ഡെറാഡൂണ്: ഉത്തരാഖണ്ഡിലെ ഹര്ഷില് മേഘവിസ്ഫോടനത്തെത്തുടര്ന്നുണ്ടായ മിന്നല്പ്രളയത്തില് കാണാതായവർക്ക് വേണ്ടിയുള്ള തിരച്ചിൽ രണ്ടാം ദിവസവും തുടരുന്നു.
മണ്ണിനടിയിൽ കുടുങ്ങിക്കിടക്കുന്നവരെ കണ്ടെത്താൻ ദില്ലിയിൽനിന്ന് കെഡാവർ നായ്ക്കളെ വിമാനമാർഗ്ഗം ഉത്തരാഖണ്ഡിൽ എത്തിക്കും. എസ് ഡി ആർ എഫ്, എൻ ഡി ആർ എഫ്, കരസേന, ഐടിബിപി തുടങ്ങിയവരുടെ നേതൃത്വത്തിലാണ് നിലവിൽ രക്ഷാപ്രവർത്തനം പുരോഗമിക്കുന്നത്.
60 പേർ അവശിഷ്ടങ്ങൾക്കിടയിൽ കുടുങ്ങിയതായാണ് നിഗമനം. കൂടുതല് എസ്ഡിആര്എഫ്, എന്ഡിആര്എഫ് സംഘവും വ്യോമസേനയുടെ ഹെലികോപ്റ്ററും തിരച്ചിലിനായി എത്തും.
കൂടുതല് സേനയും രക്ഷാപ്രവര്ത്തനത്തിനായി ധരായിലിലേക്കെത്തും. മണ്ണിനടിയില് കുടുങ്ങിയവരെ കണ്ടെത്താനുള്ള തീവ്രശ്രമത്തിലാണ് രക്ഷാപ്രവര്ത്തകര്.
ഉത്തരകാശിയിലെ മിന്നല് പ്രളയത്തിലും മണ്ണിടിച്ചിലിലും നാലുപേര് മരിച്ചതായാണ് ഔദ്യോഗിക റിപ്പോര്ട്ടുകള് 9 സൈനികര് അടക്കം നൂറോളം പേരെ കാണാതായതായാണ് സൂചന.
മേഖലയില് പലയിടത്തും വീണ്ടും മണ്ണിടിച്ചില് ഉണ്ടാകുന്നതായും റിപ്പോര്ട്ടുണ്ട്. ഗംഗോത്രി തീര്ഥാടനപാതയിലെ പ്രധാന ഗ്രാമമായ ധരാലിയെ മേഘവിസ്ഫോടനവും മണ്ണിടിച്ചിലും പൂര്ണമായും തകര്ത്തു. വിനോദസഞ്ചാരികളടക്കം ഒട്ടേറെപ്പേര് അവശിഷ്ടങ്ങള്ക്കിടയില് കുടുങ്ങിയിട്ടുണ്ട്.
ഉത്തരകാശിയിലെ ധരാലി ഗ്രാമത്തില് ചൊവ്വാഴ്ച ഉച്ചയ്ക്ക് 1.45-ഓടെയാണ് ആദ്യത്തെ വന് മേഘവിസ്ഫോടനമുണ്ടായത്. ഇതിനു പിന്നാലെയാണ് സുഖി ടോപ്പില് സൈനിക ക്യാംപിന് സമീപത്തായി വീണ്ടും മേഘവിസ്ഫോടനമുണ്ടായതായത്.
മണ്ണിടിച്ചിലില് ഹര്ഷീലിലുള്ള സൈനിക ക്യാംപ് തകര്ന്നാണ് 9 സൈനികരെ കാണാതായത്. വിനോദസഞ്ചാരികള് ധാരാളമെത്തുന്ന സ്ഥലത്തെ നിരവധി ഹോംസ്റ്റേകളും വീടുകളും ഹോട്ടലുകളും അടക്കം ഒഴുകിപ്പോയിട്ടുണ്ട്. പ്രളയത്തില് പ്പെട്ട കെട്ടിടങ്ങളില് ആളുകള് കുടുങ്ങിക്കിടക്കുന്നുണ്ടോ എന്നറിയാന് തിരച്ചില് തുടരുകയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
