ് മന്ത്രി ഡോ.കെ.സുധാകർ പറഞ്ഞു. വ്യാഴാഴ്ച 23,451 എണ്ണം, ഇന്നലെ 24,700 എണ്ണം എന്നിങ്ങനെയാണു സ്രവ സാമ്പിളുകൾ പരിശോധന നടത്തിയത്. സംസ്ഥാനത്ത് ഇതേവരെ 9.5 ലക്ഷം പേരെ പരിശോധിച്ചതായി മന്ത്രി അറിയിച്ചു. പരിശോധനകളുടെ എണ്ണം കൂടുന്നതിനനുസരിച്ച് രോഗബാധിതരുടെ എണ്ണവും കുടുന്നതായാണ് കഴിഞ്ഞ ആഴ്ചകളിലെ കണക്കുകളിൽ നിന്ന് മനസ്സിലാക്കാൻ കഴിയുന്നത്.

ബെംഗളൂരു: നഗരത്തിലെ പത്തോളം സ്വകാര്യ ആശുപത്രികൾ ചികിത്സ നൽകാൻ നിഷേധിച്ച ഒരുമാസം പ്രായമുള്ള കുഞ്ഞ് മരിച്ചു. ബസവേശ്വര നഗർ സ്വദേശികളുടെ കുഞ്ഞാണ് കഴിഞ്ഞദിവസം ആശുപത്രി തിരഞ്ഞുള്ള യാത്രയ്ക്കിടെ മരിച്ചത്. കോവിഡ് ഭീതിയെത്തുടർന്ന് സ്വകാര്യ ആശുപത്രികളൊന്നും കുട്ടിയെ പ്രവേശിപ്പിക്കാനോ ചികിത്സ നൽകാനോ തയ്യാറായില്ലെന്ന് രക്ഷിതാക്കൾ ആരോപിച്ചു. കുട്ടിക്ക് ശ്വാസതടസ്സം അനുഭവപ്പെട്ടതോടെ വീടിന് സമീപത്തുള്ള ഡോക്ടർ വീട്ടിലെത്തിയാണ് പരിശോധിച്ചത്. ശ്വാസകോശത്തിന് തകരാറുണ്ടെന്ന് കണ്ടെത്തിയതോടെ ആശുപത്രിയിലെത്തിക്കാൻ ഡോക്ടർ നിർദേശം നൽകുകയായിരുന്നു. തുടർന്ന് ശേഷാദ്രിപുരത്തെ സ്വകാര്യ ആശുപത്രിയിൽ കുട്ടിയെ എത്തിച്ചു. എന്നാൽ മറ്റ് ആശുപത്രികൾ തേടാനായിരുന്നു ഇവിടെ നിന്നുള്ള നിർദേശം.…

ബെംഗളൂരു: കോവിഡ് രോഗം സ്ഥിരീകരിച്ചിട്ടും ആംബുലൻസ് ലഭിക്കാത്തതിനെ തുടർന്ന് രോഗി കുടുംബത്തിനൊപ്പം 4 കിലോമീറ്റർ നടന്ന് സഹായ ആവശ്യവുവായി എത്തിയത് മുഖ്യമന്ത്രിയുടെ വസതിക്ക് മുൻപിൽ. വ്യാഴാഴ്ച ഉച്ചയോടെയാണ് ദാവണഗരെ സ്വദേശി ശങ്കർ ഭാര്യയെയും രണ്ടു മക്കളെയുംകൂട്ടി മുഖ്യമന്ത്രി ബി.എസ്. യെദ്യൂരപ്പയുടെ ഒദ്യോഗിക വസതിയായ ‘കൃഷ്ണ’ക്ക് മുന്നിൽ എത്തിയത്. ഗേറ്റിൽ സുരക്ഷാ ഉദ്യോഗസ്ഥർ കാര്യമന്വേഷിച്ചതോടെ താൻ കോവിഡ് ബാധിതനാണെന്നും ആശുപത്രിയിലെത്താനുള്ള സൗകര്യമൊരുക്കണമെന്നും ഇയാൾ അറിയിക്കുകയായിരുന്നു. ഇതോടെ സുരക്ഷാ ജീവനക്കാർ പരിഭ്രാന്തരായെങ്കിലും മിനിറ്റുകൾക്കുള്ളിൽ ആംബുലൻസ് വരുത്തിച്ച് ഇവരെ ആശുപത്രിയിലെത്തിച്ചു. നഗരത്തിലെ സ്വകാര്യ മെഡിക്കൽ കോളേജിലെ ഡ്രൈവറായ ശങ്കറിന്…

ബെംഗളൂരു: സംസ്ഥാനത്ത്‌ കോവിഡ് വ്യാപനം വർധിച്ചു വരുന്ന സാഹചര്യത്തിൽ സംസ്ഥാനത്തിന് കൈത്താങ്ങായി എച് എ എലും. 160 ബെഡുകളോട് കൂടിയ കോവിഡ് കെയർ സെന്റർ ഹിന്ദുസ്ഥാൻ എയ്‌റോനോട്ടിക്‌സ് ലിമിറ്റഡ് ബി ബി എം പിക്ക് കൈമാറി. എച് എ എല്ലിന്റെ ഓൾഡ് എയർപോർട്ട് റോഡിൽ ഉള്ള ക്യാമ്പസിലാണ് കോവിഡ് കെയർ സെന്റെർ തയ്യാറാക്കിയിരിക്കുന്നത്.  എച് എ എൽ ക്യാമ്പസ്സിലെ ഗട്ടേജ് കൺവെൻഷൻ സെന്ററിൽ ഒരുക്കിയ കോവിഡ് കെയറിൽ ശുചിമുറികളും ആവശ്യമായ മറ്റ് അനുബന്ധ മുറികളും  ഒരുക്കിയിട്ടുണ്ട്  16 ദിവസത്തിലാണ് പ്രസ്തുത കോവിഡ് കെയർ സെന്റർ…

ബെംഗളൂരു: തലസ്ഥാന നഗരിയായ ബെംഗളൂരുവിലടക്കം കർണാടകയുടെ വിവിധ പ്രദേശങ്ങളിൽ നിലവിൽ പ്രഖ്യാപിച്ചിട്ടുള്ള ലോക്ക് ഡൌൺ മുൻപ് അറിയിച്ച തീയതികളിൽ നിന്നും  നീട്ടുകയില്ലെന്ന് മുഖ്യമന്ത്രി ബി എസ് യെദിയൂരപ്പ അറിയിച്ചു.  മന്ത്രിമാരും എം പി മാരും മറ്റ് മുതിർന്ന സർക്കാർ ഉദ്യോഗസ്ഥരും പങ്കെടുത്ത യോഗത്തിലാണ് മുഖ്യമന്ത്രി ഇക്കാര്യം അറിയിച്ചത്. ലോക്ക് ഡൌൺ കോവിഡ് പ്രതിസന്ധിക് ഒരു പരിഹാരമല്ല എന്നും അതിനാൽ തന്നെ ലോക്ക് ഡൌൺ നീട്ടിവെക്കുകയില്ല എന്നും അദ്ദേഹം യോഗത്തിൽ അറിയിച്ചു. ഈ ആഴ്ചയുടെ തുടക്കത്തിലും മുഖ്യമന്ത്രി പ്രസ്തുത കാര്യം അറിയിച്ചിരുന്നു. സംസ്ഥാനത്തെ കോവിഡ് 19…