Month: March 2020

ബെംഗളുരു : പീനിയയിൽ ജനവാസ മേഖലയിലൂടെ പുള്ളിപ്പുലി ചുറ്റിയടിക്കുന്നതിന്റെ സിസിടിവി ദൃശ്യങ്ങൾ പുറത്തു വന്നതോടെ പ്രദേശവാസികളുടെ ഭീതിയകറ്റാൻ നടപടിയുമായി വനംവകുപ്പ്. തിഗളറപാളയ മെയിൻ റോഡിലൂടെ പുള്ളിപ്പുലി നടന്നു പോകുന്ന ദ്യശ്യം കഴിഞ്ഞദിവസമാണ് സിസി ക്യാമറയിൽ പതിഞ്ഞത്. ഇതിനും ദിവസങ്ങൾക്കു മുൻപു പുലിയുടേതെന്നു കരുതുന്ന കാലടയാളം വനം വകുപ്പ് അധികൃതരുടെ ശ്രദ്ധയിൽപ്പെട്ടിരുന്നു. ഇതേ തുടർന്നു പുലിയുടെ സാന്നിധ്യമുണ്ടായ സ്ഥലങ്ങൾ കേന്ദ്രീകരിച്ച് സിസിടിവി സ്ഥാപിച്ച വനംവകുപ്പ്, ജനങ്ങളുടെ സുരക്ഷയ്ക്കായി രാത്രിയും രാവിലെയുമായി 7 സുരക്ഷാ ഉദ്യോഗസ്ഥരെ ഈ മേഖലയിൽ പട്രോളിങ്ങിന് നിയോഗിച്ചിട്ടുണ്ട്. പുലിയുടെ ചിത്രം വ്യക്തമായശേഷം തുടർനടപടികൾ…

  ബെംഗളുരു : യശ്വന്ത്പുരയിൽ നിന്നു കാർവാറിലേക്കു പുതിയ ട്രെയിൻ സർവീസ് ആരംഭിച്ചതോടെ, മലയാളികൾക്കു സന്തോഷ വാർത്തയായി ബെംഗളൂരു- മംഗളൂരു കണ്ണൂർ എക്സ്പ്രസ് നാളെ മുതൽ സ്വതന്ത്ര ട്രെയിനായി സർവീസ് നടത്തും. ഇതുവരെ ഈ ട്രെയിൻ മംഗളുരുവിലെത്തി ഒരു ഭാഗം കാർവാറിലേക്കും (16513-14, 16523-24) മറ്റൊരു ഭാഗം കണ്ണൂരിലേക്കും (16511-12, 16517-18) സർവീസ് നടത്തുകയായിരുന്നു പതിവ്. ഇതിൽ കാർവാറിലേക്കുള്ള ട്രെയിൻ പിൻവലിച്ച് ഇവിടേക്കു നാളെ മുതൽ പുതിയ യശ്വന്ത്പുര-കാർവാർ പ്രതിദിന എക്സ്പ്രസ് (16595-96) സർവ്വീസ് നടത്തും. ഇതോടെ ഈ ട്രെയിൻ ബെംഗളൂരുവിൽ നിന്ന് മംഗളൂരു…

ബെംഗളൂരു :സംസ്ഥാനത്ത് 10 വർഷത്തിനിടെ എച്ച്1എൻ1ബാധിച്ചു മരിച്ചവർ 532 പേർ. 2010 മുതൽ സംസ്ഥാനത്താകെ 14917 എച്ച്1എൻ1 കേസുകളാണ് റിപ്പോർട്ട് ചെയ്തത്. ഈ വർഷം ഇതുവരെ 256 എണ്ണവും. ഇതിൽ ബെംഗളൂരു റൂറൽ, ദാവനഗെരെ, തുമകൂരു ജില്ലകളിലായി ഓരോരുത്തർ മരിക്കുകയും ചെയ്തു.

ബെംഗളൂരു: അശ്ലീല ചിത്രങ്ങൾ എടുത്ത് ഭീഷണിപ്പെടുത്തിയെന്ന യുവതിയുടെ പരാതിയിൽ സിനിമ വിതരണത്തിനെത്തിക്കുന്ന യുവാവിനെ പോലീസ് അറസ്റ്റുചെയ്തു. കന്നഡ സിനിമകൾ ഓസ്‌ട്രേലിയയിൽ വിതരണത്തിനെത്തിക്കുന്ന രൂപേഷാണ് (39) അറസ്റ്റിലായത്. ഓസ്‌ട്രേലിയയിൽ താമസിക്കുന്ന ബെംഗളൂരു സ്വദേശിയായ യുവതിയാണ് പരാതിനൽകിയത് . യുവതിയുമായി സൗഹൃദത്തിലായ രൂപേഷ് റെസ്റ്റോറന്റിൽ കൊണ്ടുപോയി പാനീയത്തിൽ മയക്കുമരുന്ന് നൽകുകയും തുടർന്ന് ചിത്രങ്ങൾ പകർത്തുകയുമായിരുന്നെന്ന് പോലീസ് പറഞ്ഞു. ചിത്രങ്ങൾ കാണിച്ച് ഭീഷണിപ്പെടുത്തി പണം ആവശ്യപ്പെട്ടെന്നും അഞ്ചുലക്ഷം രൂപ നൽകിയതായും യുവതിയുടെ പരാതിയിൽപറയുന്നു. പണം തന്നില്ലെങ്കിൽ ചിത്രം സാമൂഹികമാധ്യമങ്ങൾവഴി പ്രചരിപ്പിക്കുമെന്ന് വീണ്ടും ഭീഷണിപ്പെടുത്തിയതിനെത്തുടർന്ന് പോലീസിൽ പരാതിനൽകുകയായിരുന്നു.