Year: 2024

ബെംഗളൂരു : വഖഫ് ഭൂമിപ്രശ്നം കർണാടകത്തിലെ ഹാവേരിയിൽ ഇരുവിഭാഗങ്ങൾ തമ്മിൽ സംഘർഷത്തിനിടയാക്കി. കടകോള ഗ്രാമത്തിലാണ് സംഘർഷമുണ്ടായത്. ഒരു വിഭാഗം നേതാക്കളുടെ വീടുകൾക്കുനേരേ കല്ലേറുണ്ടായി. ഏതാനുംപേർക്ക് പരിക്കേറ്റു. ബുധനാഴ്ച രാത്രിയാണ് സംഭവം. പോലീസ് 32 പേരെ അറസ്റ്റുചെയ്തു. ഇവരെ പിന്നീട് വിട്ടയച്ചു. വിജയപുര ജില്ലയിൽ കർഷകർ പരമ്പരാഗതമായി കൈവശംവെച്ചുവരുന്ന ഭൂമി വഖഫ് ബോർഡ് ഏറ്റെടുക്കാനായി നോട്ടീസ് നൽകിയിരുന്നു. ഇത് വലിയ പ്രതിഷേധത്തിനിടയാക്കി. ഇതിന്റെ തുടർച്ചയായാണ് അയൽജില്ലയായ ഹാവേരിയിലേക്കും പ്രതിഷേധം വ്യാപിച്ചത്. കടകോള ഗ്രാമത്തിലെ ഭൂമിയും വഖഫ് ബോർഡ് ഏറ്റെടുക്കുകയാണെന്ന പ്രചാരണമുണ്ടായി. തുടർന്നാണ് ഇരുവിഭാഗങ്ങൾ തമ്മിൽ സംഘർഷമുണ്ടായത്.…

ഡല്‍ഹി: ദീപാവലി ആഘോഷങ്ങള്‍ക്ക് പിന്നാലെ ഡല്‍ഹിയിലെ വായുമലിനീകരണം ഉച്ഛസ്ഥായിയിലെത്തി. വിഷപ്പുകമഞ്ഞില്‍ മുങ്ങിയിരിക്കുകയാണ് രാജ്യതലസ്ഥാനം. ആനന്ദ് വിഹാറിലെ വായു ഗുണനിലവാര സൂചിക വളരെ മോശം കാറ്റഗറിയിലാണ് ഉള്ളത്. രാവിലെ ആറുമണിക്ക് രേഖപ്പെടുത്തിയ സൂചിക പ്രകാരം, എയര്‍ ക്വാളിറ്റി ഇന്‍ഡെക്‌സ് 395 ആണ് രേഖപ്പെടുത്തിയത്. നോയിഡ, ഗുരുഗ്രാം, ഡല്‍ഹിയിലെ മറ്റ് പ്രദേശങ്ങള്‍ എന്നിവിടങ്ങളിലും സ്ഥിതി ഗുരുതരമാണ്. ഹരിയാനയിലെ പല സ്ഥലങ്ങളിലും ദീപാവലി ആഘോഷത്തിനു പിന്നാലെ, വായു ഗുണനിലവാര സൂചിക ‘മോശം’, ‘വളരെ മോശം’ കാറ്റഗറിയിലാണുള്ളത്. പഞ്ചാബിലെയും, ചണ്ഡീഗഡിലെയും വായു ഗുണനിലവാര സൂചികയും ‘മോശം’ കാറ്റഗറിയില്‍ ആണെന്നാണ് റിപ്പോര്‍ട്ട്.…

ബെംഗളൂരു : രേണുകാസ്വാമി കൊലക്കേസിൽ ജാമ്യത്തിലിറങ്ങിയ നടൻ ദർശനെ വെള്ളിയാഴ്ച ആശുപത്രിയിൽ പ്രവേശിപ്പിച്ചു. പുറംവേദന അധികമായതിനെത്തുടർന്നാണ് കെങ്കേരിയിലെ സ്വകാര്യാശുപത്രിയിൽ പ്രവേശിപ്പിച്ചത്. പുറംവേദനയ്ക്കുള്ള ചികിത്സയുടെ ഭാഗമായുള്ള ശസ്ത്രക്രിയ നടത്താൻ അനുവദിച്ച് ഹൈക്കോടതി കഴിഞ്ഞദിവസം ദർശന് ആറാഴ്ചത്തേക്ക് ഇടക്കാലജാമ്യം അനുവദിച്ചതായിരുന്നു. മൈസൂരുവിലെ സ്വകാര്യാശുപത്രിയിൽ ശസ്ത്രക്രിയ നടത്തണമെന്നാണ് കോടതിയിൽ ആവശ്യപ്പെട്ടത്. കോടതി ഇത് അനുവദിക്കുകയും ചെയ്തിരുന്നു. ബെല്ലാരി ജയിൽനിന്ന് ബെംഗളൂരുവിലെ വീട്ടിലേക്കാണ് ദർശൻ എത്തിയത്. ഇവിടെനിന്നാണ് വെള്ളിയാഴ്ച കെങ്കേരിയിലെ ആശുപത്രിയിലെത്തിയത്. വിദഗ്ധ ഡോക്ടർമാർ പരിശോധന നടത്തുകയും ചികിത്സയാരംഭിക്കുകയും ചെയ്തു. ഒരു സിനിമയുടെ ചിത്രീകരണത്തിനിടെ കുതിരപ്പുറത്തുനിന്നുവീണ് ദർശന് പുറത്ത് പരിക്കേറ്റിരുന്നു.…

ബെംഗളൂരു : ബെംഗളൂരുവിൽ കാറും ബൈക്കും കൂട്ടിയിടിച്ച് ബൈക്ക് യാത്രികനായ മലയാളി വിദ്യാർഥി മരിച്ചു. വടകര കൊയിലാണ്ടിവളപ്പ് മാടപ്പുല്ലന്റവിട എം.വി. സിദ്ധിഖിന്റെ മകൻ നിയാസ് മുഹമ്മദാണ് (26) മരിച്ചത്. ബൈക്കിൽ ഒപ്പമുണ്ടായിരുന്ന സുഹൃത്ത് മാഹി സ്വദേശി ഷുഹൈബിന് (23)പരിക്കേറ്റു. ഇയാളെ വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജിലേക്കുമാറ്റി. വ്യാഴാഴ്ച രാത്രി ബെംഗളൂരു ബി.ടി.എമ്മിലായിരുന്നു അപകടം. ഇരുവരും ബെംഗളൂരുവിൽ സൈബർ സെക്യൂരിറ്റി കോഴ്‌സിന് പഠിക്കുകയാണ്. നിയാസ് മുഹമ്മദിന്റെ മൃതദേഹം വിക്ടോറിയ ആശുപത്രിയിലെ പോസ്റ്റ്‌മോർട്ടത്തിനുശേഷം ബന്ധുക്കൾ ഏറ്റുവാങ്ങി നാട്ടിലേക്ക് കൊണ്ടുപോയി. മാതാവ്: സഫീറ. സഹോദരങ്ങൾ: സിജാദ്, നഫ്‌സൽ.

തിരുവനന്തപുരം: മാന്നാർ കടലിടുക്കിന് മുകളിലായി സ്ഥിതിചെയ്യുന്ന ചക്രവാതച്ചുഴിയുടെ സ്വാധീനത്തിൽ കേരളത്തിൽ ഇന്നും നാളെയും ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. കേരളത്തിൽ അടുത്ത 5 ദിവസം ഇടിമിന്നലോടു കൂടിയ നേരിയതോ ഇടത്തരമോ ആയ മഴയ്ക്ക് സാധ്യതയുണ്ട്. ഒറ്റപ്പെട്ട സ്ഥലങ്ങളിൽ ഇന്നും നാളെയും ശക്തമായ മഴയ്ക്കാണ് സാധ്യതയെന്ന് കാലാവസ്ഥാ വകുപ്പ് അറിയിച്ചു. ഇന്ന് (02 – 11 – 2024) തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട് ജില്ലകളിലും നാളെ (03 – 11- 2024) തിരുവനന്തപുരം, കൊല്ലം, പത്തനംതിട്ട,…

ബെംഗളൂരു : കർണാടക രാജ്യോത്സവദിനമായ വെള്ളിയാഴ്ച മഹാരാഷ്ട്ര ഏകീകരണ സമിതി ബെലഗാവിയിൽ കരിദിനമായി ആചരിച്ചു. മഹാരാഷ്ട്രയുമായി ചേർന്നുകിടക്കുന്ന, മറാഠി ഭാഷ സംസാരിക്കുന്നവർ കൂടുതലുള്ള പ്രദേശങ്ങൾ മഹാരാഷ്ട്രയിൽ ചേർക്കണമെന്നാവശ്യപ്പെട്ടായിരുന്നു കരിദിനാചരണം. കറുത്ത വസ്ത്രങ്ങളണിഞ്ഞ് പ്രവർത്തകർ പ്രതിഷേധറാലിയിൽ അണിനിരന്നു. ബെലഗാവി, കാർവാർ, ഖാനാപൂർ, നിപ്പാനി, ഭാൽകി, ബീദർ തുടങ്ങിയ പ്രദേശങ്ങൾ മഹാരാഷ്ട്രയിൽ ചേർക്കണമെന്ന് പ്രവർത്തകർ ആവശ്യമുയർത്തി.

ബെംഗളൂരു : കന്നഡ നടൻ യഷ് നായകനായെത്തുന്ന പുതിയ സിനിമ ‘ടോക്‌സിക്കി’ന്റെ ചിത്രീകരണത്തിന് ബെംഗളൂരു പീനിയയിൽ എച്ച്.എം.ടി. യുടെ അധീനതയിലുള്ള വനഭൂമിയിൽനിന്ന് മരങ്ങൾ വെട്ടിമാറ്റിയതിന് നടപടിയെടുക്കാനൊരുങ്ങി വനം വകുപ്പ്. സംഭവത്തിൽ സമഗ്രമായ അന്വേഷണം നടത്താൻ വനം മന്ത്രി ഈശ്വർ ഖൻഡ്രെ ഉദ്യോഗസ്ഥർക്ക് നിർദ്ദേശം നൽകി. എച്ച്.എം.ടി. യുടെ അധീനതയിലുള്ള ഈ സ്ഥലം റിസർവ് വനഭൂമിയാണെന്ന് പറഞ്ഞാണ് വനം വകുപ്പ് നടപടിയുമായി രംഗത്തെത്തിയത്. സിനിമാ ചിത്രീകരണത്തിനായി നൂറു കണക്കിന് മരങ്ങൾ അനധികൃതമായി മുറിച്ചുമാറ്റിയെന്ന് സ്ഥലത്ത് പരിശോധന നടത്തിയ ഈശ്വർ ഖൻഡ്രെ പറഞ്ഞു. പ്രദേശത്തെ ഉപഗ്രഹ ചിത്രങ്ങൾ…