ബെംഗളൂരുവിലെ ഒരു റെസ്റ്റോറന്റിൽ ആകർഷകമായ പേരുള്ള ഒരു വിഭവം ഓർഡർ ചെയ്ത യുവാവ്, ടേബിളിലെത്തിയ വിഭവം കണ്ട് ഞെട്ടിപ്പോയി. മെനുവിൽ ‘ചില്ലി ഡസ്റ്റഡ് ഗോൾഡ് ഫിംഗേഴ്സ്’ (Chilli-dusted gold fingers) എന്ന് രേഖപ്പെടുത്തിയിരുന്ന വിഭവത്തിന് 150 രൂപയായിരുന്നു വില. എന്നാൽ വിളമ്പിയതാകട്ടെ വെറും വറുത്ത കൊണ്ടാട്ടവും (Fryums).
“ഇതിനായി 150 രൂപ നൽകുന്ന എന്റെ വംശാവലിയിലെ ആദ്യത്തെയാൾ ഞാനായിരിക്കും,” കൊണ്ടാട്ടത്തിന്റെ ചിത്രം പങ്കുവെച്ചുകൊണ്ട് അരുൺരാജ് പത്താർ കുറിച്ചു.
“ചില്ലി ഡസ്റ്റഡ് ഗോൾഡ് ഫിംഗേഴ്സ് എന്നാണ് ഇതിനെ വിളിച്ചിരുന്നത്. ഓർഡർ ചെയ്തപ്പോൾ അവർ എനിക്ക് കൊണ്ടുവന്നു തന്നത് ഇതാണ്,” അദ്ദേഹം എഴുതി.
ബെംഗളൂരുവിലെ പ്രശസ്തമായ ‘ടോയ്റ്റ്’ (Toit) എന്ന മൈക്രോബ്രൂവറിയിലാണ് ഈ സംഭവം നടന്നതെന്ന് പത്താർ വ്യക്തമാക്കി.
സോഷ്യൽ മീഡിയയിൽ പങ്കുവെച്ച ഈ പോസ്റ്റ് ഇതിനോടകം 2.7 ലക്ഷത്തിലധികം ആളുകൾ കാണുകയും നിരവധി കമന്റുകൾ ലഭിക്കുകയും ചെയ്തു.
“ഞാൻ മാത്രമല്ല ഇത്തരത്തിൽ കബളിപ്പിക്കപ്പെട്ടത് എന്നറിഞ്ഞതിൽ സന്തോഷം,” ഒരാൾ കമന്റ് ചെയ്തു. മറ്റൊരു ഉപഭോക്താവ് കുറിച്ചത്, “ഏതൊരു സാധാരണ ചായക്കടയിലും ഇതിന് പരമാവധി 10 രൂപയേ വരൂ” എന്നാണ്.
“ഇതുപോലൊരു സാധനം ഓർഡർ ചെയ്യിപ്പിക്കാൻ ആളുകളെ ആശയക്കുഴപ്പത്തിലാക്കുന്ന ഇത്തരമൊരു പേരിട്ട ആളിന്റെ പരിശ്രമത്തെ അഭിനന്ദിക്കണം,” മൂന്നാമതൊരാൾ പരിഹസിച്ചു. “ഈ പേര് കണ്ടുപിടിച്ച ആൾക്ക് റോയൽറ്റി നൽകണം,” എന്നും കമന്റുകൾ വന്നു.
ബെംഗളൂരുവിലെ റെസ്റ്റോറന്റുകൾ ഇത്തരത്തിൽ വാർത്തകളിൽ നിറയുന്നത് ഇതാദ്യമല്ല. കുറച്ചുനാൾ മുൻപ് ബെംഗളൂരുവിലെ മറ്റൊരു കഫേയിൽ നാരങ്ങാവെള്ളത്തിന് ‘ഗ്യാസ് പ്രതിസന്ധി’ (Gas Crisis Charge) എന്ന പേരിൽ അധിക തുക ഈടാക്കിയതും വിവാദമായിരുന്നു. 179 രൂപയുടെ രണ്ട് ലെമണേഡിന് ജിഎസ്ടിക്ക് പുറമെ 5 ശതമാനം ഗ്യാസ് ക്രൈസിസ് ചാർജ് ഇനത്തിൽ 17 രൂപയാണ് അന്ന് ഈടാക്കിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
