Day: 24 March 2019

ബെംഗളൂരു: ഇപ്പോൾ കോൺഗ്രസിന്റെ കൈവശമുള്ള ബെംഗളൂരു റൂറലിൽ മണ്ഡലം കോൺഗ്രസിൽനിന്ന് പിടിച്ചെടുക്കാൻ ശക്തമായ സ്ഥാനാർഥിയെയാണ് ബി.ജെ.പി. നോക്കുന്നത്. ബി.ജെ.പി. മുൻമന്ത്രിയും നടനുമായ സി.പി. യോഗേശ്വരയുടെ മകൾ നിഷ യോഗേശ്വറിനെ മത്സരിപ്പിക്കാനാണ് നീക്കം. സിനിമയിലും ഫാഷൻരംഗത്തും പ്രവർത്തിക്കുന്ന ഇരുപത്തിയൊമ്പതുകാരിയായ നിഷയെ സ്ഥാനാർഥിയാക്കിയാൽ ഗുണം ചെയ്യുമെന്നാണ് നേതൃത്വത്തിന്റെ പ്രതീക്ഷ. സി.പി. യോഗേശ്വറുടെ പേര് ആദ്യം ഉയർന്നിരുന്നെങ്കിലും മത്സരിക്കാനില്ലെന്ന സൂചനയാണ് അദ്ദേഹം നൽകിയത്. മകളെ മത്സരിപ്പിച്ചാൽ പാർട്ടിയുടെ വിജയത്തിനുവേണ്ടി പ്രവർത്തിക്കുമെന്ന് യോഗേശ്വർ വ്യക്തമാക്കിയിട്ടുണ്ട്. നേരത്തേ അച്ഛൻ സി.പി. യോഗേശ്വറിനുവേണ്ടി നിഷ പ്രചാരണത്തിനിറങ്ങിയിരുന്നു. നിഷ മത്സരിച്ചാൽ യോഗേശ്വറിന്റെ കുടുംബത്തിൽനിന്ന് രാഷ്ട്രീയത്തിലിറങ്ങുന്ന മൂന്നാമത്തെ അംഗമായിരിക്കും.…

ബെംഗളൂരു : തെരഞ്ഞെടുപ്പ് പെരുമാറ്റച്ചട്ടം നിലവിൽ വന്നതിന് ശേഷം 3.91 കോടി രൂപയും 1841 ലിറ്റർ മദ്യവും പിടിച്ചെടുത്തു. രാഷ്ട്രീയ പാർട്ടികളുമായി ബന്ധപ്പെട്ടവരിൽ നിന്ന് 23 ലക്ഷം രൂപയാണ് പിടിച്ചെടുത്തിയത്. 119 കിലോ ലഹരിമരുന്നും പിടിച്ചെടുത്ത വയിൽ ഉൾപ്പെടുന്നു.സംസ്ഥാന തെരഞ്ഞെടുപ്പ് കമ്മീഷന്റെ നിയന്ത്രണത്തിൽ 1512 ഫ്ലയിംഗ് സ്ക്വാഡുകളും 320 എക്സൈസ് സംഘവും 180 ആദായ നികുതി വകുപ്പ് സ്ക്വാഡുകളും പ്രവർത്തിക്കുന്നുണ്ട്.