Year: 2017

ബെംഗളൂരു∙ കർണാടക കൃഷിവകുപ്പിന്റെ നേതൃത്വത്തിൽ ഓർഗാനിക്സ് ആൻഡ് മില്ലറ്റ്സ് (ജൈവ, ധാന്യ) മേള ജനുവരി 19 മുതൽ 21 വരെ പാലസ് ഗ്രൗണ്ടിൽ നടക്കും. ജൈവ കാർഷിക ഉൽപന്നങ്ങൾക്കും ധാന്യങ്ങൾക്കുമായി 400 പ്രദർശന സ്റ്റാളുകളും സംരംഭകർക്കായി ബിസിനസ് മീറ്റും ഇതിന്റെ ഭാഗമായി ഉണ്ടാകും. കർണാടകയിൽ ഈ വർഷം 25,000 ഹെക്ടർ പ്രദേശത്താണ് ധാന്യവിളകൾ കൃഷി ചെയ്യുന്നതെന്ന് മേളയുടെ വെബ്സൈറ്റ് ഉദ്ഘാടനം ചെയ്ത് കൃഷിമന്ത്രി കൃഷ്ണ ബൈരഗൗഡ പറഞ്ഞു. ഇത് 40,000 ഏക്കറിലേക്കു വ്യാപിപ്പിക്കാനുള്ള പ്രവർത്തനങ്ങൾ കൃഷിവകുപ്പിന്റെ നേതൃത്വത്തിൽ ആരംഭിച്ചതായും മന്ത്രി പറഞ്ഞു.

ബെംഗളൂരു ∙ മാലപൊട്ടിക്കൽ, പിടിച്ചുപറി, ഗുണ്ടായിസം തുടങ്ങിയ കുറ്റകൃത്യങ്ങൾ ഏർപ്പെടുന്നവർക്കെതിരെ ഗുണ്ടാനിയമം അനുസരിച്ചു കേസെടുക്കുമെന്നു സിറ്റി പൊലീസ് കമ്മിഷണർ സുനിൽ കുമാർ‌. സമീപകാലത്തു ബൈക്കിലെത്തി മാലപൊട്ടിക്കൽ വ്യാപകമായതിനെ തുടർന്നാണിത്. പിടിയിലാകുന്നവർക്കെതിരെ കേസുകൾ ദുർബലമായതിനാൽ ഇവർ ജാമ്യത്തിലിറങ്ങി വീണ്ടും കുറ്റകൃത്യം ആവർത്തിക്കുകയാണ്. ഗുണ്ടാനിയമം ചുമത്തിയാൽ ഇത്തരം സാഹചര്യം ഒഴിവാക്കാനാകും. ഒറ്റയ്ക്കു പുറത്തിറങ്ങുന്ന വീട്ടമ്മമാരെയും പ്രായമായവരെയും കേന്ദ്രീകരിച്ചാണു കവർച്ച. അതിനാൽ സ്ത്രീകൾക്കെതിരായ ആക്രമണങ്ങൾ കൂടുതൽ ഗൗരവത്തോടെ കൈകാര്യം ചെയ്യണമെന്ന് അദ്ദേഹം എല്ലാ പൊലീസ് സ്റ്റേഷനുകൾക്കും നിർദേശം നൽകി. അന്യസംസ്ഥാനങ്ങളിൽനിന്നെത്തി കവർച്ച നടത്തി കടന്നുകളയുന്നവരെ പിടികൂടുന്നതിനായി നഗരാതിർത്തിയിലെ ചെക്…