Day: 4 January 2020

  ബെംഗളൂരു: നഗരത്തിൽ യാത്ര ചെയ്യുമ്പോൾ പ്രാഥമിക കൃത്യങ്ങൾ നിർവഹിക്കാൻ ശുചിമുറികൾ അന്വേഷിച്ചു ടെൻഷനടിക്കേണ്ട. ജനങ്ങൾക്ക് പ്രാഥമിക കൃത്യങ്ങൾ നിർവഹിക്കാൻ നഗരത്തിൽ 420 സ്ഥലങ്ങളിൽ ബിബിഎംപി ശുചിമുറികൾ സ്ഥാപിച്ചുകഴിഞ്ഞു. ഗൂഗിൾ മാപ്പിലെ സഹായത്തോടെ നഗരവാസികൾക്ക് തൊട്ടടുത്ത ശുചിമുറി കണ്ടെത്താനാകുമെന്ന് ബിബിഎംപി സ്പെഷ്യൽ കമ്മീഷണർ അറിയിച്ചു. ഇതിനു പുറമേ നഗരത്തിലെ മെട്രോ സ്റ്റേഷനുകളും ബി എം ടി സി ഡിപ്പോകൾ കേന്ദ്രീകരിച്ചും ശുചിമുറികൾ പ്രവർത്തിക്കുന്നുണ്ട്.

  ബെംഗളൂരു : ദീപാഞ്ജലി നഗർ മെട്രോ സ്റ്റേഷനെയും സാറ്റലൈറ്റ് ബസ് ടെർമിനലിനെയും ബന്ധിപ്പിക്കുന്ന റോഡിൽ രാത്രിയാത്ര ഭീതിജനകം. കവർച്ചക്കാരുടെ വിളയാട്ടം വ്യാപകമായിരിക്കുകയാണ്. മൈസൂരു റോഡ് സാറ്റലൈറ്റ് ബസ് ടെർമിനലിലേക്ക് എളുപ്പത്തിൽ എത്താവുന്ന ഈറോഡ് കേന്ദ്രീകരിച്ച് സമീപകാലത്ത് കവർച്ച വ്യാപകമായിട്ടുണ്ട്. കവർച്ചയ്ക്ക് ഇരയാകുന്നവർ പരാതി നൽകാൻ മടിക്കുന്നത് ഇത്തരം സംഘങ്ങൾക്ക് തുണയാകുന്നു. മെട്രോ സ്റ്റേഷനിൽ നിന്ന് ഒന്നര കിലോമീറ്റർ ദൂരത്തിലുള്ള സാറ്റലൈറ്റ് സ്റ്റാൻഡിലേക്ക് രാത്രിസമയങ്ങളിൽ ഓട്ടോറിക്ഷക്കാർ 100 രൂപ മുതൽ 150 രൂപ വരെയാണ് ഈടാക്കുന്നത്. മെട്രോ സ്റ്റേഷനിൽ താഴെ വൺവേ റോഡായതിനാൽ മൈസൂരു…

  ബെംഗളൂരു: പരപ്പന അഗ്രഹാര ജയിലിനു സമീപമുളള കാനറ ബാങ്ക് എടിഎം മെഷീൻ തകർത്ത് 23.5 ലക്ഷം കവർന്നു. സുരക്ഷാജീവനക്കാരില്ലാതിരുന്ന എടിഎമ്മിൽ പിറ്റേദിവസം പണം നിറയ്ക്കാൻ ബാങ്ക് അധികൃതരെത്തിയപ്പോഴാണ് പണം നിക്ഷേപിക്കുന്ന മെഷീൻ തകർന്നതായി കണ്ടെത്തിയത്. എടിഎമ്മിനുള്ളിൽ സിസിടിവി ക്യാമറയും അലാറം സംവിധാനവും ഇല്ലായിരുന്നുവെന്ന് പരപ്പന അഗ്രഹാര  പൊലീസ് പറഞ്ഞു. ഇക്കാര്യം അധികൃതരെ അറിയിച്ചിരുന്നെങ്കിലും അവർ പ്രതികരിച്ചിരുന്നില്ലെന്നും പൊലീസ് വ്യക്തമാക്കി. എടിഎമ്മിനു സമീപത്തുള്ള സിസിടിവി ദൃശ്യങ്ങൾ പരിശോധിച്ച് പ്രതികളെ പിടികൂടാനുള്ള തയ്യാറെടുപ്പിലാണ് പൊലീസ്.

  ബെംഗളൂരു : പൊതുസ്ഥലത്ത് മൂത്രമൊഴിക്കുന്നവർക്ക് മഹാനഗരസഭ ബിബിഎംപി പിഴചുമത്തി തുടങ്ങി. റോഡരികിലും മറ്റും ആയി മൂത്രമൊഴിക്കുന്നവരെ പിടികൂടി കൈയോടെ പിഴ ചുമത്തുന്നതിന് മാർഷലുകൾ ശക്തമായി രംഗത്തുണ്ട്. കേന്ദ്ര ധനമന്ത്രാലയം ബെംഗളൂരുവിനെ സമ്പൂർണ്ണ ശുചിമുറി നഗരമായി കഴിഞ്ഞമാസം പ്രഖ്യാപിച്ചിരുന്നു. എന്നാൽ പൊതുസ്ഥലത്തെ മലമൂത്ര വിസർജനം ഇതിൽ ഉൾപ്പെടുന്നില്ല. അതിനാലാണ് പൊതു സ്ഥലത്ത് തുപ്പുന്നവരേയും മൂത്രമൊഴിക്കുകയും ചെയ്യുന്നവരെെയും പിടികൂടാൻ. പരിശോധന ശക്തമാക്കിയത്