തിരുവനന്തപുരം: എറണാകുളം-ബെംഗളൂരു റൂട്ടില് പുതിയ വന്ദേഭാരത് അനുവദിച്ചതായി ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്.
‘എറണാകുളത്തുനിന്നു തൃശൂര്, പാലക്കാട് വഴി ബെംഗളൂരുവിലേക്ക് വന്ദേഭാരത് ട്രെയിന് അനുവദിച്ച കേന്ദ്ര സര്ക്കാരിന് നന്ദി’ എന്ന് അറിയിച്ചുകൊണ്ട് രാജീവ് ചന്ദ്രശേഖര് ഫെയ്സ്ബുക്കില് വിവരം പങ്കുവെച്ചു.
അതേസമയം റേയില്വേയുടെ ഭാഗത്ത് നിന്നോ കേന്ദ്ര സര്ക്കാരിന്റെ ഭാഗത്ത് നിന്ന് ഔദ്യോഗിക പ്രഖ്യാപനം വന്നിട്ടില്ല.
രാജീവ് ചന്ദ്രശേഖറിന്റെ പോസ്റ്റ് ഇങ്ങനെ
നന്ദി മോദി!
എറണാകുളത്ത് നിന്നും തൃശൂര്, പാലക്കാട് വഴി ബെംഗലൂരുവിലേക്ക് വന്ദേഭാരത് ട്രെയിന് അനുവദിച്ച കേന്ദ്ര സര്ക്കാരിന് നന്ദി.
ഐടി മേഖലയിലടക്കം ഒട്ടേറെ മലയാളികള് ജോലി ചെയ്യുന്ന നഗരമാണ് ബെംഗലൂരു. അവിടേയ്ക്ക് കേരളത്തില് നിന്നും കൂടുതല് ട്രെയിനുകള് അനുവദിക്കണമെന്നത് വളരെ നാളായുള്ള ആവശ്യമാണ്.
ഇക്കാര്യം ഒരു മാസം മുന്പ് റെയില്വെ മന്ത്രി അശ്വിനി വൈഷ്ണവ് ജിയുടെ ശ്രദ്ധയില്പ്പെടുത്തിയിരുന്നു. ഉടന് തന്നെ അനുകൂല തീരുമാനം ഉണ്ടായതിന് അദ്ദേഹത്തിന് നന്ദി അറിയിക്കുന്നു.
നവംബര് പകുതിയോടെ ഈ ട്രെയിന് സര്വ്വീസ് തുടങ്ങുമെന്ന് അദ്ദേഹം ഉറപ്പ് നല്കിയിട്ടുണ്ട്. നിലവില് ഉല്സവ സീസണിലും വിശേഷ ദിവസങ്ങളിലും ഈ റൂട്ടില് വലിയ തിരക്കാണ് അനുഭവപ്പെടുന്നത്. മാത്രമല്ല, മറ്റ് ഗതാഗത മാര്ഗങ്ങള് തേടുന്നവര്ക്ക് അമിത യാത്രാക്കൂലിയും നല്കേണ്ടി വരുന്നുണ്ട്.
പുതിയ വന്ദേഭാരത് സര്വ്വീസ് ബെംഗലൂരു മലയാളികളെ സംബന്ധിച്ച് ഏറെ ആശ്വാസകരമാകും. കേരളത്തിന്റെ സമഗ്ര വികസനം മുന്നില്ക്കണ്ട് അനുകൂല തീരുമാനങ്ങളെടുക്കുന്ന കേന്ദ്ര സര്ക്കാരിന് ഒരിക്കല് കൂടി നന്ദി അറിയിക്കുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
