ബെംഗളൂരു: വിദ്യാര്ത്ഥിനിയോട് അശ്ലീല സംഭാഷണം നടത്തിയ കേസില് സര്ക്കാര് സ്കൂള് അധ്യാപകൻ അറസ്റ്റില്.
ബെംഗളൂരു യാദ്ഗിറിലെ മൊറാര്ജി ദേശായി റെസിഡന്ഷ്യല് സ്കൂള് പ്രിന്സിപ്പല് ഗാലെപ്പയെയാണ് പോലീസ് അറസ്റ്റ് ചെയ്തത്.
ഹോസ്റ്റലില് താമസിക്കുകയായിരുന്ന വിദ്യാര്ത്ഥിനിയെ ഫോണില് വിളിച്ച് പ്രതി അശ്ലീലച്ചുവയോടെ സംസാരിക്കുകയായിരുന്നു. പെണ്കുട്ടിയോട് തന്റെ റൂമിലേക്ക് വരാന് ആവശ്യപ്പെടുകയും ചെയ്തു. പ്രിന്സിപ്പല് അപമര്യാദയായി സംസാരിച്ചത് വിദ്യാര്ത്ഥിനി സുഹൃത്തുക്കളെയും വാര്ഡനെയും അറിയിച്ചു. ഇതോടെ വാര്ഡനും മറ്റുള്ളവരും വനിതാ ശിശു സംരക്ഷണസമിതി അധികൃതരെ വിവരം അറിയിക്കുകയായിരുന്നു.
സമിതി ഉദ്യോഗസ്ഥര് സ്കൂളിലെത്തി വിദ്യാര്ത്ഥിനിയില് നിന്ന് മൊഴിയെടുത്തു. തുടര്ന്ന് യാദ്ഗിര് വനിത പോലീസ് സ്റ്റേഷനില് നല്കിയ പരാതിയിലാണ് കേസെടുത്തത്. വെള്ളിയാഴ്ച പ്രിന്സിപ്പലിനെ അറസ്റ്റ് ചെയ്യുകയും ചെയ്തു. ഇയാളെ സസ്പെന്ഡ് ചെയ്തതായും മറ്റു നടപടികള് സ്വീകരിക്കുമെന്നും ജില്ലാ കമ്മീഷണര് അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
