ബെംഗളൂരു : ദീപാവലി യാത്രത്തിരക്ക് പരിഗണിച്ച് ബെംഗളൂരു-കൊല്ലം റൂട്ടിൽ ദക്ഷിണ പശ്ചിമ റെയിൽവേ പ്രത്യേക തീവണ്ടിസർവീസുകൾ പ്രഖ്യാപിച്ചു. ഇരുവശത്തേക്കും രണ്ട് സർവീസുകൾ വീതമാണ് നടത്തുന്നത്.
എസ്എംവിടി-കൊല്ലം എക്സ്പ്രസ് വണ്ടി(06561) ഒക്ടോബർ 16-ന് വൈകീട്ട് മൂന്നിന് എസ്എംവിടിയിൽനിന്ന് പുറപ്പെട്ട് അടുത്തദിവസം രാവിലെ 6.20-ന് കൊല്ലത്ത് എത്തും.
മടക്ക വണ്ടി(06562) ഒക്ടോബർ 17-ന് രാവിലെ 10.45-ന് കൊല്ലത്തുനിന്ന് പുറപ്പെട്ട് അടുത്തദിവസം പുലർച്ചെ 3.30-ന് ബെംഗളൂരു കന്റോൺമെന്റ് സ്റ്റേഷനിെലത്തും.
രണ്ടാമത്തെ വണ്ടി(06567) ഒക്ടോബർ 21-ന് രാത്രി 11-ന് എസ്എംവിടിയിൽനിന്ന് പുറപ്പെട്ട് അടുത്തദിവസം പകൽ 12.55-ന് കൊല്ലത്ത് എത്തും. മടക്കവണ്ടി(06568) ഒക്ടോബർ 22-ന് വൈകീട്ട് അഞ്ചിന് കൊല്ലം സ്റ്റേഷനിൽനിന്ന് പുറപ്പെട്ട് അടുത്തദിവസം രാവിലെ 9.45-ന് കന്റോൺമെന്റ് സ്റ്റേഷനിലെത്തും.
ഇരുവണ്ടികൾക്കും പാലക്കാട്, തൃശ്ശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, ചെങ്ങന്നൂർ, മാവേലിക്കര, കായകുളം എന്നിവിടങ്ങളിൽ സ്റ്റോപ്പുണ്ട്.
ടിക്കറ്റ് റിസർവേഷൻ തിങ്കളാഴ്ച രാവിലെ എട്ടിന് ആരംഭിക്കും. കേരളത്തിലേക്കുള്ള വണ്ടികൾ കൂടാതെ ബെംഗളൂരു-തൂത്തുക്കുടി, ബെംഗളൂരു-മംഗളൂരു, ഹുബ്ബള്ളി-മംഗളൂരു റൂട്ടുകളിലും ദീപാവലി പ്രത്യേക സർവീസുകൾ പ്രഖ്യാപിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
