Day: 18 July 2020

ബെംഗളുരു : വളരെ വേഗത്തിലും കുറഞ്ഞ ചെലവിലും കോവിഡ് പരിശോധന സാധ്യമായ റാപിഡ്ആന്റിജൻ പരിശോധന ഔദ്യോഗികമായി ബിബിഎംപി തുടക്കം കുറിച്ചു. കണ്ടെയ്ൻമെന്റ് സോണുകളിലും ചേരികളിലും പനി, ശ്വാസംമുട്ടൽഎന്നിവ ഏറ്റവുമധികം റിപ്പോർട്ട് ചെയ്ത സ്ഥലങ്ങളിലുമാണ് പരിശോധന നടത്തുന്നതെന്നും മേയർ ഗൗതം കുമാർ പറഞ്ഞു. ലാബ് സൗകര്യമില്ലാതെ തന്നെ 30 മിനിറ്റിനകം പരിശോധനാഫലം ലഭിക്കുന്ന ഒരു ലക്ഷം ആന്റിജൻ കിറ്റുകൾ കഴിഞ്ഞയാഴ്ച സർക്കാർ ഏറ്റെടുത്തിരുന്നു. ഇതിൽ 50000 എണ്ണം ബെംഗളുരുവിനു നീക്കിവച്ചിട്ടുണ്ട്.കഴിഞ്ഞ ദിവസങ്ങളിലായി മൂവായിരത്തിലേറെ ആന്റിജൻ പരിശോധന നടത്തിയെങ്കിലും ഇന്നലെയാണ് മേയർ ഔദ്യോഗികമായി ഉദ്ഘാടനം ചെയ്തത്. കണ്ടെയിൻമെൻ്റ്…

ബെംഗളൂരു: ലോക്ക് ഡൌൺ നിലനിൽക്കുന്ന സാഹചര്യത്തിൽ നഗരത്തിലെ ഹോട്ടലുകളും ലഘു ഭക്ഷണ ശാലകളും തട്ട് കടകളുമെല്ലാം അടഞ്ഞു കിടക്കുന്നതിനാൽ നഗര വാസികൾ ഭക്ഷണത്തിനായി ഇപ്പോൾ ആശ്രയിക്കുന്ന ഇന്ദിര ക്യാന്റീന്റെ കച്ചവടത്തിൽ റെക്കോർഡ് വർദ്ധനവ്. 30 ശതമാനത്തിന്റെ അധിക കച്ചവടമാണ് ഇന്ദിര ക്യാന്റീനിൽ ഉണ്ടായിരിക്കുന്നത്.  “മുൻപ്  ഡൌൺ ഉണ്ടായപ്പോൾഴും ഞങ്ങൾ ഭക്ഷണം വിതരണം ചെയ്തിരുന്നു. അത് തന്നെ ഇപ്പോളും തുടരുന്നു” എന്ന് ബി ബി എം പി സ്പെഷ്യൽ കമ്മീഷണർ വെങ്കടേഷ് പറഞ്ഞു. പുറത്തു നിന്ന് സ്ഥിരമായി ഭക്ഷണം കഴിക്കുന്ന തൊഴിലാളികൾക്കും സാമ്പത്തികമായി വളരെ പിന്നോക്കം…

ബെംഗളൂരു : ബി.ബി.എം.പി കമ്മീഷണർ ബി.എച്ച്.അനിൽ കുമാറിനെ തൽ സ്ഥാനത്തു നിന്ന് നീക്കി. റവന്യൂ ഡിപ്പാർട്ട് മെൻ്റിലെ പ്രിൻസിപ്പൽ സെക്രട്ടറിയായ മഞ്ജുനാഥ് പ്രസാദിനെ തൽസ്ഥാനത്ത് നിയമിച്ചു. 2019 ആഗസ്റ്റിൽ മഞ്ജുനാഥ് പ്രസാദിനെ മാറ്റിയാണ് അനിൽകുമാറിന് ബി.ബി.എം.പി.കമ്മീഷണറായി നിയമിച്ചത്. പബ്ലിക്ക് എൻ്റർപ്രൈസസ് ഡിപ്പാർട്ട്മെൻ്റിലെ അഡിഷണൽ ചീഫ് സെക്രട്ടറിയായാണ് അനിൽ കുമാറിൻ്റെ പുതിയ നിയമനം. മഞ്ജുനാഥ് ഇപ്പോൾ നിലവിലുള്ള റവന്യൂ ഡിപ്പാർട്ട്മെൻ്റിലെ പദവിക്കൊപ്പം ആണ് ബി.ബി.എം.പി. കമ്മീഷണർ ആകുന്നത്. 1994 ബാച്ച് ഐ.എ.എസ് ഓഫീസറായ മഞ്ജുനാഥ് പ്രസാദ് 2016 ഏപ്രിൽ മുതൽ 2 വർഷത്തോളും ബി.ബി.എം.പി.കമ്മീഷണറായി സേവനമനുഷ്ഠിച്ചിട്ടുണ്ട്.

ബെംഗളൂരു : പ്രതിദിനമുള്ള കോവിഡ് സ്രവവപരിശോധന ഇരട്ടിയാക്കാൻ ഒരുങ്ങി കർണാടക. നിലവിൽ 20,000-24,000 സ്രവ സാമ്പിളുകൾ ആണ് പരിശോധന നടത്തുന്നത് അടുത്ത 10 ദിവസത്തിനു ള്ളിൽ 50,000 ആയി ഉയർത്തുമെന്നു മെഡിക്കൽ വിദ്യാഭ്യാസ വകുപ്പ് മന്ത്രി ഡോ.കെ.സുധാകർ പറഞ്ഞു. വ്യാഴാഴ്ച 23,451 എണ്ണം, ഇന്നലെ 24,700 എണ്ണം എന്നിങ്ങനെയാണു സ്രവ സാമ്പിളുകൾ പരിശോധന നടത്തിയത്. സംസ്ഥാനത്ത് ഇതേവരെ 9.5 ലക്ഷം പേരെ പരിശോധിച്ചതായി മന്ത്രി അറിയിച്ചു. പരിശോധനകളുടെ എണ്ണം കൂടുന്നതിനനുസരിച്ച് രോഗബാധിതരുടെ എണ്ണവും കുടുന്നതായാണ് കഴിഞ്ഞ ആഴ്ചകളിലെ കണക്കുകളിൽ നിന്ന് മനസ്സിലാക്കാൻ കഴിയുന്നത്.