Month: March 2019

ബെംഗളൂരു: ലോക്‌സഭാ തിരഞ്ഞെടുപ്പ് അടുത്തതോടെ സംസ്ഥാനത്ത് കൂറുമാറ്റത്തിന്റെ കാലമായി. ബി.ജെ.പി. നേതാവ് ബി. ശ്രീരാമുലുവിന്റെ അടുത്ത അനുയായിയായിരുന്ന തിപ്പസ്വാമി കോൺഗ്രസിൽ ചേർന്നതോടെയാണ് നേതാക്കളുടെ കളംമാറ്റത്തിന് തുടക്കമായത്. വരും ദിവസങ്ങളിൽ കൂടുതൽ പേർ കളംമാറുമെന്നാണ് പാർട്ടി നേതൃത്വങ്ങളിൽനിന്ന് ലഭിക്കുന്ന വിവരം. കഴിഞ്ഞ നിയമസഭാ തിരഞ്ഞെടുപ്പിൽ സീറ്റ് നിഷേധിച്ചതിനെത്തുടർന്ന് തിപ്പസ്വാമി സ്വതന്ത്ര സ്ഥാനാർഥിയായി മത്സരിച്ചിരുന്നു. തുടർന്നാണ് കോൺഗ്രസിലേക്ക് ചേക്കേറിയത്. 2013-ൽ ശ്രീരാമുലുവിന്റെ ബി.എസ്.ആർ. കോൺഗ്രസ് സ്ഥാനാർഥിയായി മൊളകുൽമുരുവിൽനിന്ന് വിജയിച്ച തിപ്പസ്വാമി മേഖലയിലെ പിന്നാക്ക നേതാവാണ്. ബല്ലാരി, ചിത്രദുർഗ ജില്ലകളിലായി ബി.ജെ.പി.യിൽ നിന്ന് കൂടുതൽപേർ പാർട്ടിയിൽ ചേരുമെന്ന് കോൺഗ്രസ്…

ബെംഗളൂരു: മാണ്ഡ്യ ലോക്‌സഭാ സീറ്റിനെച്ചൊല്ലി കോൺഗ്രസും ജനതാദൾ- എസും തർക്കം തുടരുന്നതിനിടെ സുമലത മാണ്ഡ്യയിൽ പ്രചാരണം തുടങ്ങി. പ്രാദേശിക കോൺഗ്രസ് നേതാക്കളുടെ പിന്തുണയോടെ ക്ഷേത്രങ്ങളും മഠങ്ങളും സന്ദർശിച്ചും ആരാധകരുമായി കൂടിക്കാഴ്ച നടത്തിയുമാണ് അവർ ജനങ്ങളുടെ പിന്തുണ തേടുന്നത്. സുമലതയുടെ ഭർത്താവും അന്തരിച്ച കോൺഗ്രസ് നേതാവുമായ അംബരീഷ് മൂന്ന് തവണയാണ് മാണ്ഡ്യയിൽനിന്ന്‌ വിജയിച്ചത്. അദ്ദേഹത്തിന്റെ തട്ടകത്തിൽ ഇക്കുറി മത്സരിക്കുമെന്ന ഉറച്ച നിലപാടിലാണ് സുമലത. കന്നഡ സിനിമാലോകവും പിന്തുണ അറിയിച്ചിട്ടുണ്ട്. മുൻ മുഖ്യമന്ത്രി സിദ്ധരാമയ്യയെ കണ്ട് മാണ്ഡ്യയിൽ മത്സരിക്കണമെന്ന ആഗ്രഹവും അവർ പ്രകടിപ്പിച്ചതാണ്. എന്നാൽ തങ്ങളുടെ സിറ്റിങ്…

ബെംഗളൂരു: പാക്കിസ്ഥാൻ പ്രദനമന്ത്രി ഇമ്രാൻ ഖാനെ പുകഴ്ത്തിയും ഇന്ത്യയുടെ കേന്ദ്ര ഭരണത്തെ വിമർശിച്ച് ഫേസ്ബുക്കില്‍ പോസ്റ്റിട്ടതിന് കോളേജ് പ്രൊഫസറെ മുട്ടില്‍ നിറുത്തിച്ചു ശേഷം കെെകൂപ്പി പറയിപ്പിച്ചു “മാപ്പ്”. വിജയപുരയിലെ എഞ്ചിനീയറിങ്ങ് കോളേജിലെ പ്രൊഫസറെയാണ് മാപ്പ് പറയിപ്പിച്ചത്. നൂറോളം പ്രതിഷേധക്കാര്‍ ചുറ്റും കൂടിനിന്ന് ബലംപ്രയോ​ഗിച്ചാണ് പ്രൊഫസറെകൊണ്ട് മാപ്പ് പറയിച്ചത്. സംഭവത്തിന്റെ വീഡിയോ സാമൂഹ്യമാധ്യമങ്ങളില്‍ വ്യാപകമായി പ്രചരിക്കുകയാണ്. പ്രൊഫസര്‍ക്കെതിരെ മുദ്രവാക്യങ്ങള്‍ വിളിക്കുന്നതും ദൃശ്യങ്ങളില്‍ ഉണ്ട്. കോളേജില്‍നിന്ന് പ്രൊഫസറെ സസ്പെന്‍ഡ് ചെയ്യണമെന്നും പ്രതിഷേധക്കാര്‍ ആവശ്യപ്പെട്ടു. ചൊവ്വാഴ്ച കോളേജ് തുറക്കുന്നതോടെ പ്രതിഷേധക്കാരുടെ ആവശ്യം പരി​ഗണിക്കുമെന്ന് കോളേജ് പ്രിന്‍സിപ്പാള്‍ പറഞ്ഞു. അതേസമയം,…

ഉഡുപ്പി: സമൂഹമാധ്യമങ്ങളില്‍ പോസ്റ്റ്‌ ചെയ്ത വീഡിയോയില്‍ പാക്കിസ്ഥാന്‍ അനുകൂല മുദ്രാവാക്യം മുഴക്കി ഹിന്ദു പെണ്‍കുട്ടികളെ ബലാത്സംഗം ചെയ്യുമെന്ന് ഭീഷണി മുഴക്കിയ യുവാവിനെ പോലീസ് അറസ്റ്റ്‌ ചെയ്തു. വീട്ടില്‍ നിന്നുമാണ് പ്രതിയെ പോലീസ് അറസ്റ്റ് ചെയ്തത്. വീഡിയോ ചിത്രീകരിക്കാന്‍ ഉപയോഗിച്ച മൊബൈല്‍ ഫോണ്‍, മുഖം മറയ്ക്കാന്‍ ഉപയോഗിച്ച ടവല്‍ എന്നിവയും പോലീസ് പിടിച്ചെടുത്തിട്ടുണ്ട്. ഉഡുപ്പി മാല്‍പേയ്ക്ക് സമീപം തോട്ടം സ്വദേശിയായ ശ്രീജന്‍ കുമാര്‍ പൂജാരി (18) യാണ്‌ അറസ്റ്റിലായത്. ഉഡുപ്പി മാല്‍പേ ബീച്ചില്‍ ബോംബ്‌ വയ്ക്കുമെന്നും ഒന്നരമിനിറ്റോളം ദൈര്‍ഘ്യമുള്ള വീഡിയോയില്‍ ഇയാള്‍ ഭീഷണി മുഴക്കിയിരുന്നു. വീഡിയോ…

ബെംഗളൂരു: സംസ്ഥാനത്ത് എൻജിനീയറിങ് കോഴ്‌സുകളുടെ ഫീസ് പത്ത് ശതമാനം വർധിപ്പിച്ചു. സ്വകാര്യ എൻജിനീയറിങ് കോളേജുകളുടെ ആവശ്യം കണക്കിലെടുത്താണ് ഫീസ് വർധിപ്പിച്ചത്. ഫീസ് വർധന നിലവിൽ വരുന്നതോടെ സ്വകാര്യ കോളേജുകളിലെ സർക്കാർ ക്വാട്ടയിലെ ഫീസ് 53460 രൂപയിൽ നിന്ന് 58800 രൂപയായി വർധിക്കും. മനേജ്‌മെന്റ് ക്വാട്ടയിലെ ഫീസ് 183600-ൽ നിന്ന് 201960 രൂപയായി വർധിക്കും. അടുത്ത അധ്യയനവർഷം മുതൽ പുതിയ ഫീസ് നിലവിൽ വരുമെന്ന് ഉന്നത വിദ്യാഭ്യാസ മന്ത്രി ജി.ടി. ദേവഗൗഡ പറഞ്ഞു. എൻജിനീയറിങ് കോഴ്‌സുകളുടെ ഫീസിൽ 25 ശതമാനം വർധനയാണ് കോളേജ് മാനേജ്‌മെന്റുകൾ ആവശ്യപ്പെട്ടത്.…