Day: 7 September 2017

ബെംഗളൂരു ∙ പ്രളയബാധിതമായ ഉത്തരേന്ത്യൻ സംസ്ഥാനങ്ങളിൽ റെയിൽ ഗതാഗതം പൂർണമായി പുനഃസ്ഥാപിക്കാത്തതിനാൽ ബെംഗളൂരുവിൽനിന്നുള്ള 14 സർവീസുകൾ റദ്ദാക്കിയതായി ദക്ഷിണ പശ്ചിമ റെയിൽവേ അറിയിച്ചു. യശ്വന്ത്പുര–കാമാഖ്യ എസി എക്സ്പ്രസ്(സെപ്റ്റംബർ 9), കാമാഖ്യ–യശ്വന്ത്പുര എസി എക്സ്പ്രസ്(13), ന്യൂട്ടിൻസുക്കിയ–ബെംഗളൂരു എക്സ്പ്രസ്(8, 15), ബെംഗളൂരു–ന്യൂട്ടിൻസുക്കിയ എക്സ്പ്രസ്(12), ഗുവാഹത്തി–കന്റോൺമെന്റ് എക്സ്പ്രസ്(10, 11, 12), കന്റോൺമെന്റ്–ഗുവാഹത്തി എക്സ്പ്രസ്(8, 13, 14, 15), കാമാഖ്യ–കന്റോൺമെന്റ് ഹംസഫർ എക്സ്പ്രസ്(12), കന്റോൺമെന്റ്–കാമാഖ്യ ഹംസഫർ(15) എക്സ്പ്രസ് എന്നിവയാണ് റദ്ദാക്കിയത്.

ബെംഗളൂരു∙ യശ്വന്ത്പുര-കണ്ണൂർ എക്സ്പ്രസിന് (16527/ 16528) ഒരു സെക്കൻഡ് ക്ലാസ് അധിക കോച്ച് കൂടി അനുവദിച്ചു. നേരത്തേ താൽക്കാലികമായി അനുവദിച്ചിരുന്ന കോച്ച് ഇന്നലെ മുതലാണ് സ്ഥിരമാക്കിയത്. സേലം വഴിയുള്ള ട്രെയിനിന് ഇതോടെ 11 സെക്കൻഡ് ക്ലാസ്, നാല് ജനറൽ, രണ്ട് എസി ടുടയർ, ഒരു എസി ത്രിടയർ കോച്ചുകളാണുള്ളത്. കഴിഞ്ഞ മാസമാണ് ട്രെയിൻ പൂർണമായും എൽഎച്ച്ബി കോച്ചുകളാക്കി മാറ്റിയത്.