ബെംഗളൂരു∙ നമ്മ മെട്രോ സ്റ്റേഷനുകളിൽ യാത്രക്കാർക്കായി കൂടുതൽ ഇരിപ്പിടങ്ങൾ സ്ഥാപിച്ചു. ഈസ്റ്റ് വെസ്റ്റ് കോറിഡോറിലേയും നോർത്ത് സൗത്ത് കോറിഡോറിലേയും സ്റ്റേഷനുകളിലാണിവ സ്ഥാപിച്ചത്. ഒരു പ്ലാറ്റ്ഫോമിൽ മൂന്നുപേർക്ക് വീതം ഇരിക്കാവുന്ന മൂന്നു സെറ്റു കസേരകളാണുണ്ടാകുക. നേരത്തെ ഒരു സെറ്റ് മാത്രമാണുണ്ടായിരുന്നത്. ഭിന്നശേഷിക്കാർ, ഗർഭിണികൾ, പ്രായമായവർ എന്നിവർക്ക് ഇരിപ്പിടങ്ങളിൽ മുൻഗണനയുണ്ടാകും. കൂടാതെ എല്ലാ സ്റ്റേഷനുകളിലും ശുദ്ധജലവും ശുചിമുറി സൗകര്യവും ഉറപ്പുവരുത്താനും ബിഎംആർസിഎൽ സ്റ്റേഷനുകളുടെ ചുമതലയുള്ള ഉദ്യോഗസ്ഥർക്ക് കർശന നിർദേശം നൽകിയിട്ടുണ്ട്. പല സ്റ്റേഷനുകളിലും ശുദ്ധജലം ലഭ്യമാകുന്നില്ലെന്നുള്ള പരാതിയെ തുടർന്നാണ് നടപടി.
Read Moreമെട്രോ സ്റ്റേഷനുകളിൽ കൂടുതൽ ഇരിപ്പിടങ്ങള്‍
