Month: June 2019

ബെംഗളൂരു :നിക്ഷേപക തട്ടിപ്പ് നടത്തിയെന്ന പരാതിയിൽ കാർവി പ്രൈവറ്റ് വെൽത്ത് കമ്പനിക്കെതിരെ പോലീസ് കേസെടുത്തു. 18-20% ലാഭവിഹിതം വാഗ്ദാനം ചെയ്ത് കമ്പനി 3.81 കോടി രൂപ തട്ടിയെടുത്തു എന്നാരോപിച്ച് 9 പേർ നൽകിയ പരാതിയിലാണ് സിഇഒക്കും ഡയറക്ടർമാർക്കും എതിരെ ബസവനഗുഡി പോലീസ് കേസെടുത്തത്. 2015ൽ കമ്പനിയിൽ നിക്ഷേപം നടത്തിയെന്നും 2017 മുതൽ റിട്ടേൺ ലഭിക്കുന്നില്ലെന്നും പരാതിയിൽ പറയുന്നു. എന്നാൽ തട്ടിപ്പിൽ പങ്കില്ലെന്നും, പരാതിക്കാരൻ ചില റിയൽ എസ്‌റ്റേറ്റ് കമ്പനികളിലാണ് നിക്ഷേപം നടത്തിയത് എന്നും കാർവി അതിൽ ഇടനിലക്കാരൻ മാത്രമാണെന്നുമാണ് അവരുടെ വിശദീകരണം.

ബെംഗളൂരു: മോദിയുടെ ആശയങ്ങളെ വിമര്‍ശിക്കുന്നതിന്‍റെ പേരില്‍ തനിക്കുണ്ടായ ഒരു ദുരനുഭവം പങ്കുവച്ച് ചലച്ചിത്ര താരം പ്രകാശ് രാജ്. കാശ്മീരിലെ ഗുല്‍മാര്‍ഗിലെ ഹോട്ടലില്‍ താമസിക്കുന്നതിനിടെ പുറത്തേക്ക് ഇറങ്ങിയപ്പോഴായിരുന്നു സംഭവം. ഒരു സ്ത്രീയും കുട്ടിയും സെല്‍ഫിയെടുക്കാന്‍ തന്നെ സമീപിച്ചതായും ഫോട്ടോ എടുത്ത ശേഷമുള്ള അവരുടെ ഭര്‍ത്താവിന്‍റെ പ്രതികരണവുമാണ് പ്രകാശ്‌ രാജ് വിശദീകരിച്ചിരിക്കുന്നത്. തനിക്കൊപ്പം എടുത്ത ഫോട്ടോ ഫോണില്‍ നിന്നും നീക്ക൦ ചെയ്യണമെന്ന് ആവശ്യപ്പെട്ട് ഭര്‍ത്താവ് യുവതിയെ ശകാരിക്കുകയായിരുന്നു. ചുറ്റുമുണ്ടായിരുന്ന വിനോദസഞ്ചാരികള്‍ എല്ലാം ഇത് കണ്ടുവെന്നും ശകാരത്തെ തുടര്‍ന്ന് സ്ത്രീ കരഞ്ഞതായും കുറിപ്പില്‍ പറയുന്നു. തന്‍റെ ഔദ്യോഗിക ട്വിറ്ററിലൂടെ പങ്കുവച്ച കുറിപ്പിലാണ്…

ബെംഗളൂരു: വാട്സാപ്പിലെ പച്ചക്കൊടി പാകിസ്താന്റേതെന്നു തെറ്റിദ്ധരിച്ച് ദാവണഗരെ സ്വദേശിയെ സുഹൃത്തുക്കൾ വെട്ടിക്കൊന്നു. ദാവണഗരെ സ്വദേശിയും ശിവമോഗ ഹൊന്നല്ലിയിലെ വർക്ക്‌ഷോപ്പ് ജീവനക്കാരനുമായ ദയനാഥ് ഖാൻ (20) ആണ് കൊല്ലപ്പെട്ടത്. ശിവമോഗ ജില്ലയിൽ ഹൊന്നല്ലിയിലാണു സംഭവം. സുഹൃത്തുക്കളായ ഹേമന്ദ്, ലോഹിത്, സഞ്ജു എന്നിവർക്കെതിരേ പോലീസ് കേസെടുത്തു. ദയനാഥ് ഖാൻ ഈദുൽഫിത്തറിനോടനുബന്ധിച്ച് പച്ചക്കൊടിയും ആശംസാവാചകവും വാട്സാപ്പ് ഡി.പി.യാക്കിയിരുന്നു. ഇതേച്ചൊല്ലി ചില സുഹൃത്തുക്കൾ ദയനാഥ് ഖാനെ ചോദ്യംചെയ്തു. പച്ചക്കൊടി പാകിസ്താന്റേതാണെന്നായിരുന്നു ഇവരുടെ വാദം. ക്രൂരമായി മർദനമേറ്റ യുവാവ് പിന്നീട് ആശുപത്രിയിൽ ചികിത്സതേടി. ശനിയാഴ്ച ഇതേസംഘം വീണ്ടുമെത്തി പ്രദേശത്തെ ബൾബ് ഫാക്ടറിക്ക് സമീപത്തുവെച്ച്…