ബെംഗളൂരു: രാജ്യത്ത് ഇരുചക്രവാഹനങ്ങൾ റജിസ്റ്റർ ചെയ്യുന്നതിൽ ബെംഗളൂരുവിന് രണ്ടാംസ്ഥാനം. കഴിഞ്ഞവർഷം ഡിസംബർ വരെയുള്ള കണക്ക് പ്രകാരം ആകെ 50.1 ലക്ഷം ഇരുചക്ര വാഹനങ്ങളാണ് നഗരത്തിലെ വിവിധ ആർടി ഓഫീസുകളിലായി റജിസ്റ്റർ ചെയ്തിരിക്കുന്നത്. ഒന്നാം സ്ഥാനത്തുള്ള ഡൽഹിയിൽ 67.07 ലക്ഷം ഇരുചക്രവാഹനങ്ങൾ ഇതുവരെ റജിസ്റ്റർ ചെയ്തിട്ടുണ്ട്.
ബെംഗളൂരു നഗരത്തിൽ മൊത്തം 72.3 ലക്ഷം സ്വകാര്യ വാഹനങ്ങളാണ് ഇതുവരെ റജിസ്റ്റർ ചെയ്തിരിക്കുന്നത്. നഗരത്തിലുണ്ടാകുന്ന അപകടങ്ങളിൽ 60 ശതമാനം ഇരുചക്ര വാഹനങ്ങളാണ് ഉൾപ്പെടുന്നത്. പൊതുഗതാഗത മേഖലയിൽ നമ്മ മെട്രോയും ബിഎംടിസിയും നഗരത്തിൽ സർവീസ് നടത്തുമ്പോഴും സ്വകാര്യ വാഹനങ്ങളുടെ എണ്ണം ഓരോ വർഷവും വർധിക്കുന്നതിനാൽ ഗതാഗതകുരുക്കിന് കുറവൊന്നുമില്ല. ബിഎംടിസിയിൽ പ്രതിദിനം അൻപത് ലക്ഷം പേരും മെട്രോയിൽ നാല് ലക്ഷം പേരുമാണ് യാത്ര ചെയ്യുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
