Day: 30 August 2025

ബെംഗളൂരു : എൻഫോഴ്‌സ്‌മെന്റ് ഡയറക്ടറേറ്റ്(ഇഡി) കസ്റ്റഡിയിൽ പീഡനം നേരിടേണ്ടിവരുന്നുവെന്ന് അനധികൃതചൂതാട്ടവുമായി ബന്ധപ്പെട്ട കേസിൽ അറസ്റ്റിലായ കോൺഗ്രസ് എംഎൽഎ കെ.സി. വീരേന്ദ്ര. ഇരിക്കാൻ കസേര നൽകുന്നില്ലെന്നും മോശമായ രീതിയിലാണ് ഭക്ഷണം നൽകുന്നതെന്നും ശുദ്ധമായ വെള്ളം നൽകുന്നില്ലെന്നും കോടതിയിൽ ഹാജരാക്കിയപ്പോൾ എംഎൽഎ ആരോപിച്ചു. താൻ മരിച്ചാൽ ഉത്തരവാദിത്വം ഇഡിക്കായിരിക്കുമെന്നും അദ്ദേഹം കൂട്ടിച്ചേർത്തു. ചൂതാട്ടവുമായി ബന്ധപ്പെട്ട കള്ളപ്പണം വെളുപ്പിക്കൽക്കേസിൽ ഇൗമാസം 23-ന് അറസ്റ്റിലായ വീരേന്ദ്രയെ ഇഡി കസ്റ്റഡിയിൽ വിട്ടിരുന്നു. ഇതിന്റെ കാലാവധി അവസാനിച്ചതിനെത്തുടർന്ന് വീണ്ടും കോടതിയിൽ ഹാജരാക്കിയപ്പോഴാണ് പീഡനം നേരിടുന്നവെന്ന് എംഎൽഎ ആരോപിച്ചത്. കേസിന്റെ വിവരങ്ങൾ നൽകുന്നില്ലെന്നും ആരോപിച്ചു.…

ബെംഗളൂരു : കർണാടകത്തിൽ പട്ടികജാതിക്കാർക്കിടയിൽ ആഭ്യന്തരസംവരണം നടപ്പാക്കി സംസ്ഥാനസർക്കാർ ഉത്തരവിറക്കി. പട്ടികജാതികളിൽപ്പെടുന്ന 101 സമുദായങ്ങളെ മൂന്നുവിഭാഗങ്ങളിൽപ്പെടുത്തി സംവരണംനൽകാൻ ലക്ഷ്യമിട്ടാണ് ഉത്തരവ്. ആകെ 17 ശതമാനം സംവരണമാണ് പട്ടികജാതിക്കാർക്കുള്ളത്. ഇതിൽ 16 സമുദായങ്ങൾ ഉൾപ്പെട്ട എസ്‌സി (ഇടത്) വിഭാഗത്തിനും 19 സമുദായങ്ങൾ ഉൾപ്പെടുന്ന എസ്‌സി (വലത്) വിഭാഗത്തിനും ആറുശതമാനംവീതവും ബാക്കിയുള്ള എല്ലാസമുദായങ്ങൾക്കുംകൂടി അഞ്ചുശതമാനവും സംവരണമാണ് ഏർപ്പെടുത്തിയിരിക്കുന്നത്. അടുത്തിടെനടന്ന മന്ത്രിസഭായോഗത്തിൽ ഈ സംവരണഘടന നടപ്പാക്കാൻ തീരുമാനമെടുത്തിരുന്നു. തുടർന്നാണ് ഉത്തരവ് പുറപ്പെടുവിച്ചത്. ഇനിനടക്കുന്ന നിയമനങ്ങളിലെല്ലാം ഈ സംവരണം പ്രാവർത്തികമാകും. പട്ടികജാതി ആഭ്യന്തരസംവരണം നടപ്പാക്കണമെന്നത് ഏറെക്കാലമായി വിവിധ സമുദായങ്ങൾ ആവശ്യപ്പെടുന്നതാണ്.…

ബെംഗളൂരു : ചിക്കമഗളൂരുവിലെ മലയോര വിനോദസഞ്ചാര കേന്ദ്രങ്ങൾ സന്ദർശിക്കാൻ സെപ്റ്റംബർ ഒന്നു മുതൽ ഓൺലൈൻ ബുക്കിങ് നിർബന്ധം. ചന്ദ്രദ്രോണ മലമേഖലയിലെ മുല്ലയ്യനഗിരി, സീതാലയ്യനഗിരി, ശ്രീഗുരുദത്താത്രേയ ബാബാബുധൻ സ്വാമി ദർഗ, മാണിക്യധാര എന്നീ സ്ഥലങ്ങളിലേക്കാണ് നിയന്ത്രണം. ചിക്കമഗളൂരു ജില്ലാ ഭരണകൂടത്തിന്റേതാണ് നടപടി. സഞ്ചാരികളെ നിയന്ത്രിക്കാനാണ് ലക്ഷ്യം. വരുന്നവർ മുൻകൂട്ടി ബുക്ക് ചെയ്യണം. ദിവസം 1,200 വാഹനങ്ങൾ മാത്രമേ ഈ മേഖലയിലേക്ക് അനുവദിക്കുകയുള്ളൂ. രണ്ടു സ്ലോട്ടുകളിലാണ് ബുക്കിങ്ങിന് അവസരമുണ്ടാകുക. രാവിലെ ആറു മുതൽ ഉച്ചയ്ക്ക് 12 വരെയും ഉച്ചയ്ക്ക് ഒരുമണിമുതൽ വൈകീട്ട് ആറു വരെയുമായിരിക്കും ഇത്. ഓരോ…

ബെംഗളൂരു : അസമിൽനിന്ന്‌ ജയിൽചാടി രക്ഷപ്പെട്ട രണ്ട് പോക്സോ കേസ് പ്രതികൾ കർണാടകത്തിലെ ചിക്കമഗളൂരുവിൽ പോലീസിന്റെ പിടിയിലായി. അസം മോറിഗാവ് സ്വദേശികളായ എം.ഡി. ജയ്‌റുൽ ഇസ്ലാം (24), സുബ്രതാ സർക്കാർ (33) എന്നിവരെയാണ് ചിക്കബല്ലാപുര പോലീസ് പിടികൂടിയത്. ഇരുവരെയും 20 വർഷം വീതം കഠിനതടവിന് കോടതി ശിക്ഷിച്ചതായിരുന്നു. തടവനുഭവിക്കുന്നതിനിടെ ഈമാസം 20-നാണ് ഇവർ മോറിഗാവ് ജില്ലാജയിലിൽനിന്ന്‌ രക്ഷപ്പെട്ടത്. ബാരക്കിന്റെ കമ്പികൾതകർത്ത് ജയിലിന്റെ ചുമരുകൾ ചാടിക്കടന്ന് രക്ഷപ്പെടുകയായിരുന്നു. തുടർന്ന് ചിക്കമഗളൂരുവിലെത്തി തോട്ടംതൊഴിലാളികൾക്കിടയിൽ ഒളിച്ചുകഴിയുകയായിരുന്നു. അസം പോലീസ് നടത്തിയ അന്വേഷണത്തിൽ പ്രതികളിലൊരാൾക്ക് ചിക്കമഗളൂരുവുമായി ബന്ധമുണ്ടെന്ന് കണ്ടെത്തിയിരുന്നു. തുടർന്ന്…