Day: 16 April 2019

ബെംഗളൂരു :കെമ്പെഗൌഡ വിമാനത്താവളത്തിലൂടെ യാത്ര ചെയ്യുന്നവരുടെ ചെലവ് ഇനി കൂടും. വിമാനത്താവളം പിരിച്ചെടുക്കുന്ന യൂസർ ഡെവലപ്പ് മെൻറ് ഫീ 120 % വർദ്ധിപ്പിക്കുകയായിരുന്നു. ആഭ്യന്തര യാത്രക്കാരൻ ഒരു ടിക്കറ്റിന്റെ മേൽ 139 രൂപ കൊടുത്തിരുന്നത് 306 രൂപയാക്കി ഉയർത്തി. അന്തർദേശീയ യാത്രക്കാർ ഇതു വെ കൊടുത്തിരുന്ന യൂസർ ഡെവലപ്പ് മെൻറ് ഫീ ഒരു ടിക്കറ്റിന് മുകളിൽ 558 രൂപയായിരുന്നു അതിപ്പോൾ 1226 രൂപയാക്കി വർദ്ധിപ്പിച്ചു. ഏപ്രിൽ 16 മുതൽ ആഗസ്റ്റ് 15 വരെ ടിക്കറ്റ് ബുക്ക് ചെയ്യുന്നവരിൽ നിന്ന് ഈ അധിക നിരക്ക് ഈടാക്കും.…

തിരുവനന്തപുരം : തിരുവനന്തപുരത്ത് കാട്ടാക്കടയിൽ ഇന്നലെ ഇടതുമുന്നണിയുടെ പ്രചരണയോഗത്തിൽ മുഖ്യമന്ത്രി പ്രസംഗിക്കുന്നതിനിടെയാണ് ക്ഷേത്രത്തിൽ നിന്ന് ഉച്ചഭാഷിണിയിലൂടെ നാമജപം തുടങ്ങിയത്. സംഭവമെന്താണെന്ന്  അന്വേഷിച്ചശേഷം മുഖ്യമന്ത്രി പ്രസംഗം തുടർന്നു. ഇതോടെ വേദിയിലുണ്ടായിരുന്ന ഐ ബി സതീഷ് എംഎല്‍എ അടക്കമുള്ള നേതാക്കള്‍  ക്ഷേത്രത്തിലെത്തി ക്ഷേത്ര ഭാരവാഹികളോട് യോഗ സ്ഥലത്തിനടുത്തുള്ള ഉച്ചഭാഷിണി നിർത്തണം എന്നാവശ്യപ്പെട്ടു. ഇതിനിടെ ചില പ്രവര്‍ത്തകരെത്തി ഉച്ചഭാഷിണിയിലേക്കുള്ള വൈദ്യുതബന്ധം വിഛേദിക്കുകയായിരുന്നു . ക്ഷേത്രാചാരങ്ങളുടെ ഭാഗമായുള്ള തോറ്റം പാട്ടിനു പകരം റെക്കോർഡ് ചെയ്ത അയ്യപ്പ നാമജപം കേൾപ്പിച്ചതും,യോഗസ്ഥലത്തിനടുത്ത് ഉച്ചഭാഷണി വച്ചതും മനപ്പൂവ്വമാണെന്നാണ് സിപിഎമ്മിന്‍റെ ആരോപണം. മുഖ്യമന്ത്രിയുടെ പരിപാടി തീരും വരെ…

ബെംഗളൂരു: നഗരം ഉള്‍പ്പെടുന്ന 14 മണ്ഡലങ്ങളിലെ പരസ്യ പ്രചാരണം ഇന്നവസാനിക്കും.ഇന്ന് വൈകുന്നേരം ആറു മണിമുതല്‍ തെരഞ്ഞെടുപ്പു നടക്കുന്ന 18 വൈകുന്നേരം വരെ നഗരത്തില്‍ സമ്പൂര്‍ണ മദ്യ നിരോധനം നിലവില്‍ വരും. 13 സംസ്ഥാനങ്ങളിലെ 97 മണ്ഡലങ്ങളിലാണ് പ്രചരണം ഇന്ന് വൈകിട്ട് കൊട്ടിക്കലാശിക്കുക. വ്യാഴാഴ്ച 97 മണ്ഡലങ്ങളും രണ്ടാം ഘട്ടത്തിൽ ബൂത്തിലെത്തും. ദക്ഷിണേന്ത്യയിലാണ് രണ്ടാം ഘട്ടത്തിൽ വോട്ടെടുപ്പ് നടക്കുന്ന മണ്ഡലങ്ങളിൽ ഭൂരിപക്ഷവും. തമിഴ്നാട്ടിലെ 39 ഉം കർണ്ണാടകയിലെ 14 ഉം പുതുച്ചേരിയിലെ ഒരു മണ്ഡലത്തിലും ആണ് ഇന്ന് പരസ്യ പ്രചരണം അവസാനിയ്ക്കുക. ഉത്തർ പ്രദേശിലെ ബുലന്ദ്ഷഹർ, അലിഗർ,…

ബെംഗളൂരു : മനുഷ്യന്റെ അതിക്രമങ്ങൾ അധികമായി സ്വൈരവിഹാരം നടത്തുന്ന വന്യജീവികൾക്കും സിസിടിവിയുടെ സുരക്ഷ അത്യാവശ്യമായി തീർന്നിരിക്കുന്നു. വന്യമൃഗങ്ങളെ ഉപദ്രവിക്കുന്നതും ഭക്ഷണം നൽകുന്നതും തടയുവാനായി ബന്ദിപ്പൂർ വനമേഖലയിൽ സിസിടിവി ക്യാമറകൾ സ്ഥാപിച്ചു. ഗുണ്ടൽപേട്ടിലെ മേലു കമ്മനഹള്ളി മുതൽ മുതുമല കടുവ സങ്കേതം വരെയുള്ള റോഡിലാണ് ക്യാമറകൾ സ്ഥാപിച്ചത്. വന്യമൃഗങ്ങൾക്ക് ഭക്ഷണം നൽകരുത് എന്നെഴുതി സ്ഥാപിച്ച ബോർഡ് വെറും നോക്കുകുത്തി ആയതോടെയാണ് ഇങ്ങനെ ഒരുദ്യമം.