ബെംഗളൂരു : ആറ് മാസം മുന്നേ വിവാഹിതയായ യുവതിയെ റെയിൽവേ ട്രാക്കിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ദാവൻഗരെ ചന്നഗിരി സ്വദേശിനി വിദ്യയാണ് മരിച്ചത്. കഴിഞ്ഞ ദിവസമാണ് സംഭവം.
ബെംഗളൂരു പൊലീസ് ഉദ്യോഗസ്ഥനായ ശിവു എന്നയാളെയാണ് യുവതി വിവാഹം കഴിച്ചത്.
വിവാഹത്തിന് ശേഷം ഇരുവരും ബംഗളൂരു ശങ്കർപുരത്ത് താമസിച്ചുവരുകയായിരുന്നു. ജൂൺ 30ന് വിദ്യയെ കാണാനില്ലെന്ന് ചൂണ്ടിക്കാട്ടി ഭർത്താവ് ശിവു ശങ്കർപുരം പൊലീസ് സ്റ്റേഷനിൽ പരാതി നൽകി.
പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് അരസിക്കരെയിലെ റെയിൽവേ ട്രാക്കിൽ കഴിഞ്ഞ ദിവസം വിദ്യയുടെ മൃതദേഹം കണ്ടെത്തിയത്.
ഭർതൃവീട്ടുകാർ സ്ഥിരമായി ദിവ്യയെ മാനസികമായി പീഡിപ്പിച്ചിരുന്നതായും സംഭവം കൊലപാതകമാണെന്നും വിദ്യയുടെ മാതാപിതാക്കൾ ആരോപിച്ചു. സംഭവത്തിൽ അരസിക്കരെ റെയിൽവേ പൊലീസ് കേസെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
