Day: 27 December 2024

ബെംഗളൂരു: ശിവമോഗ ജില്ലയിലെ ഹൊസനഗര താലൂക്കിലെ മരകുഡികയിൽ മലയാളികൾ സഞ്ചരിച്ച ജീപ്പും വാനും കൂട്ടിയിടിച്ചുണ്ടായ അപകടത്തിൽ ഒൻപതുപേർക്ക് പരിക്ക്. വ്യാഴാഴ്ച രാവിലെയാണ് അപകടം. നിട്ടൂരിൽനിന്ന് കൊല്ലൂർ മൂകാംബിക ക്ഷേത്രത്തിലേക്കുപോകുന്ന മലയാളികൾ സഞ്ചരിച്ച ജീപ്പും മൂകാംബികയിൽനിന്ന് നിട്ടൂരിലേക്കുമടങ്ങുന്ന കർണാടക സ്വദേശികൾ സഞ്ചരിച്ച വാനുമാണ് കൂട്ടിയിടിച്ചത്. മരകുഡികയിൽ റോഡരികിൽ നിർത്തിയിട്ട ജീപ്പിൽ വാൻ വന്നിടിക്കുകയായിരുന്നു. വാനിൽ 13 പേരാണുണ്ടായിരുന്നത്. ഇതിലുള്ളവർക്കാണ് പരിക്കേറ്റത്. ഇവരെ കുന്ദാപുരയിലെ ആശുപത്രിയിൽ പ്രവേശിപ്പിച്ചു. ഇവരിൽ മൂന്നുപേരുടെ നില ഗുരുതരമാണെന്ന് പോലീസ് അറിയിച്ചു. ജീപ്പിൽ ആറുമലയാളികളടക്കം എട്ടുപേരാണുണ്ടായത്. ഇവരിലാർക്കും പരിക്കില്ലെന്നും പോലീസ് പറഞ്ഞു.

പത്തനംതിട്ട : ബെംഗളൂരുവിൽ പഠിക്കുന്ന തിരുവനന്തപുരം നെയ്യാറ്റിൻകര സ്വദേശി കഴിഞ്ഞദിവസം ഇൻസ്റ്റഗ്രാമിൽ പങ്കുവെച്ച ഒരു വീഡിയോ 11 ലക്ഷംപേരാണ് കണ്ടത്. ബെംഗളൂരു സിറ്റി റെയിൽവേ സ്റ്റേഷനിൽനിന്ന് കേരളത്തിലേക്കു വരാൻ തീവണ്ടിയിലെ ജനറൽ കംപാർട്ട്മെന്റിൽ കയറാൻ ബുദ്ധിമുട്ടുന്ന വിദ്യാർഥികളുടെ വീഡിയോയാണ്. ക്രിസ്മസ്-പുതുവത്സര അവധിക്ക്‌ നാട്ടിലെത്താൻ മതിയായ യാത്രാസൗകര്യങ്ങളില്ലെന്നത് കുറേക്കാലമായുള്ള പ്രശ്നമാണ്. ജനറൽ കംപാർട്ട്മെന്റിൽ കാലുകുത്താനുള്ള ഇടംനേടി മണിക്കൂറുകൾനിന്നെങ്കിലും നാട്ടിലെത്താനാണ് വിദ്യാർഥികൾ ശ്രമിക്കുന്നത്. സീസൺ സമയത്ത് കോൺട്രാക്ട് കാര്യേജ് ബസുകൾ ഇരട്ടിയിലധികം തുകയാണ് ഈടാക്കുക. തത്‌കാൽ പോലും ലഭിക്കില്ല. 21, 22, 23 തീയതികളിൽ രാവിലെ മുതൽ…

ബെംഗളൂരു : നഗരത്തിൽ നമ്മ മെട്രോയിൽ യാത്രയ്ക്ക് ചെലവേറും. നിരക്ക് വർധനവിനെ കുറിച്ച് പഠിക്കാൻ ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബി.എം.ആർ.സി.എൽ.) നിയോഗിച്ച ഫെയർ ഫിക്സേഷൻ കമ്മിറ്റിയുടെ (എഫ്.എഫ്.സി.) റിപ്പോർട്ട് ഉടൻ സർക്കാരിന് സമർപ്പിക്കും. പത്തു മുതൽ 15 ശതമാനംവരെ നിരക്ക് വർധനവ് നിർദേശിച്ചേക്കും. നിരക്ക് വർധിപ്പിക്കുന്നത് സംബന്ധിച്ച് കമ്മിറ്റി നേരത്തേ പൊതുജനങ്ങളിൽനിന്ന് അഭിപ്രായം തേടിയിരുന്നു. കമ്മിറ്റിയുടെ റിപ്പോർട്ട് നടപ്പാക്കിയാൽ ദിവസേന മെട്രോയിൽ യാത്രചെയ്യുന്നവർക്ക് യാത്രാച്ചെലവ് വർധിക്കും. നിലവിൽ നമ്മ മെട്രോയിൽ കുറഞ്ഞ നിരക്ക് 10 രൂപയും കൂടിയ നിരക്ക് 60 രൂപയുമാണ്.…

ബെംഗളൂരു: ബെംഗളൂരു മെട്രോപൊളിറ്റൻ ട്രാൻസ്‌പോർട്ട് കോർപ്പറേഷൻ (ബിഎംടിസി)  ജനുവരി ഒന്നിന് ഇനിപ്പറയുന്ന മെട്രോ ഫീഡർ ബസ് സർവീസുകൾ അവതരിപ്പിക്കും. MF-49: ചിക്കബിദാരക്കല്ല് മെട്രോ സ്റ്റേഷൻ തോട്ടടഗുഡ്ഡഡഹള്ളി, തമ്മേനഹള്ളി വഴി ആചാര്യ ഇൻസ്റ്റിറ്റ്യൂട്ടിലേക്ക് ആണ് സർവീസ് നടത്തുക. ഒരു ബസ് പ്രതിദിനം 26 ട്രിപ്പുകൾ നടത്തും. MF-50: ചിക്കബിദരകല്ല് മെട്രോ സ്റ്റേഷൻ മുതൽ തോട്ടടഗുഡ്ഡഡഹള്ളി, കുടുരഗെരെ കോളനി, മദനായകനഹള്ളി വഴി ചിക്കബിദരകല്ല് മെട്രോ സ്റ്റേഷനിലേക്ക്  ആണ് സർവീസ് നടത്തുക.. രണ്ട് ബസുകൾ ദിവസവും 26 ട്രിപ്പുകൾ നടത്തും. MF-51: മടവര മെട്രോ സ്റ്റേഷൻ മുതൽ ലക്ഷ്മിപുര,…