ബെംഗളൂരു : ഹുൻസൂരിലെ ഹനഗോഡിലെ പച്ചക്കറി വ്യാപാരിയായ നാഗരാജിന്റെ ഒമ്പത് വയസ്സുള്ള മകനെ പണത്തിനായി തട്ടിക്കൊണ്ടുപോയതിന് പിറ്റേ ദിവസം വ്യാഴാഴ്ച ഹുൻസൂരിലെ കുന്തേരിക്കെറിന് സമീപം മൃതദേഹം കണ്ടെത്തി. കുട്ടിയെ കൊലപ്പെടുത്തി കുറ്റിക്കാട്ടിൽ തള്ളിയ നിലയിലാണ് കണ്ടെത്തിയത്.കാർത്തിക്ക് (9) നെയാണ് തട്ടിക്കൊണ്ടു പോയി കൊലപ്പെടുത്തിയത്.
തട്ടികൊണ്ട് പോയ സംഘത്തെ പോലീസ് തിരിച്ചറിയുകയും അതിൽ ഒരാളെ കസ്റ്റഡിയിലെടുത്തിട്ടുണ്ട്. ബുധനാഴ്ച വൈകിയാണ് കാർത്തിക്കിനെ തട്ടിക്കൊണ്ടുപോയതെന്നും വ്യാഴാഴ്ച ഉച്ചയോടെ കൊല്ലപ്പെട്ട നിലയിൽ കണ്ടെത്തിയെന്നും പോലീസ് സൂപ്രണ്ട് ആർ ചേതൻ വിശദീകരിച്ചു.
