Day: 11 November 2025

ബെംഗളൂരു : മികച്ച പൊതുഗതാഗത സംവിധാനത്തിനുളള കേന്ദ്ര ഭവന നഗരവികസന മന്ത്രാലയത്തിന്റെ അവാര്‍ഡ് കര്‍ണാടക ആര്‍ടിസിക്ക് ലഭിച്ചു. മൈസൂരുവിലെ 200 സിറ്റി ബസുകളില്‍ കാഴ്ച പരിമിധിയുളളവര്‍ക്കായി നടപ്പിലാക്കിയ ഓഡിയോ സിഗ്നല്‍ സംവിധാനത്തിനാണ് അവാര്‍ഡ്. ഹരിയാനയിലെ ഗുരുഗ്രാമിലെ ചടങ്ങില്‍ കേന്ദ്രമന്ത്രി മനോഹര്‍ ലാല്‍ ഖട്ടറില്‍ നിന്ന് കെഎസ്ആര്‍ടിസി എംഡി അക്രം പാഷ അവാര്‍ഡ് ഏറ്റുവാങ്ങി

ബെംഗളൂരു : ശിവമോഗയിൽ യുവതിയെ കുത്തേറ്റ് മരിച്ചനിലയിൽ കണ്ടെത്തി. ദുമ്മലിയിലെ സിദ്ധേശ്വര നഗറിലെ ഗംഗമ്മ (45) ആണ് കൊല്ലപ്പെട്ടത്. തിങ്കളാഴ്ച രാവിലെ വീട്ടുപരിസരത്താണ് ഇവരെ കുത്തേറ്റുമരിച്ചനിലയിൽ കണ്ടത്. സംഭവത്തിൽ നാഗേഷ് നായിക്, ഹരീഷ് എന്നിവരെ ചോദ്യംചെയ്യലിനായി കസ്റ്റഡിയിലെടുത്തതായി തുംഗനഗർ പോലീസ് അറിയിച്ചു. മുൻവൈരാഗ്യമാകാം കൊലയിലേക്ക് നയിച്ചതെന്ന പ്രാഥമിക നിഗമനത്തിലാണ് പോലീസ്.

ബെംഗളൂരുവിൽ വെള്ളിയാഴ്ച തിരുവനന്തപുരം സ്വദേശിയായ യുവാവ് താമസസ്ഥലത്തു മരിച്ച നിലയിൽ കണ്ടെത്തിയ സംഭവത്തിൽ രണ്ട് യുവതികൾ അറസ്റ്റിൽ. തിരുവനന്തപുരം എടത്തറ ആര്‍ത്തശ്ശേരി ക്ഷേത്രത്തിനു സമീപം കളഭം വീട്ടില്‍ സി.പി. വിഷ്ണു (39) ആണ് മരിച്ചത്. വിഷ്ണുവിനൊപ്പം താമസിച്ചിരുന്നവരുടെ പേരിലാണ് പോലീസ് കേസെടുത്തത്. ബെംഗളൂരുവിലെ യെല്ലനഹള്ളിയില്‍ റേഡിയന്റ് ഷൈന്‍ അപ്പാര്‍ട്ട്മെന്റിലായിരുന്നു വിഷ്ണു താമസിച്ചിരുന്നത്. ബെംഗളൂരു ഹൊസൂര്‍ റോഡിലെ ഐകെഎസ് കമ്പനിയില്‍ ഉദ്യോഗസ്ഥനായിരുന്നു വിഷ്ണു. ആ കമ്പനിയിൽ തന്നെ കൂടെ ജോലി ചെയുന്ന സൂര്യാ കുമാര്‍, ജ്യോതി എന്നിവരോടൊപ്പം ഫ്‌ളാറ്റ് പങ്കിട്ടാണ് താമസിച്ചിരുന്നത്. വെള്ളിയാഴ്ച പുലർച്ചെയാണ് ഫ്‌ളാറ്റിലെ…

കേരളത്തിലേക്ക് ഉള്‍പ്പെടെയുളള സംസ്ഥാനന്തര റൂട്ടുകളിലെ റൂട്ടുകളിലെ പ്രീമിയം എസി ബസുകളിലെ ടിക്കറ്റ് ചാര്‍ജ് 10-20% വരെ കുറക്കാന്‍ കര്‍ണാടക ആര്‍ടിസി നടപടി. ഇത് സംബന്ധിച്ച ശുപാര്‍ശ കര്‍ണാടക ആര്‍ടിസി ഗതാഗതവകുപ്പിന് സമര്‍പ്പിച്ചു. അനുമതി ലഭിച്ചാല്‍ ഈ മാസം തന്നെ ചാര്‍ജ് പ്രാബല്യത്തില്‍ വരും. തമിഴ്‌നാട്, തെലങ്കാന , ആന്ധ്ര, പുതുച്ചേരി, ഗോവ, മഹാരാഷ്ട്ര എന്നിവിടങ്ങിലേക്കുളള സര്‍വ്വീസുകളിലുള്‍പ്പടെ നിരക്കിളവ് ലഭ്യമാക്കും. കേരള ആര്‍ടിസിയുടെ തമിഴ്‌നാട് എസ്ഇടിസിയും കൂടുതല്‍ എസി ബസുകള്‍ നിരത്തിലിറക്കിയതോടെയാണ് തായ്രക്കാരെ ആകര്‍ശിക്കാന്‍ കര്‍ണാടക ടിക്കറ്റ് നിരക്കില്‍ കുറവ് വരുത്തുന്നതെന്നാണ് സൂചന. നേരത്തെ മണ്‍സൂണ്‍…

ബെംഗളൂരൂ : കർണാടകത്തിൽ കോൺഗ്രസ് അധികാരത്തിലെത്തിയത് വോട്ടുകവർച്ച നടത്തിയാണെന്ന ആരോപണവുമായി എൻഡിഎ സഖ്യകക്ഷിയായ ജെഡിഎസ്. വോട്ടെണ്ണലിന് മുൻപുതന്നെ കോൺഗ്രസ് നേടുന്ന സീറ്റുകളുടെ എണ്ണം പാർട്ടിനേതാക്കൾ കൃത്യമായി പറഞ്ഞിരുന്നു. ഇതിനുകാരണം വോട്ടുകവർച്ചയിലൂടെ വിജയം ഉറപ്പാക്കിയതിനാലാണെന്ന് ജെഡിഎസ് നേതാവും കേന്ദ്രമന്ത്രിയുമായ എച്ച്.ഡി. കുമാരസ്വാമി ആരോപിച്ചു. ബിജെപി ഹരിയാണയിൽ വോട്ടുമോഷണത്തിലൂടെ അധികാരം പിടിച്ചെന്ന രാഹുൽ ഗാന്ധിയുടെ ആരോപണം ചൂണ്ടിക്കാട്ടിയ കുമാരസ്വാമി കർണാടകയിൽ വോട്ടുകവർച്ച നടത്തിയ കോൺഗ്രസിന് ഇങ്ങനെ ആരോപണം ഉന്നയിക്കാനുള്ള അവകാശമില്ലെന്നും കൂട്ടിച്ചേർത്തു. വോട്ടുകവർച്ചയ്ക്കെതിരേ രാജ്യവ്യാപകമായി കോൺഗ്രസ് നടത്തുന്ന പ്രചാരണത്തിന്റെ പശ്ചാത്തലത്തിലാണ് കുമാരസ്വാമി ഇതിനെതിരേ രംഗത്തുവന്നത്.