Day: 9 February 2018

ബെംഗളൂരു : ബിഹാർ മാതൃകയിൽ കർണാടകയിൽ സമ്പൂർണ മദ്യനിരോധനം നടപ്പാക്കണം എന്ന ആവശ്യവുമായി കർണാടക ടെംപറൻസ് ബോർഡ്. നിരോധനം സംബന്ധിച്ചു പഠനം നടത്തിയ ബോർഡ് തയാറാക്കിയ റിപ്പോർട്ട് ഉടൻ സർക്കാരിനു സമർപ്പിക്കുമെന്നു ചെയർമാൻ എച്ച്.വി.രുദ്രപ്പ പറഞ്ഞു. സംസ്ഥാന സർക്കാരിന്റെ ലഹരിവിമുക്ത പ്രവർത്തനങ്ങൾക്കു നേതൃത്വം നൽകുന്നതു ടെംപറൻസ് ബോർഡാണ്. . മദ്യവിൽപനയിലൂടെ കർണാടകയ്ക്കു പ്രതിവർഷം 18000 കോടി രൂപ വരുമാനം ലഭിക്കുന്നുണ്ട്. നിരോധനം നടപ്പാക്കിയാൽ വരുമാനത്തിലുണ്ടാകുന്ന ഈ നഷ്ടം നികത്താൻ മറ്റു വഴികൾ കണ്ടെത്തണമെന്നും റിപ്പോർട്ടിൽ ആവശ്യപ്പെടും. കര്‍ണാടകയില്‍ സമ്പൂര്‍ണ മദ്യ നിരോധനം വേണം എന്നാ…

ബെംഗളൂരു : ഹൊസ്കോട്ടയിൽ മലയാളി ഉടമസ്ഥതയിലുള്ള രണ്ടു ബേക്കറികൾക്കു നേരെ ഗുണ്ടാ ആക്രമണം. കുലൂർ മൾസന്ദ്രയിലെ പാലക്കാട് സ്വദേശി ചെന്താമരാക്ഷന്റെ ഉടമസ്ഥതയിലുള്ള മയൂര ബേക്കറി, കൂത്തുപറമ്പ് സ്വദേശി സഞ്ജീവന്റെ ഫുഡ്മേക്കർ ബേക്കറി എന്നിവയാണ് അടിച്ചുതകർത്തത്. ബുധനാഴ്ച വൈകിട്ട് ഏഴുമണിയോടെയായിരുന്നു സംഭവം. കാറിലെത്തിയ നാലംഗ സംഘം വാളും വടികളുമായി ബേക്കറികളിലെ ഗ്ലാസ് ഷെൽഫുകൾ അടിച്ചുതകർക്കുകയായിരുന്നു. തടയാൻ ശ്രമിച്ച സഞ്ജീവനെ മർദിച്ച സംഘം 25,000 രൂപയും കവർന്നു. കേരളസമാജം വൈറ്റ് ഫീൽഡ് സോൺ പ്രവർത്തകരുടെ സഹായത്തോടെ തിരുമലഷെട്ടിഹള്ളി പൊലീസ് സ്റ്റേഷനിൽ പരാതി നൽകി.

ബെംഗളൂരു : രണ്ടാം ലോകമഹായുദ്ധ കാലത്തു ജർമനിയിലെ നാസി ഭരണത്തിന്റെ വിവിധ കാലഘട്ടങ്ങൾ കോർത്തിണക്കിയ ദ് കാബിനറ്റ് ഓഫ് ഡോക്ടർ കാലിഗിരി ഇന്ന് ഉദ്യാന നഗരിയിലെ ആസ്വാദകർക്കു മുന്നിലെത്തും. ഇന്നു മുതൽ 11 വരെ ബെലന്തൂർ ഇക്കോ വേൾഡിനു സമീപത്തെ ആർഎംസെഡ് ആംഫി തിയറ്ററിലാണ് നാടകം കാഴ്ചയുടെ വിരുന്നൊരുക്കുന്നത്. ഖസാക്കിന്റെ ഇതിഹാസത്തിന് പുതിയ കാലഘട്ടത്തിന്റെ ദൃശ്യാവിഷ്കാരം നൽകിയ ദീപൻ ശിവരാമനാണ് ദ് കാബിനറ്റിന്റെ സംവിധാനം നിർവഹിച്ചിരിക്കുന്നത്. 1920ൽ ? ജർമനിയിൽ പുറത്തിറങ്ങിയ ഇതേ പേരിലുള്ള സിനിമയാണ് നാടകത്തിനു പ്രമേയമായത്. ഡോ. കാലിഗിരിയായി പ്രകാശ് ബാരെയും…