ബെംഗളൂരുവിൽ വാടകവീട് അന്വേഷിക്കുന്നവർ ജാഗ്രത! നടക്കുന്നത് ലക്ഷങ്ങളുടെ തട്ടിപ്പ്; തട്ടിപ്പ് രീതികൾ അറിയാൻ വായിക്കാം

ബെംഗളൂരു: ഐടി നഗരമായ ബെംഗളൂരുവിൽ വാടകവീട് അന്വേഷിക്കുന്നവരെ ലക്ഷ്യമിട്ട് പുതിയ രീതിയിലുള്ള സൈബർ തട്ടിപ്പുകൾ വർധിക്കുന്നു. ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് നിർമ്മിച്ച വ്യാജ ഫോട്ടോകൾ കാണിച്ച് വീട് വാടകയ്ക്ക് നൽകാനുണ്ടെന്ന വ്യാജേന പണം തട്ടുന്ന സംഘമാണ് നഗരത്തിൽ സജീവമായിരിക്കുന്നത്.

Housing.com ഉൾപ്പെടെയുള്ള പ്രമുഖ വെബ്‌സൈറ്റുകളിൽ ആഡംബര ഫ്ലാറ്റുകളുടെ ആകർഷകമായ ചിത്രങ്ങൾ പോസ്റ്റ് ചെയ്താണ് ഇവർ ഇരകളെ കണ്ടെത്തുന്നത്. വീട് കാണുന്നതിന് മുൻപ് തന്നെ അഡ്വാൻസ് തുക ആവശ്യപ്പെടുന്നതാണ് ഇവരുടെ രീതി.

ഡോക്ടറും കെണിയിൽ വീണു
ബെംഗളൂരു സ്വദേശിയായ സൗമ്യ എന്ന ഡോക്ടറാണ് ഈ തട്ടിപ്പിന്റെ ഏറ്റവും പുതിയ ഇര. ഓൺലൈനിൽ കണ്ട പരസ്യം വഴി വീട് അന്വേഷിച്ച ഇവർക്ക് വലിയ തുക നഷ്ടമായി. വീട് കാണാൻ ‘വിസിറ്റർ പാസ്’ എടുക്കണമെന്ന പേരിൽ ആദ്യം 2,000 രൂപയും പിന്നീട് അഡ്വാൻസ് ഇനത്തിൽ 7,000 രൂപയും തട്ടിപ്പുകാർ കൈക്കലാക്കി. വിവിധ ആവശ്യങ്ങൾ പറഞ്ഞ് പത്തായിരത്തിലധികം രൂപ നഷ്ടമായ ഡോക്ടർ, നൽകിയ വിലാസത്തിൽ എത്തിയപ്പോഴാണ് അവിടെ അങ്ങനെയൊരു ഫ്ലാറ്റേ ഇല്ലെന്ന് മനസ്സിലാക്കിയത്.

ബെംഗളൂരുവിലെ പിജികളിലും; ഗ്യാസ് ക്ഷാമം മൂലം മെനു മാറുന്നു, ചപ്പാത്തിക്ക് 'അവധി' പുതിയ മെനു ഇങ്ങനെ

തട്ടിപ്പിന്റെ രീതി ഇങ്ങനെ:
എ.ഐ സാങ്കേതികവിദ്യ ഉപയോഗിച്ച് നിർമ്മിച്ചതോ ഇന്റർനെറ്റിൽ നിന്ന് എടുത്തതോ ആയ മനോഹരമായ ഫ്ലാറ്റുകളുടെ ചിത്രങ്ങൾ കുറഞ്ഞ വാടകയ്ക്ക് പരസ്യം ചെയ്യുന്നു. വീട് നേരിട്ട് കാണണമെങ്കിൽ ‘സന്ദർശക പാസ്’ അല്ലെങ്കിൽ ‘രജിസ്‌ട്രേഷൻ ഫീ’ എന്ന പേരിൽ ചെറിയ തുകകൾ ആദ്യം ആവശ്യപ്പെടും. പണം കൈക്കലാക്കിയ ശേഷം വിലാസം നൽകുമെങ്കിലും അവിടെ എത്തുമ്പോൾ അങ്ങനെയൊരു കെട്ടിടമോ ഉടമയോ ഉണ്ടാകില്ല.

ബന്നാർഘട്ടയിൽ 5 കോടിയുടെ നിരീക്ഷണ ഗോപുരം വരുന്നു; വന്യജീവികളെ ഇനി ആകാശദൂരത്തുനിന്ന് കാണാം

തട്ടിപ്പിനിരയായ ഡോക്ടറുടെ പരാതിയിൽ ഹൈഗ്രൗണ്ട്സ് പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. പ്രതികളെ പിടികൂടാനായി സൈബർ സെല്ലിന്റെ സഹായത്തോടെ പോലീസ് പ്രത്യേക കെണിയൊരുക്കി അന്വേഷണം ഊർജിതമാക്കി. സമാനമായ രീതിയിൽ നിരവധി പേർ വഞ്ചിക്കപ്പെട്ടിട്ടുണ്ടെന്ന് വിവിധയിടങ്ങളിലെ സുരക്ഷാ ഉദ്യോഗസ്ഥരും സാക്ഷ്യപ്പെടുത്തുന്നു.

ഓൺലൈൻ സൈറ്റുകൾ വഴി വീട് അന്വേഷിക്കുമ്പോൾ നേരിട്ട് കണ്ട് ബോധ്യപ്പെടാതെ യാതൊരു കാരണവശാലും പണം കൈമാറരുത്. സംശയാസ്പദമായ പരസ്യങ്ങളെക്കുറിച്ച് പോലീസിൽ റിപ്പോർട്ട് ചെയ്യണമെന്നും പോലീസ് അറിയിച്ചു.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.

ഭരണനേട്ടങ്ങൾ എണ്ണിപ്പറഞ്ഞ് രണ്ടാം എല്‍ഡിഎഫ് സര്‍ക്കാരിന്‍റെ പ്രോഗ്രസ് റിപ്പോർട്ട്

If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]