Month: December 2019

ബെംഗളൂരു: നഗരത്തിൽ ജോലി കണ്ടെത്താനായി വെബ്‌സൈറ്റിൽ പേര് രജിസ്റ്റർചെയ്ത യുവാവിന് നഷ്ടമായത് 1.82 ലക്ഷം രൂപ. കാടുഗൊഡി സ്വദേശി സന്തോഷ് ആചാര്യ (31)യാണ് തട്ടിപ്പിനിരയായത്. ഡിസംബർ ആദ്യ ആഴ്ചയാണ് ബിരുദധാരിയായ സന്തോഷ് ആചാര്യ വെബ്‌സൈറ്റിൽ ജോലിക്കുവേണ്ടിയുള്ള അപേക്ഷയും സർട്ടിഫിക്കറ്റുകളും അപ്‌ലോഡ് ചെയ്തത്. ദിവസങ്ങൾക്കുശേഷം വെബ്‌സൈറ്റിന്റെ എക്സിക്യുട്ടീവ് വിളിച്ച് പണമടച്ച് രജിസ്റ്റർ ചെയ്യാൻ ആവശ്യപ്പെടുകയായിരുന്നു. പ്രിയങ്ക മൽഹോത്ര എന്നാണ് അവർ പരിചയപ്പെടുത്തിയത്. യോഗ്യതയ്ക്കനുസരിച്ചുള്ള ജോലിയുണ്ടെന്നും പണമടച്ചാൽ അഭിമുഖത്തിനുള്ള അവസരമൊരുക്കിത്തരാമെന്നും അവർ പറഞ്ഞു. രജിസ്‌ട്രേഷൻ ഫീസായി 100 രൂപയാണ് ആവശ്യപ്പെട്ടത്. ഈ തുക അതേ വെബ്സൈറ്റിൽ ഒൺലൈനായി അടയ്ക്കാൻ സന്തോഷ്…

ബെംഗളൂരു: നഗരത്തിൽ നിന്ന് തൃശ്ശൂരിലേക്ക് വോൾവോ സ്ലീപ്പർ ബസുമായി കർണാടക ആർ.ടി.സി. ഈ മാസം 26 മുതലാണ് പുതിയ അംബാരി ഡ്രീം ക്ലാസ് വോൾവോ സ്ലീപ്പർ ബസ് സർവീസ് ആരംഭിക്കുന്നത്. നഗരത്തിൽ നിന്ന് രാത്രി 8.14-ന് പുറപ്പെടും. തൃശ്ശൂരിൽനിന്ന് ബെംഗളൂരുവിലേക്കുള്ള സർവീസും രാത്രി 8.14-ന് തന്നെയാണ്. 1,310 രൂപയാണ് ടിക്കറ്റ് നിരക്ക്. യാത്രക്കാർക്ക് കർണാടക ആർ.ടി.സി.യുടെ റിസർവേഷൻ കൗണ്ടർ വഴിയും ഓൺലൈനായും ടിക്കറ്റ് ബുക്ക് ചെയ്യാം. നിലവിൽ ബെംഗളൂരുവിൽനിന്ന് എറണാകുളത്തേക്ക് അംബാരി ഡ്രീം ക്ലാസ് സർവീസ് നടത്തുന്നുണ്ട്. ഈ സർവീസിന് യാത്രക്കാരിൽനിന്ന് മികച്ച പ്രതികരണം ലഭിക്കുന്നതിനാലാണ്…

ബെംഗളൂരു: കെംപെഗൗഡ വിമാനത്താവളത്തിൽ മയക്കുമരുന്നു വേട്ടയ്ക്കായി ഇനി ഡോഗ് സ്ക്വാഡ്. രണ്ട് സ്ക്വാഡുകൾ വിമാനത്താവളത്തിൽ പരിശോധനയ്ക്കുണ്ടാകും. കാർഗോ വിഭാഗത്തിൽ സ്ഥിരമായി പരിശോധനനടത്തും. മയക്കുമരുന്ന് എത്താൻ കൂടുതൽ സാധ്യതയുള്ള പശ്ചിമേഷ്യ, ആഫ്രിക്കൻ രാജ്യങ്ങൾ എന്നിവിടങ്ങളിൽനിന്നുള്ള യാത്രക്കാരുടെ ലഗേജുകളും പരിശോധിക്കും. ബെംഗളൂരു നോർത്ത് ഈസ്റ്റ് പോലീസ് ഡിവിഷനിലെ ഡോഗ് സ്ക്വാഡിനെയാണ് വിമാനത്താവളത്തിൽ വിന്യസിച്ചിരിക്കുന്നത്. പ്രധാനമായും ചരക്കുവിഭാഗത്തിലെ പരിശോധനയ്ക്കാണ് ഇവയുടെ സേവനം ഉപയോഗിക്കുന്നത്. നിലവിൽ വിമാനത്താവളത്തിൽ മയക്കുമരുന്നു പരിശോധനയ്ക്കായി ഡോഗ് സ്ക്വാഡില്ലാത്തതിനാലാണ് ബെംഗളൂരു നോർത്ത് ഈസ്റ്റ് ഡിവിഷൻ പോലീസിന്റെ ശ്വാനസേനയെ വിമാനത്താവളത്തിലേക്ക് നിയോഗിച്ചതെന്ന് ഡി.സി.പി.എസ്. ഭീമശങ്കർ പറഞ്ഞു. 2017-ൽ…

ബെംഗളൂരു: പൗരത്വനിയമ ഭേദഗതി, ദേശീയപൗരത്വ പട്ടിക എന്നിവയ്ക്കെതിരേ ബെംഗളൂരു,  മൈസൂരു, മംഗളൂരു, ശിവമോഗ ജില്ലകളിൽ വിദ്യാർത്ഥികളുടെ വൻ പ്രതിഷേധം. ബെംഗളൂരു ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസസ്, ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മന്റ് വിദ്യാർത്ഥികളും പ്രതിഷേധവുമായി എത്തി. വിവിധ സംഘടനകളും രാഷ്ട്രീയപ്പാർട്ടികളും പ്രതിഷേധം നടത്തുന്നതിനിടെയാണ് ഉന്നത വിദ്യാഭ്യാസ രംഗത്തുള്ളവരും പ്രതിഷേധവുമായി എത്തിയത്. ഡൽഹിയിൽ വിദ്യാർഥികൾ നടത്തുന്ന പ്രതിഷേധത്തിന് പിന്തുണ അറിയിച്ച് ബെംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് വിദ്യാർഥികളും രംഗത്തെത്തിയിട്ടുണ്ട്. പ്ലക്കാർഡുകൾ കൈയിലേന്തിയാണ് മലയാളികളുൾപ്പെടെയുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് വിദ്യാർഥികൾ പ്രതിഷേധിച്ചത്. ‘ഞങ്ങൾ ഇന്ത്യക്കാരല്ലെന്ന്…